radheef.info
ރަދީފު


ހަން
ނ (1) އިންސާނުންނާއި ދިރޭއެއްޗެހީގެ ހަށިގަނޑުގެ ބޭރުދުލި (2) ބިރުވެރިކަމެއް ޖެހިގެން އެހީޔަކަށްއެދި ކައިރީގައިވާ ރަށަކަށް ނުވަތަ ކަނޑުމަތިން ދާބަޔަކަށް އަންގާން އުފުލާއެތި (3) ޢާއްމުކޮށް ދިޔާއެއްޗެހި އަޅަން ޕްލާސްޓިކާއި ރަބަރު ފަދަ ތަކެތީން ހަދައިފައި ހުންނަ ކަންވާރު (4) އެއްގަމުގައި ދުއްވާ ތަކެތީގެ ފުރޮޅުގެ އެތެރެ ރަބަރާއި ބޭރު ރަބަރު (5) ބޯޅަ ފިޔަވައި ވައިޖަހައިގެން ފުފޭގޮތަށް ހަދައިފައި ހުންނަ އެއްޗެހި (6) ބެރުގެ ދެކޮޅުގައި އަޅައިފައި ހުންނަ އެއްޗެހި (7) ހުރަސް
ބަންގުޑާރު
ނ ބޯޓު ފެތުނީމާ އަރާން ހަންމާލަ ފާޑަކަށް ހަދައިފައި ހުންނަ އެއަށްވުރެ ބޮޑުއެއްޗެއް
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ
ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ބައިހަންދަރު
ނ ހަންދަރެއްގެ ދެބައިކުޅަ އެއްބައިގެ ބަރުދަން
ބައިމެދު
ނ (1) ބަހަންވެފައި ހުރި ތަކެތި (2) ނުބަހައި ހުންނަ ތަކެތި
ބަލިބަލާކަށިގަނޑު
ނ (1) ކަންފަތުގައި ޖަހައިގެން ބަލިމީހާ ހަށިގަނޑު އެތެރޭގެ އަޑުތައްއަހަން ދަކްތަރުން ގެންގުޅޭ އާލަތެއް (2) ބަލިބަލާއެތި
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބިހުކަޑި
ނ ދޯނި ފަހަރުގެ ފަށްދަމަން ނުވަތަ ކުރަހަން ކުކުޅުބިސް ނުވަތަ ވެލާބިސް އަޅައިގެން ގިރާ ކަޑި
ބިންމާ
ނ ހަންޑިހަތްފަޅާހެން ބިމުންފަޅާ އެއްޗެއް މިހުންނާނީ މަލެއްގެ ސިފައިގައެވެ މީގާ މީރުވަހެއް ހުންނާނެއެވެ
ބުންބެރު
ނ (1) ބުންބެރުޖަހައިފައި ފުރެއްދެލަވަ ކިއަމުން ކުޅޭ ކުޅިވަރު (2) ފުރެއްދެ ލަވަކިޔާއިރު ޖަހަން ގެންގުޅޭ ބެރު
ބުރިހަންގަތުން
މ ބުރިހަންނެގުން
ބުރުމާކަށި
ނ ތޮރުފުމަށްޓަކައި ބުރުމާގައި ޖަހަން ހަދައިފައި ހުންނަކަށި
ބުޅާކަންފަތް
ނ )އ ( ހަންޑިހަތް
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުއެޅުން
މ ބެރުގެ އޮނިގަނޑު ދެކޮޅުގައި ހަންހަރުކުރުން
ބެރުމުސްކުޅިގޭ ހަންގަނޑު
ނ ބެރުޖަހަން ދަސްކުރަން ހަމުން ކެހެރި ނުފިލުވައި އަޅައިފައި އޮންނަބެރު މިއޮންނާނީ ބެރުމުސްކުޅި ގޭގައެވެ
ބެރުފިޔަފާޅި
ނ ސަމާގައި ބެރުޖަހަން އަޅާފިޔަފާޅި
ބެރުދަނޑި
ނ ބެރުޖަހަން ގެންގުޅޭ ދަނޑި ގަނޑު މިހުންނަނީ ގަދަ ލަކުޑިއަކުން ކުޑަކޮށް ގުދުކޮށް ހަދައިފައެވެ
ބެރުދެމުން
މ ބެރުގެނަނުތަކަށް ދަމައި ހަންބާރު ކުރުން
ބެރުޖެހުން
މ (1) އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެއްގައި ޖެހުން (2) މިއުޒިކުގެ ހަމަޔާ ގުޅޭގޮތަށް ވަކިތަރުތީބަކުން އެއްޗެއްގައި ނުވަތަ ތަނެއްގައިޖެހުން (3) ކަރަންޓު ބޭނުންކޮށްގެން ނުވަތަ އެނޫން ވެސް ގޮތަކުން ބެރުގެ އަޑު ނެރެން ހަދައިފައިވާ އެއްޗަކުން އަޑުނެރުން