radheef.info
ރަދީފު


ހަށި
ނ ދިރޭ ކޮންމެ އެއްޗެއްގެ މުޅިހަށިގަނޑު
ނިދިއައުން
މ ނިދީގެ އަސަރު ހަށިގަނޑަށް ވެރިވުން
ނިދިމޯޅި
ނ (1) ނިދާ ތެދުވާއިރު ހަށިގަނޑަށް ލިބިފައިހުންނަ މޯޅިކަން (2) ނުފިލާ ހުރިނިދީގެ އަސަރު
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނޫކާޅު
ނ ރާއްޖޭގެ ފަރުފަރުގެ މުރަކައާއި ގާތަކުގެ ތެރޭގައި ވަރަށް ގިނައިން އުޅޭ މަހެއް މޫދުމަސް ދިރުވައިގެން ގެންގުޅޭމީހުންގެ ގާތުގައި މިއީ ވަރަށް މަޝްހޫރު މަހެކެވެ މަހުގެ ބޮލުގެ ކުލައަކީ ކަލުކުލައެވެ ކޯތާފަތުގެ ކުލަ ހުދުވާނެއެވެ ހަށިގަނޑުގައި ހަންހުރި ހުރިހާ ހިސާބެއްގެ ކުލައަކީ ނޫކުލައެވެ ނަގޫފަތުގެ ކޮޅުގައްޔާ ބުޑުދަށުގައި ހުރަހަށް ކަލުކުލައިގެ ފުޅާ ދެރޮނގު ހުންނާނެއެވެ
ނެށުން
މ (1) ހަމައެއްގެ މަތިން ހެލިފެލިވެ ޙަރަކާތްތަކެއް ކުރުން (2) ނ ރާގަކަށް ނުވަތަ ލަވައަކަށް ހަމަކޮށް ފައި ޖެހުމާއެކު ހަށިގަނޑަށް ގެންނަ ހެލިފެލިވުމެއް
ނޭވާހިއްލުން
ނ (1) ނޭވާލާން ދަތިވުމުގެ ސަބަބުން ހަށިގަނޑަށް ކެކުޅުން ލިބޭ ބައްޔެއް މިޔަށް "ހިއްލުން" "ދެއްމުން" "ނޭވާޔަށް އުދަގޫވުން" މި ނަންނަމުންވެސް ކިޔައެވެ (2) ނޭވާލުން ދަތިވުމުގެ ސަބަބުން ހަށިގަނޑަށް ކެކުޅުން ލިބުން
ނޭވާހޮޅިޔަށް އެޅުން
މ ފުރާނަދާން ކައިރިވާއިރު މުޅިހަށިގަނޑަށް ބާރުކޮށްގެންނޫނީ ނޭވާ ނުލެވޭ ގޮތްވުން މިހާލުގައި ގިނައިން ނޭވާލެވޭނީ އަނގައިންނެވެ ބައެއް ފަހަރަށް ކަރުތެރެއިން އަޑުކިޔާ ގޮތްވެސްވެއެވެ
ނޮޅުން
މ (1) ކުދިގަސްތަކެއް އުފުރުން (2) ގަހަކުން ފަތްވަކިކުރުން (3) ތަނޑުން ފަތް އުފުރުން (4) ތޮށިދޫ މޭވާއާއި ތަރުކާރީގެ ތޮށި ފިލުވުން (5) ބަކަރި ކުކުޅުފަދަ ތަކެތީގެ ހަން ފިލުވުން (6) ދޫނިސޫފާސޫފީގެ ފަތް އުފުރުން (7) ވީދާ ވަކިއަޅާހެދުން (8) ކުކުޅުބިސްފަދަ ތަކެތިން ތޮށި ފިލުވުން (9) ހަށިގަނޑުން ފޮޅިފައިހުންނަ ހަންކޮޅުކޮޅު ނެއްޓުން
ރަންކޮކާ
ނ (1) ރަންރީނދޫކުލައިގެ ވިދާކޮކާލެއް މަޖާޒު: (2) ބަނޑުހައިވެގެން ގޮސްމާބޮޑުވަރުވީމާ ލޮލަށް ފެންނަހެން ހީވާއެއްޗެއް ހަށިގަނޑު ދެރަވެފައި ހުންނައިރު ގިނައިރުވާންދެން އުޑަފައިން އިށީނދެ އިނދެފައި ކުއްލިއަކަށް ތެދުވީމާވެސް މިފެނެއެވެ (3) )ޅ ( ލޭކޮކާ
ރަންފާނަ
ނ ފާނައިގެ ބާވަތެއް މީގެ ކުލައަކީ ރަންކުލައެވެ މަހުގެ ބޮލާއި ހަށިގަނޑުގައި ނާރިގު ކުލައަކަށްދާ ރީނދޫ ކުލައިގެ ކުދި ތިކިތަކެއް ހުރެއެވެ މަހުގެ ނިގޫފަތުގެ ކޮޅުގައި ނޫކުލައިގެ ހިމަ ފަށެއް ހުރެއެވެ
ރަތަބަޑި
ނ ދޮންދޫނީގެ ބާވަތެއް މީގެ ހަށިގަނޑު ހުންނާނީ ކަޅުރަތްކުލައިގައެވެ ތިރީދެފިޔައިގެ ބުޑުދޮށުގައި ދޮންރަތްކުލައިގެ ލަކެއް ހުންނާނެއެވެ
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރޫޅުން
މ (1) އެއްވެފައި ނުވަތަ ހަދައިފައިހުރި އެއްޗެއްގެ ބައިތައް ވަކިވަކިވުން (2) ނެއްތައިލުން މިބަސް މީންކޮންމެ މާނައެއްގައި ރައްދުވާ ގޮތަށާއި ރައްދުނުވާގޮތަށް ބޭނުންކުރެވެއެވެ (3) ވިއްސިވިހާލިވުން (4) އެއްވެފައިވާ ބަޔަކު ތިބިތާކުން ދުރަށްދިޔުން (5) މަޖާޒު: ހަށިގަނޑު ހެދިބޮޑުވެލުން
ރޫފަ
ނ (1) ސަމައްތަރު (2) ހަށިގަނޑުގެ ބުރުސޫރަ (3) ރޫހަ
ރޫޙާނީ
ނއ (1) ހަށިނެތް (2) ފުރާނައިގެ (3)ފުރާނައިގެ ބާރުގަދަވެފައިވާ
ރޫޙާނީކަން
ނއނ (1) "ރޫހާނީ" ގެ ނއނ (2) ހަށިނެތްކަން (3) ފުރާނައިގެ ބާރުގަދަކަން
ރޮނގުދެމިކާޅު
ނ ކަނޑުކާޅުގެ ބާވަތެއް މިއީ ފުޅާ އަދި ފަތިހަށިގަނޑެއް ލިބިފައިވާ އަނގަ ކުޑަ މަހެކެވެ މަހުގެ ނިގޫ ފަތުގެ ކޮޅު ހުންނާނީ ހަނދުފަޅި ބުރަށް ކަފިކޮންނެވެ މަހުގެ ދިގަށްވާގޮތަށް ދެއަރިމަތީގައި އަޅިނޫކުލައިގެ ހިމަ ރޮނގުތަކެއް ހުރެއެވެ މަހުގެ ކުލައަކީ މުށިކުލައެވެ
ބަނޑި
ނ (1) އޮމާންކޮށް ނުވަތަ ތެދުކޮށް ހުންނާންވީ އެއްޗެއްގައި ހުންނަ އަޑިގުޑަން (2) ހިނގާއިރު ހަށިގަނޑަށް ލައްވާ ވަންނި
ބަނޑިބަނޑި
ނ (1) މީހުން ހިނގާއިރު ހަށިގަނޑަށް އަރުވާ ބައެއް ކަހަލަ ލޮޅުން (2) ބަނޑީގެ ގިނަގޮތް (3) އޮމާންކޮށް ނުވަތަ ތެދުކޮށް ހުންނާންވީ އެއްޗެއްގައި ހުންނަ އަޑިގުޑަން
ބަރަހުން އެޑުން
މ )ސ ( ހަށިގަނޑަށް ލިބޭ ވޭނެއްގެ ސަބަބުން ކުކުރުން