radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ރަތްދުވަނި
ނ ދުވަނީގެ ރަތްބާވަތް މި ބަލި ގިނައިން ޖެހެނީ ޅަކުދިންނަށެވެ
ރަތްލާޖެހި
ނއ މަޖާޒު: (1) އެންމެންދަންނަ. (2) މަޝްހޫރު. މިބަސްބޭނުންކުރަނީ މީހުންނާ ނިސްބަތްކޮށެވެ
ރަތްލިލީ
ނ ލިލީގެ ބާވަތެއް މިމަލުގެ ފިޔަ ހުންނަނީ އޮރެންޖުކުލައިގައެވެ މިގަހުގެ ފަތް ހުންނަނީ އާދައިގެ ލިލީގަހުގެ ފަތަށްވުރެ ކުރުކޮށެވެ ފަތުގެ ބޮޑުމިނަކީ ގާތްގަނޑަކަށް ފޫޓެކެވެ
ރަތްގަޅިފާނަ
ނ ފާނައިގެ ބާވަތެއް މިމަހުގެ ކަންފަތްގަނޑުކޮޅާ ނިގޫފަތުގެ ކޮޅު ހުންނަނީ ވަށްކޮށެވެ މިމަހުގެ ކުލައަކީ އޮރެންޖްކުލައެވެ ދެއަރިމަތީގައި ހުރަހަށް ގަދަރަތްކުލައިގެ ގަޅިތަކެއް ހުރެއެވެ މިގަޅިތައް ސާފުކޮށް ފެންނަން ހުންނަނީ މަހުގެ މަތީބައިގައި އެކަންޏެވެ
ރަތްގާ
ނ ރާއްޖޭގެ ބައެއްފަޅު ފަޅުގައިހެދޭ ކަޅުރަތްކުލައިގެ ގަލެއް މިގަލުގައި ހުހިވަކުތެރޭ ލޯވަޅު ހުންނަހެން ލޯވަޅު ހުރެއެވެ
ޖަނބުރޯލު ބަލާ! ރަތްޖަނބުރޯލު
ނ ރަތްކުލައިގައި ހުންނަ ޖަނބުރޯލު
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރަތްޖާޑިބިޖާޑި
ނ މަޖާޒު: ރަތްމަސް
ރަސްރަނި
ނ (1) ރަސްރަސްކަލުންނާއި ރަނިކަނބަލުންނަށް ކުރުކޮށް ކިޔާގޮތް (2) މަޖާޒު: ރީތި އަންހެނުން
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރަސްމިއްޔާތު
ނ ކަމަކަށްޓަކައި ރަސްމީގޮތުން ބާއްވާ ޖަލްސާ
ރަސްމީ ހެދުން
ނ (1) ދައުލަތުގެ ޚާއްޞަ ހެދުން (2) ސަރުކާރުގެ މަސައްކަތަށް ނުކުންނައިރު އަޅަންޖެހޭ ހެދުން
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ރަޖަބު
ނ ހިޖްރީ ކަލަންޑަރުގެ 7 ވަނަމަސް
ރަޖަބޫތުން
ނ އުތުރު އިންޑިޔާގައި އިހުޒާމަނުގައި ތިބި ހިންދީ ރާޖާއިންގެ ދަރިކޮޅަށް ނިސްބަތްވާ މީހުން
ރަޖާގަނޑު
ނ (1) ރަޖާ (2) މަޖާޒު: އަނބިމީހާ
ރަޖިސް
ނ އިހުގައި ގެންގުޅުނު ރެޖިސްކުންފުނީގެ މޮޅު ކުރަފަތާއި ފިޔޮހި
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން