radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ނިކަކޯޅި ބަވާސީ
ނ ނިކަކޯޅިއެއްގެ ސިފައިގައި ފުރަގަސް ފަރާތުން ނިކުންނަ ބައްޔެއް
ނިއަނދުރު
ނ ނިޔަނދުރު
ނިއަނދުރުލޭ
ނ ބައްޔެއްގެ ސަބަބުން ދުވަސް ދުވަހުން ނޭފަތުން އަންނަލޭ
ނިއަރަކަޅުއޮށް
ނ )މ ( މިޔަރުކަޅުއޮށް
ނިއަރޮދި
ނ ނިޔަފަތިގަނޑާއި ހަމާގުޅޭ ތަނުން ހަމުގެ ކައިރިފަށް
ނިއައުކުރުން
މ (1) ޤުރުއާން ކިޔަވާ ޚަތިމްކުރުން (2) ކަމެއްކޮށް ނިންމައިލުން
ނިއައުވުން
މ (1) ޤުރުއާން ކިޔަވާ ޚަތިމްވުން (2) މަރުވުން (3) ނިމުން
ނިއަމިފަތިގަނޑު
ނ (1) ކަށިތިޔާރުކުރާ ފަތިގަނޑު (2) ޗާޓުރޯލު
ނިއަފައް
ނ )ސ ( ނިޔަފަތި
ނިއަފަތިކަނޑާ ފިޔޮހި
ނ ކުދިޗާކު ފިޔޮހި
ނިއާމަ
ނ (1) ފަސޭހަ (2) ނިޢުމަތް މިބަސް ގިނައިން ބުނެއުޅެނީ ދަތުރާއި ވިދިގެންނެވެ މިސާލު: ނިޔާމަ ދަތުރު ނުވަތަ ފަހި ދަތުރު
ނިއުމޯނިއާ
ނ ފުއްޕާމޭ ދުޅަވާ ބައްޔެއް މިބަލީގައި ފުއްޕާމޭގެ އެތެރޭގައި ޖަރާސީމުގެ ސަބަބުން ދޮސްހެދި ހަށިގަނޑަށް ބޭނުންވާ ވަރަށް އޮކްސިޖަން ނުލިބެއެވެ މޭގައި ރިހުމާ ކެއްސުންވެސް އެއީ މިބަލީގެ ޢަލާމާތެކެވެ
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ނިވައިރޯޅި
ނ (1) ހާމަޔަށް އަންނަވައި ތާކުޖެހިފައި ވައިޖެހޭދިމާނޫން ފަރާތަކުން އަންނަ ރޯޅި (2) ސީދާ ނޫން ގޮތަށް އަންނަ ރޯޅި
ނިވަތް
ނ ޢިމާރާތެއްގެ ކުރިމަތިން ވަންނަ ދޮރާދިމާ ބޭރަށް ނިތްގަނޑެއްގެ ސިފައިގައި ނެރެފައި އޮންނަ ހިޔާ
ނިވާފަތް
ނ (1) ތަޅުދަނޑިވަޅު ފޮރުވާން ތަޅުވަޅުމަތީގައި ހަރުކޮށްފައި ހުންނަ އެތިކޮޅު (2) ދޮރުފަތް ލެއްޕީމައި ދެދޮރުފަތް ދެމެދުން ހާއަޅާތަން ނިވާކުރުމަށް އެއްދޮރުފަތުގައި ހަރުކުރާ ފަތިގަނޑު މިފަދަ ބޭނުމަށްޓަކައި ހަރުކުރާ ކޮންމެ އެއްޗަކަށްވެސް މިނަމުން ކިޔައެވެ
ނިވާފަތްގަނޑު
ނ (1) އެއްޗެއް ނިވާކުރުމަށާއި ރައްކާތެރި ކުރުމަށްޓަކައި ޖަހާނިވާ (2) މަޖާޒު: މީހަކަށް ނުވަތަ ބަޔަކަށް ރައްކާތެރިކަންދޭ މީހާ
ނިވާފޮތި
ނ ހުންގާނު ފޮތިވަރުތައް ފޭވިޔަނުދޭން އަޅާވާލު
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން