radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ފޮތިކޮޅު
ނ (1) ނައިކައާއި ބިހުރަނުލައި އާދައިގެ ހުދުފޮތިން ފަހާފައި ހުންނަ ކީމަކޮޅު (2) ބޮލުފޮތިކޮޅު (3) ފޮތީގެ މިންވަރެއް
ފޮތިފައިވާން
ނ (1) ފޮތިން ހަދައިފައި ހުންނަ ފައިވާން (2) ޓެނިސް ފައިވާން
ފޮޓޯނެގުން
މ އަލިއައިސް ޖެހުމުގެ ސަބަބުން ތަނެއް ނުވަތަ އެއްޗެއް ނުވަތަ މީހެއްގެ ސިފަ އަސްލާ އެއްގޮތަށް ސިފަނެގޭ ގޮތަށް ހަދައިފައިވާ އެއްޗެއް ބޭނުން ކޮށްގެން ސިފައަތުލުން
ފޮޓޯސްޓޭޓުމެޝިން
ނ ލިޔެފައިވާ ލިޔުމެއް އެ އޮތްގޮތަށް ކޮޕީ ހަދައިދޭ މެޝިން
ފޯކުޅުން
މ (1) ގުޅަކުޅޭ ފަސްގަނޑުގައި ދޭދޭމީހުން ހިފުން (2) އާދަކާދައިގެ މަތިން އަންނަ ފޯ ކެއްކުމުގެ ރަސްމިއްޔާތަށް ފަހު ކުޅެވޭ ކުޅިވަރުތައް ކުޅުން
ފޯއްކޮށާދަތި
ނ ފޯއްކޮށަން ހަދައިފައި ހުންނަ އެއްޗެއް
ފޯއްވަޅި
ނ ފޯއްކޮށުމަށްޓަކައި މަޢުދަނީ އެއްޗަކުން ހަދައި މިޔަތޫނުކޮށް ހުޅުވައި ލެއްޕޭގޮތަށް ތައްޔަރުކޮށްފައި އޮންނަ ހަތިޔާރެއް
ފޯއްވަޅިހިމެރި
ނ ކެއުމަށް ބޭނުންކުރާ ތަކުރާރީއެއް. މިތޮޅި އާދައިގެ ހިމެރި ތޮޅިއަށް ވުރެ ބޮޑުވެފައި ފޯއްވަޅިއަކާ ވައްތަރު ގޮތެއް ހުންނާނެއެވެ
ފޯލް
ނ )ޏ ( ފުނޑާދައިގެ ފޮއި
ފޯގަ
ނ (1) ފޭލީގެ ކޮޅުމަތީގައި ނުވިޔެ ދޫކޮށްލައިފައި އޮންނަ އުއިފަށްތައް (2) ލަނގިރި ޖަހާއިރު ގެންގުޅޭ ދަނޑީގެ ކުރީގައި ލައިފައި ހުންނަ ވާގަނޑު (3) އުއިން ހަދައިފައި ހުންނަ މާބޮނޑި
ދަށްބަގަ
ނ (1) އާދައިގެ މީހުން (2) ދެރަމީހުން (3) ދެރަބަގަ
ދަށްޓަންމަޅި
ނ )ޏ ( މީހަކަށް އަނިޔާއެއް ލިބިދާފަދަ ގޮތަކަށް ހަދައިފައި ހުންނަތަން
ދަނޑިހަރު
ނ ދަނޑި ބެހެއްޓުމަށް ހަދައިފައި ހުންނައަށި މިތަން ހުންނާނީ މަތިހިޔާކޮށްފައެވެ
ދަނޑު
ނ (1) އެއްވައްތަރެއްގެ ގަސްހައްދައިފައި ހުންނަ ތަންތަން މިސާލު: )ހ( ހަނޑޫދަނޑު )ށ( އަލަދަނޑު (2) ބައެއްކަހަލަ ކުޅިވަރުކުލޭ ބިން މިސާލު: )ހ( ބޯޅަދަނޑު )ށ( ހޮކީދަނޑު (3) މަޖާޒު: ކަމެއްގެ ދާއިރާ މިސާލު: އޭނާއަކީ ޅެންވެރިކަމުގެ ދަނޑުގައި ވަރަށް ކުރިއަރައިފައި ހުރި މީހެކެވެ
ދަނޑުހެއްދުން
މ (1) ދަނޑެއްގައި ހައްދަން ގަސްތުކުރާ ވައްތަރެއްގެ ގަސް އެދަނޑެއްގައި އިންދައި ރޯކޮށް ބެލެހެއްޓުން (2) ދަނޑުވެރިކަން ކުރުން
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންމާނު
ނ (1) ދަންމާނު ފޫޅުގަނޑުގައި ޖަހައިފައި ހުންނަވާ (2) ރިޔަލުގެ އޮޑިމަތީކުރަތްވާއި ތަޅާކުރަތްވާ ބެދުނު ތާނގައި ބައްދައިފައި ހުންނަ ވާ
ދަންމާނުބޮޅު
ނ ދަންމާނުވާގަނޑު ލައްވަން ރިޔަލުގައި ހަރުކޮށްފައި ހުންނަ ބޮޅު. މިބޮޅު ލަކުޑިން ނުވަތަ ލޮއިން ހަދައިފައި ހުރެއެވެ
ދަންދެލި
ނ (1) ފިހާތަކެތި ބޭނުން ނުހިފޭވަރަށް އަނދައި ދެއްޔަށްވާވުން (2) )މ ( އެއްޗެއްމާބޮޑަށް ހިކިހަރުވުން މިސާލު: ހިކި ދަނދެލިކާއްޓެއް