radheef.info
ރަދީފު


ފަދަ
އ (1) ކަހަލަ (2) ގޮތް
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާހި
ނ (1) އެއްނަރު ފައްޓަރުގެ ދެކޮޅުގައި ހޮޅިކޮޅެއްހެން ހަދައި ބޮޅެއްލާފައި އޮންނަ އެތި (2) ނަނުފަދަ އެއްޗެހީގެ ކޮޅުގައި ދެއެއްޗެއް ގުޅުވުމަށް ހަދާފައި ހުންނަ މަޅި
ފާހިލުން
މ (1) އެއްނަރު ފައްޓަރު ފަދަ ތަކެތީގައި ފާހި ހަރުކުރުން (2) ވަކިގޮތަކަށް ހަދައިފައި ހުންނަ މަޅިއެއްގެ ޒަރީޢާއިން އެއްނަނު އަނެއް ނަނާ ގުޅުވުން (3) ފާހިހެދުން
ފާހިޖެހުން
މ (1) ކާށިތަކެއް އެއްކޮށް ފަތީލުން. (2) ބުޅީގެ ފިލިތުގާ ލޯވަޅެއް އަޅާ ނުވަތަ ބުޅީގެ ފިލިތުކޮޅު ހިމަކޮށް ލަނބައިލައި ނަނު ނުވަތަ ކަންވާރު ލެއްވޭގޮތަށް ހެދުން (3) ނަނުފަދަ އެއްޗެއްގެ ކޮޅު އަނެކައްޗަކާ ގުޅުވުމަށް ބޮޅެއް ހެދުން
ފާންތިލަ
ނ އާނުކެނޑުންފަދަ ކަންތަކަށް ބޭނުންކުރާ އެއްކޮޅު ފަތިކޮށް އަނެއްކޮޅު އޫކޮށް ހުންނަ ދަގަނޑެއް މީގެ އޫކޮށް ހުންނަ ކޮޅު ހަމައަށްވެސް ހުރެއެވެ
ފާންތެޔޮ
ނ (1) ބޯކިރު ނުވަތަ ކާށިތެޔޮ އަވީގައި ބެހެއްޓުމުން މައްޗަށް އަރާ ސާފުކޮށް ހުންނަ ތެޔޮ (2) ބޮޑުމަހާއި މިޔަރު ފަދަ ތަކެތީގެ މޭގަނޑާއި ހަން ނުވަތަ ބައެއް ޖަނަވާރުގެ ސަރުބީ އަވީގައި ހުރުމުން ނުކުންނަ ސާފުކޮށް ހުންނަ ތެޔޮ
ފާރޮށިއުނދުން
ނ ފާރޮށިފަދަ ތަކެތި ފިހަން ބޭނުންކުރާ އުނދުން. މިއީ ވައި ނުވަންނާނޭހެން ހޫނުކަން ހިފެހެއްޓި ހުންނާނޭގޮތަށް ދުން ބޭރުކުރާ ހޮޅިއަކާއެކު ރާނައިފައި ހުންނަ ތަނެކެވެ
ފާރޮށިގެ
ނ ފާރޮށި ފަދަ އެއްޗެހި ހެދުމާއި ބެހޭ މަސައްކަތްކުރާ ތަން
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ފާވުން
މ (1) މޭވާފަދަ ތަކެތި ދޮންވެގެންގޮސް މަޑުވުން (2) ބަނބުކެޔޮ ފަދަ ތަކެތި އެއްޗަކަށްލައި ބަންދުކޮށް ހާސްކުރީމާ މަޑުވުން (3) ބަލިމަޑުކަން މެދުވެރިވާ މެދުވެރިވުމަށް ބުނެއުޅޭ ބަހެއް (4) ކަމެއް ނުބައިކޮށްފާނެ ފަދަ މީހަކު ތަނަކަށް އައުމުން ބުނެއުޅޭ ބަހެއް މިސާލު: އެއްވެސް ކަމެއް ނުނިމުނީ އޭނާ އެތަނަށް ފާވެގެންނެވެ (5) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭނުބައި ވުމުގެ ސަބަބުން މަޑުވުން (6) އެއްޗެހި ނުވަތަ ފެން ފެންގަނޑު ތަޣައްޔަރުވެގެން ނުބައިވުން
ފާދަ
ނ (1) އުފުލި (2) )ޏ ސ ( ކަނދި ނުވަދަ ފަނި ފަދަ ތަކެއްޗަށް އެޅުމަށް ފުށުން ހަދައިފައި ހުންނަ ފޯލި
ފާދަލުން
މ (1) އުފުލިލުން (2) )ސ ( ފާދަ ތައްޔާރުކުރުން (3) ކަނދި ނުވަތަ ފަނިފަދަ ތަކެއްޗަށް ފާދައެޅުން
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ފުރޯވަޅު
ނ ރުއް ލަކުޑި ފަދަ އެއްޗެހީގައި ފުރޮއިންޖެހީމާ އެއެތި ގަނޑުން ކެނޑިފައި ހުންނަ ތަންތަން
ފުޅަށް
ނ (1) އިންވަކި ކުރުމަށްޓަކައި ނުވަތަ ތަނެއް ނިވާކުރުމަށްޓަކައި ދަނޑިފަނުން ހަދައިފައި ހުންނަ ހުރަސް (2) އިން ވަކިކުރުމަށްޓަކައި ދަނޑިން ނުވަތަ އޮށިފަދަ އެއްޗަކުން ގަތާފައި ހުންނަ ހުރަސް
)މުސްކުޅިބަސް( ނުބައިކަންތައް ކުރާމީހާއަށް އެހެންމީހަކުވެސް އެފަދަ ކަމެއް ކުރާނެއޭ ހީވާނެކަން އަންގައިދިނުމަށް ބޭނުންކުރާ ބަހެއް ފުޅަށް ބުޑުން ދަންޏާ ދޮން ޙަސަނަށް ހީވާނީ ކެޔޮގަނޑު ކަނޑާ ހެންނެވެ
ފުޅަނދު
ނ އެކިއެކި މުނާ ސަބަތާ ގުޅިގެން ލޮރީއެއްފަދަ ދުއްވާ އެއްޗެއްގައި ތައްޔާރުކުރާ ދައްކައިލުން ފުޅަނދު ދަތުރުކުރާނީ ކުޅިބެލުމަށް ތިބޭ ބައެއްގެ ކުރިމަތިންނެވެ
ފުޅާ
ނ (1) އެއްޗެއްގެ ހުރަސްމިން. (2) ހަނީގެ އިދިކޮޅު. (3) ފުރޮޅު ފަދަ އެއްޗެހީގައި ހުންނަ އޮރިކަން. (4) މަޖާޒު: ތަނަވަސް މިސާލު: މިއީ ވަރަށް ފުޅާ )ތަނަވަސް( ދާއިރާއެއްގައި ވާހަކަ ދެކެވިދާނެ މައިގަނޑު ނަމެކެވެ
ފެންވައިރު
ނ ޢިމާރާތެއްފަދަ ތަނަކަށް ފެން ލިބޭނެގޮތް ހެދުމަށް ތަފާތުގޮތްގޮތަށް ހޮޅިގުޅައިގެން ތައްޔާރުކޮށްފައި ހުންނަ ތައްޔާރުކުރުން