radheef.info
ރަދީފު


ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތެވެރިން
ނ )ސ ( ތިޔަބައިމީހުން
ތެވެލި
ނ )ޏ ސ ( އިރުހަނދު އަރައިގެން އަންނައިރު ނުވަތަ އޮއްސެންދާއިރު އުދަރެހުން ފެށިގެން ރިހިކުލައިގެ ނުވަތަ ރަންކުލައިގެ ދޫލައެއްހެން ފެންގަނޑުމަތީގައި ފެތުރިފައިއޮންނަ އަލި
ތެވެލިގައު
ނ )އ ( އިރުގެ ދޯދި އެޅިގެން ވިދާ ގައު
ތެދުވެރި
ނއ (1) ދޮގުނުބުނާ (2) ކަންވީގޮތް އޮޅުވައިނުލާ (3) މަކަރުނުހަދާ (4) އަމާނާތްތެރި (5) އިޚްލާޞްތެރި (6) ވަފާތެރި
ތެދުވެރިކަން
ނއނ (1) އޮޅުވައިނުލާކަން (2) މަކަރުނުހަދާކަން (3) އަމާނާތްތެރިކަން (4) އިޚްލާޞްތެރިކަން (5) ވަފާތެރިކަން
ތެދުވެރިކަންހުރުން
މ (1) އަމާނާތްތެރިކަންހުރުން (2) އޮޅުވައިނުލުމުގެ ސިފަހުރުން (3) އެއްގޮތަކަށްވެސް މަކަރު ނުހަދާ ކަމުގެ ސިފަލިބިފައިހުރުން (4) އިޚްލާޞްތެރިކަންހުރުން (5) ވަފާތެރިކަންހުރުން
ތެދުވެރިވުން
މ (1) ދޮގުނުބުނުން (2) އޮޅުވައިނުލުން (3) މަކަރު ނުހެދުން (4) އަމާނާތްތެރިވުން (5) އިޚްލާޞްތެރިވުން
ތެދުވެރިޔާ
ނ (1) ވަފާތެރިޔާ (2) ދޮގުނުބުނާމީހާ (3) އަމާނާތްތެރިޔާ (4) އިޚްލާޞްތެރިޔާ
ތެދުވެރީން
ނ ތެދުވެރިޔާ މިބަހުގެ ގިނަގޮތް
ތެދުވެވަޑައިގަތުން
މ ތެދުވުން މިބަސް އެންމެ މާތްކޮށް ބުނާގޮތް
ތެދެވެރި
ނއ )ޏ ( ތެދުވެރި
ތެދެވެރިކަން
ނއނ )ޏ ( ތެދުވެރިކަން
ތެދެވެރިވުން
މ )ޏ ( ތެދުވެރިވުން
ތެތްބާލާނެފަދަވެސްނެތުން
ގބ މަޖާޒު: ލައިގެންހުރި ހެދުން ނުވަތަ އަނދެގެން ހުރިއެތިގަނޑު ފިޔަވައި އެހެންފޭރާމެއްނެތުން
ތެލްވެށުން
ނ )ޏ ( ތެޔޮލުން
ލަދަވެރީން
ނ )ސ ( ކާވެނި ހެއުނުވާ މީހާ
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ
ލަދުވެތިކަން
ނއނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާކަން (2) ތިމާގެ ކުށް ނުވަތަ ނުފުދޭކަން އިޙުސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާކަން
ލަދުވެތިވުން
މ (1) އަބުރު ގެއްލޭފަދަ ކަމެއް ކުރުމަށް ޖެހިލުންވުން (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވުން