radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ
ބޮޑުގާދޫނި
ނ ކަނޑުމަތީ ދޫންޏެއް މިއީ ބޮލުގެ ނިތްމަތި ހުދުކޮށް ހުރެފައި ތަލައިން ފެށިގެން ކަނދުރާމައްޗަށް ކަޅުކޮށް ހުންނަ ދޫންޏެކެވެ ފިޔަގަނޑު މައްޗާ ބުރަކަށިމަތި ހުންނަނީ އަޅިކުލައިގައެވެ ބަނޑުދޮށް ފިޔަދަށާއެކު ހުންނަނީ ހުދުކުލައިގައެވެ މިއެންމެ އެއްގޮތްވަނީ އައިންމަތީ ގާދޫންޏާއެވެ
ބޮޑުގުރާބު
ނ ކަލާސީން ބައިކޮށްފައިވާ އަށްބައިން އެއްބައި މިއީ ރަނަހަމާންތި ބޭކަލަކަށް އޮންނަ ބައެކެވެ
ބޮޑުޞަލަވާތް
ރކ (1) ބޮޑުލަވައިގެ ދިގުރާގެއްގައި ކިޔާ ޞަލަވާތް (2) މާބޮޑު ބިރުވެރިކަމެއްފެނިގެން އެއްހާސްފަހަރު ހަމަކޮށް ކިޔާ ތުންޖީނާ ޞަލަވާތް
ބޯ
ނ (1) އިންސާނުންނާއި ޙައިވާނުންގެ ދެކަންފަތުންމަތި. (2) ކަނދުރާއިންމަތި. (3) ބައެއްތަކެތީގެ ކުރި. (4) މަތީކޮޅު. (5) ބިލެތްކަފާއިރު ކައިރިންނެގޭބައި. (6) ހަކުރު ހޫނުކޮށް ދިޔާކޮށްގެން ބޯ ކުރަންވީ އެއްޗެއްއަޅައި ކައްކައިގެން ކުރާއޮލަ. (7) ފަގުޑިއާއި ކައްޗާ ފަދަ ތަކެތި އޮޅާން ބަހައްޓާ ލަކުޑިން ހަދައިފައި ހުންނަ އެއްޗެތި. (8) ގަތާފައިގެ މަތީގައި ބާއްވާން ފޮތީން ފަހައި އެތެރެއަށް އެއްޗެތި ލައިގެން ހަދައިފައި އޮންނަ ވަށްބޯޅަ (9) ދިގުކޮށް ހުންނައެއްޗެއްގެ ބައްޓަމަށްވުރެ ފަލަކޮށް ބޮޑުކޮށް ކޮޅުގައި ހުންނަބައި މިބައި ޢާއްމުކޮށް ހުންނަނީ ވަށްކޮށެވެ މިސާލު: މޮހޮރުބޯ ނއ )01( ތުނީގެ އިދިކޮޅު (11) ފަތި މިނުން އިތުރު (21) ގިނަ )31( ބުއިން މިބަހުގެ ނަން އިތުރު މިސާލު: ބޯފެން )41( މަޖާޒު: ބުއްދިއާއި ފިކުރު
ބޯހިމެނުން
މ (1) ރަށެއްގައި ތިބި މީހުންގެ އަދަދު ބެލުން. (2) މީހުންގެ އަދަދާއި ޖިންސާއި ޢުމުރާއި ކުރާ މަސައްކަތާއި ތަޢުލީމާއި މިބާވަތުގެ ހުރިހާ ކަމެއް ތަފްޞީލުކޮށް ބެލުން
ބޯހުރިމަޑި
ނ )މ ( މަޑީގެ ބާވަތެއް މިއީ ބުރިކަށިމަތި ކަޅުކޮށް ބަނޑުދޮށް ހުދުކޮށް ނަގޫކުރުކޮށް ހުންނަ މަޑިއެކެވެ މީގެ ނަގޫ ހުންނާނީ ދެފަރާތުގެ ފިޔަގަނޑާ ގުޅިފައެވެ މިއީ ވަރަށްފުނުގައިއުޅޭ ފުމޭ މަޑިއެކެވެ މިމަޑީގެ ބޯ ހުންނާނީ އެހެންމަޑިތަކާ ތަފާތުކޮށް ކުރިޔަށް ނުކުމެފައެވެ
ބޯށި
ނ (1) ފަތް ކެޔޮގަހުން ނުކުންނަ މާގަނޑު. މިނޫނަސް ބައެއްގަސްގަހުން އަންނަ މާގަނޑަށްވެސް މިނަންކިޔައެވެ. މިސާލު: ކަރަންކާބޯށި. ކަފުރުތޮޅިގަހުބޯށި (2) ކަނޑޫ. ރަނޑޫފަދަ ތަކެތީގެ ތާފަތް. (3) ބޯށިގަސް )މިއީ އާންމުކޮށް ހޭޅީގައި ހެދޭ ބޯކޮށް ފަތްހުންނަ ގަހެކެވެ ( (4) ބޯށިގަހުގެ މާގަނޑު (5) ބޯށި ގަހުގެ އޮށް (6) ބައެއް ޒާތުގެ ކުރެހުމުގައި ކަންކަނުގައި ޖަހާމަލެއް (7) ފައްތަރުލައި ކަފާބިލެތުގެ ހުނގުލުކޮޅުގައިލާ ވަނާއެއް (8) )ހ ( އޮށްނާޅާ ހުކުރަދި
ބޯށިމައުފުސް
ނ ލޮލުގެ ބައްޔެއް މިބައްޔަކީ ލޮލުގެ ކަޅުކަޅީގައި ބޯށިމާގަނޑުގެ މަލެއްހެން ބޯކޮށް ހުންނަގޮތެއް ނުކުންނަ ބައްޔެކެވެ މިބަލި ޖެހުނީމާ ލޯ އަނދިރިވާނެއެވެ
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ
ބޯނޑިވިކުން
ނ )ސ ( މީހަކާއި ދިމާއަށް އަތްބުޅިކޮށްފައި ވައްތަރު ޖެއްސުން
ބޯނަސް
ނ ޢާންމުކޮށް ނުވަތަ ކޮންމެހެންދޭންޖެހޭ މިންވަރަށްވުރެ އިތުރަށްދެވޭ ކޮންމެ އެއްޗެއް
ބޯރާފަތޭރި
މ އޮޑިދޯނިފަހަރު ފަތަވެރިކޮށްގެން ވާ ފަތޭރިޖަހާއިރު އޭގައި ކޮޅުގުޅައިގެން ފަނުން ވިޔެގެން ފެންފިލާވަތާ ހަމައަށްޖަހާ ރެހެއް
ބޯރީނދޫބިބީ
ނ ބިބީގެ ބާވަތެއް މިއީ ވަރަށްރީތި ކުޑަމަހެކެވެ މަހުގެ ދެއަރިމަތީގެ ކުލައަކީ ހުދު އަޅިކުލައެވެ މަހުގެ އަރިމަތީގައި ލެނބިފައި ހުންނަ ފަސްވަރަކަށް ރޮނގު ފާޅުކޮށް އެނގެންހުރެއެވެ މަހުގެ ތުނބާއި ބޮލުގެ ތިރީބަޔާއި މަހުގެ ގިނަބައިތަކުގެ ކުލައަކީ ރީނދޫ ކުލައެވެ
ބޯރުދޫ
ނ ނާފަހަރާއި ބޯޓު ފަދަ ބޮޑެތި އުޅަނދުފަހަރުގެ ދިރުބާނކޮޅުގައި އުސްކޮށް ހަދައިފައި ހުންނަބައި
ބޯބަންފަޓާސް
ނ (1) ފުކުގެ ތަންކޮޅެއް ތިރިން ވަށައިގެން އަޑިކޮށް ރޮނގެއް ހުންނަ ފަޓާސް (2) މަޖާޒު: އަންހެނެއްގެ ސިފަނުލިބެނީސް އަންހެން ހެދުން އަޅައިގެން އުޅޭ ނުފާޑު ކުދީން
ބޯބުރި
ނ ދިރޭ އެއްޗެއް ބުރިކޮށްލައިފައި އޮންނައިރު ބޮލާވީކޮޅު
ބޯބޮޑުހިނި
ނ ބޯ މާބޮޑުކޮށް ހުންނަ ކަޅުހިންޏެއް
ބޯބޮޑުއާނި
ނ އެއްއިންޗި ނުވަތަ އިންޗިއެއްގެ 4/3 ބައިހުންނަވަރުގެ އާންޏެއް. މީގެ ބޯހުންނާނީ ފަތާކޮށެވެ. ޢާއްމުކޮށް މި ބޭނުންކުރަނީ ލަކުޑި ބޯޓު ފަހަރުގެ ފެނުންތިރިޔަށް ހުންނަބައިގާ ލޮއިޖެހުމަށެވެ
ބޯޅަ
ނ (1) ތަފާތު ކުޅިވަރުތައް ކުޅުމަށްޓަކައި ވަށްކޮށް ހަދައިފައި ހުންނައެއްޗެއް (2) ބެޑްމިންޓަން ކުޅެން ގުންގުޅޭ މަލެއްހެން ހަދައިފައި އޮންނަ އެތި (3) ރަނގަބީ ކުޅެން ގެންގުޅޭ ކުކުޅުބިސް ބުރަށް އޮންނައެތި