radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
އޮނި
ނ (1) ތާރަ ބެރުފަދަ ތަކެތީގެ ކޮޑިގަނޑު (2) ގުޑިފަދަ ތަކެތީގެ ދުނިގަނޑު (3) ބައެއް އެއްޗެތީގެ އެތެރޭގައި ހުރުން ލާޒިމުކުރާ ތަކެތި ނެތުމުން ބުނާގޮތެއް (4) މީހާގެ ހަށިގަނޑު (5) )ތ ( ކަނޑުހޮޅި
އޮނުގަނޑު
ނ (1) އޮނުބުރިއެއް (2) ކުޅިޖަހާން ދަސްކުރާމީހުންގެ ހަށިގަނޑު ހޭނުމަށް އުނަގަނޑުމަތީ އަޅުވާން ލިޔެފައި އޮންނަ ފަލަ ދަނޑިބުރި (3) އުނދުނަށް ފުމޭން ގެންގުޅޭ އޮނުބަދަ ނުވަތަ ހޮޅިބުރި
އޮނުގަނޑުއެޅުން
މ ކުޅިޖަހާން ދަސްކުރާ މީހުންގެ ހަށިގނަޑު ހާނުވާން އުނަގަނޑުމަތީގައި އޮނުގަނޑު އަޅުވައި ދެއަތުގެ އުނޅަބޮށީހުޅުގެ އެތެރެފަތާރް އޮނުގަނޑުގެ ދެކޮޅުގައި އަޅުވައި ދެއަތްގެނެސް ބަނޑާއިދިމާއިން ބައްދައިގެން ތިރިވެ އޮވެގެން ބާވަތަކަށް ފައިކުރިޔަށްގެންގޮސް ފަހަތަށް ގެނެސް ހެދުން
އޮރިޔާން
ނ (1) މީހެއްގެ ނިވައުކުރާންވާ ހިސާބު (2) ޢަވުރަ (3) ބަރަހަނާ (4) ޢައިބު
އޮބިގަނޑުމަތީފެންފުހުން
މ އޮބިގަނޑުމަތީ އަޅާބޭސް އަޅައިފައި އޮއްވައި ވުޟޫކުރާން ވީމާއޭގެ މަތީފެން ފުހުން
އޮޅިއެޅުން
މ ދެގަނޑެއްޗެއް ގާތްކޮށް ބާރުކުރާން އޮޅެއްލައި ބާރުކުރުން
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުން
މ (1) އެއްޗެއްގެ އަސްލުނޭގޭ ގޮތްވުން. (2) ކަމެއްނުފިލާގޮތްވުން. (3) ނަނު ބަރަނިފަދަ ތަކެތި ލާމެހިގެންގޮސް ފިލުވަން އުނދަގޫވާގޮތްވުން. (4) ފިރޯއްޓަށް ބަރަނިއުއި ފަދަތެކެތިވެށުން. (5) ދަނޑިފަނޑަކަށް ނަނު ވެށުން. (6) ބުއްދި ޙައިރާންވުން. (7) ކަންކުރާންވީގޮތް ނޫން އެހެން ގޮތަކަށް ނޭނގިގެން ކުރެވުން
އޮޅުންފިލުވުން
މ (1) އޮޅިފައިވާ ކަމެއް ނުވަތަ އެއްޗެއް ރަނގަޅުކުރުން (2) މަޖާޒު: ކަމެއް ހިނގިގޮތް ނުވަތަ ކަމެއް ކުރާން ވީގޮތް ހޯދުން
އޮޅުދޫއޮޑި
ނ މޫސުމުގައި ކޮޅުނބު ދަތުރުކުރާ އޮޑި
އޮއްޓު
ނ ތަންތަން ބިނދުނީމާ ނުވަތަ ގަދަކުރާން އަޅާ އޮބިގަނޑު
އޮމާއޮޅި
ނ އަސްކަރުންގެ އޮޅިއެއް މިއީ ހަކުރާބޭކަލެއްގެ ވެރިކަމުގެ ދަށުގައިވާ އޮޅިއެކެވެ
އޮލަނބު
ނ އެއްޗެހީގެ ތެދުބަލާން ރޮއްޖެއްގައި ލާފައި ތިރިޔަށްދޫކުރާ ބަރު
އޮގަރު
ނ ރުކުރާ
އޮގަރުގެ
ނ އޮގަރުކަލޭގެ ހުންނަގެ މިއީރަސްމީ ރާވެރިކަންތައް ކުރާގެއެވެ
އޮގަރުގޭމީހުން
ނ އޮގަރުގޭ މަސައްކަތްކުރާން ދައުލަތުން ލައްވައިފައިތިބޭ މީހުން މިމީހުންގެ މަސައްކަތަކީ ރާވެރިކަމުގެ ކަންތަކާއި ރުކުއެޅުމެވެ
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑިވަޑާން
ނ (1) ކިއްސަރުވަޑާން (2) ތެދުނޫން ގޮތްގޮތަށް އުއިޖަހައިގެން ކުރާވަޑާން
އޮޑިމަތި
ނ (1) އޮޑިދޯނިފަހަރުގެ ހަފޮޅުން އެތެރެ މިބަސް ބޭނުންކުރާނީ ދަތުރުކުރާއިރުއެވެ (2) ދަތުރުމަތި
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން