radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
އިއްޒަތަށްވަޑައިގަތުން
މ (1) ރަދުން ނުވަތަ ހަތްކޮޅު ނަގާ ބޭފުޅަކު ހަތްކޮޅު ނެގުމާއެކު ބެރުދުންމާރި ތާޅަފިލީގައި ވަޑައިގަތުން މިގޮތުގައި ވަޑައިގަންނަވާއިރު ކުރީގައި އަމާން ދިދަ ހުންނާނެއެވެ (2) ރަދުން ނުވަތަ ހަތްކޮޅު ނަގާ ބޭފުޅަކު އެކިއެކި ކަންތަކަށް ރަސްމީގޮތުން ވަޑައިގަތުން
އިއްޔެދުވަހަކު
ނ (1) މިދާކަށްދުވަހު (2) އިހަކަށްދުވަހު
އިތާވުން
މ ދެއެއްޗެއް އޮރިވާގޮތަކަށް ދުރުވުން މިސާލު: އަނގަ އިތާވުން
އިތުރު
ނ (1) ހިސާބަށް ރެ ގިނަ. (2) ގިނަ. (3) ދީނީގޮތުން މާތްކަން. (4) އިތުރަކަށް ނުވަތަ ނަންއިތުރަކަށް އިތުރު ބަޔާނެއް ގެނެސްދޭ ބަހެއް. މިސާލު: ވަރަށް ހާދަ
އިލިއެރުވުން
މ ތޮރުފާފައިހުރި ތަނަކަށް އިލިވެއްދުން
އިލިގަނޑު
ނ އޮޑިދޯނިފަހަރުގެ އުޅަކަށް ވައްދަން ހުންގާނުގައި ޖަހައިފައި ހުންނަ އިލި
އިލޮށިޖެހިކެޔޮ
ނ (1) ބަނބުކެޔޮ މަޑުކުރާ އިރު މަޑުވެއްޖެތޯ ބަލާން އިލޮށި ހަރާފައި ނަގައި ކާލާ ކެޔޮކޮޅު (2) މަޖާޒު: ކޮންމެވެސް ބޭނުމަކަށް ތައްޔާރުކުރާ އެއްޗެހީގެ ތެރެއިން އެގޮތް މިގޮތަށް ނެގޭ ތަކެތި
އިލްހާމު
ނ (1) ރަސޫލު ބޭކަލުންނާއި ނަބީބޭކަލުން )ޞަލަވާޠުﷲ ޢަލައެހިމް އަޖްމަޢީން( އަށް ވަޙީ އާ ޚިލާފު ގޮތަކަށް މާތްރަސްކަލާނގެ އަންގަވާ އެންގެވުން (2) އިންސާނުންގެ ހިތަށް ޤުދުރަތީގޮތުން އެނގޭ ތެދުއެނގުން (3) ކަމަކާމެދު ފިކުރުކުރީމާ އެނގޭ ރަނގަޅު އެގުން
އިލްތިމާސް
ނ (1) ކަމަކަށްއެދި ގޮވާލާ ގޮވާލުން (2) ކަމަކަށް އެދި ހުށަހަޅާ ހުށަހެޅުން
އިސާރަތް
ނ އެކިއެކި ކަންތަކަށް އަންގައިލުމަށް ހަދާގޮތް
އިސްކަންދަރުހަރުބި
ނ ހަތްކޮޅު ނަގާބޭފުޅުން އިއްޒަތަށް ވަޑައިގަންނަވާއިރު ގަނޑުވަރުން ފެށިގެން އެވަޑައިގަންނަވާ ތާކަށް ވަޑައިގަންނަވާންދެން ދުންމާރީގައި ފުމޭ ހަރުބި
އިސްކުރުން
މ (1) ކުރިއަށްޖެއްސުން (2) ކުރިއަށް ގެންދިއުން (3) ކަމަކަށް ވެރިކުރުން
އިސްކުރުކެނޑުން
މ (1) އިސްކުރަކަށް ވާނޭހެން ހެދުން (2) މައިޒާން ވާނޭހެން ކެނޑުން
އިސްވުން
މ (1) މަޤާމަކަށް ވެރިވުން (2) އިމާމުކަމު ވުން (3) ކަމެއް ކުރުމުގައި އެކަން ކުރުވާ މީހެއްގެ ގޮތުން ކުރިއަށްޖެހުން
އިސްފިރޭނު
ނ އިސްޕިރޭނު ނަރު ނުވަތަ ހިމަ ދަގަނޑު ވަކި ގޮތްތަކަކަށް އޮޅައިގެން ހަދައިފައި ހުންނަ ވަރުގަދަ ފަންވަރަކާއި ބާރެއް ލައިފައިވާ އެއްޗެއް
އިސްތިރިއޯގަ
ނ ލޯބީގެ ކަންތަކަށް މޮޅު އިރުވަރު
އިސްލާންވުން
މ (1) އިސްލާމަކަށްވުން (2) އިސްލާންދީން ފިޔަވައި އެހެން ދީނެއްގައި ހުރިމީހަކު ނުވަތަ ދީނެއް ޤަބޫލުނުކުރާ މީހަކު އިސްލާންދީނަށް ވަނުން
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އިސްޓޭޝަން
ނ (1) ދަތުރުވެރިން ދަތުރުކުރުމުގައި އާދަވެގެން މަޑުކުރުމަށް ހަމަޖެހިފައިވާ ތަންތަނާއި އެތަންތަނުގައި ހުންނަ އެކަމާގުޅޭ ޢިމާރާތް (2) ސައިންސްގެ ޚާއްޞަ ކިޔެވުމަކަށް ނުވަތަ ކަނޑައެޅިފައިވާ ކަންތައް ތަކެއް މުޠާލިޢާ ކުރުމަށް ހުންނަތަން (3) ޢާއްމުންނަށް ޚިދުމަތްކޮށް ދިނުމަށް ހަމަޖެހިފައިވާ ބައެއް ތަންތަން މިސާލު: )ހ( ފުލުސް އިސްޓޭޝަން )ށ( ފައަރ އިސްޓޭޝަން )ނ( ރޭޑިއޯ ނުވަތަ ތެލްވިޒަން ޓްރާންސްމިޓް ކުރުމާއި ރިސީވް ކުރުމަށް ކަނޑައެޅި ރޭވި އެއާބެހޭ އެއްޗެހި ބަހައްޓައިފައި ހުންނަ ތަން
އިޖާބަކުރެއްވުން
މ ކަމަކަށް އެދި ދުޢާ ކުރުމުން އެކަމެއް ފުއްދަވައިދެއްވުން