radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ކަކާ
ނ (1) އަރިހުބޭކަލުންގެ ސަރުދާރުން (2) ކަކާ ބޭކަލުންގެ ކޮއްތު
ކަކާބޭކަލުން
ނ (1) ގަނޑުވަރުތެރޭ ފިރިހެން ބޭފުޅުންގެ އަރިހުބޭކަލުންގެ ތެރެއިން އެންމެ އަރިހަށް ތިބޭ މީހުން. ފަރިއްކޮޅު ބަހައްޓައި ރޭކޮށް ހަދަނީވެސް އެމީހުންނެވެ (2) ޚައްދާމު ބޭކަލުން
ކަކާކަން
ނއނ އަރިހުބޭކަލުންގެ ސަރުދާރުކަން
ކަކާކޮއެ
ނ ވާހަކަ ވާހަކައިގައި ކިޔާގޮތުގައި ރަސްރަސްކަލުންގެ ފިރިހެން ބޭފުޅުންގެ އެންމެ އަރިހަށް ހުންނަ ޚާދިމު
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
)މުސްކުޅިބަހެއް( ކިތަންމެގާތް މީހެއްގެ ގާތުގައި ސިއްރެއް ބުންޏަސް އެސިއްރު ބޭޒާރުވެދާނެކަން އެންގުމަށް ބުނާބަހެއް ކަކޫގާތުގާ ބުނާވާހަކަވެސް ސިއްރެއްނުވާނެއެވެ
ކައިރު
ނ ބޭހަށާއި ދުފުމަށް ބޭނުންކުރާ ކަޅުރަތްކުލައިގެ އެއްޗެއް މިހުންނާނީ ހަބަރުހެން ގަނޑުގަނޑަށެވެ މިހަދަނީ ޅަފެންފޯކުންނެވެ
ކައިދާ
ނ (1) އަހުގެ ލަގަން ހަރުކުރާން އަނގަޔަށް ލައްވައިފައި އޮންނަ ދަގަނޑުގަނޑު. (2) ޙަވާލުވެފައިވާ ކަމެއްގެ މައްޗަށް ލިބޭ އުޖޫރައެއް. (3) އެކިއެކި ދެރުމަށާއި އާދަކާދައިގެ ގޮތުން ނަގާތަކެތި
ކައިތުވައްބަޑި
ނ އަތުން ހިފައިގެން އުޅޭ ބޭސް އަޅައިގެން ދޯރިޖަހައިގެން ގޮއްވާ ބަޑިއެއް މިއީ އިހުގައި ކޮށީމީހުން ގެންގުޅުނު ބަޑިއެކެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްތިރި
ނ (1) ދެގަނޑެތީގެ ކުރި ބުރަފަތިވާނޭހެން ހަރުކޮށްގެން ހަދާކަނި. މިކަނި ވިއްދަނީ ގަސްގަހާއި ގޮފިގޮތްޕާއި އުނދޯލިވަސް ފަދަ ތަކެތި ވެއްޓުނަ ނުދީ ހިފެހެއްޓުމަށްޓަކައެވެ (2) އުނދޯލީގެ ވަސް ބޭއްވުމަށް ބުރަފަތި ވާނޭހެން ތައްޔާރު ކުރާކަނި )ބދ ( (3) ހަނގުރާމަވެރި (4) ގަދަފަދަ
ކައްތިރިއެޅުން
މ (1) ކުޅިޖެހުމުގައި ފައިން ވަކިގޮތެއް ހެދުން. (2) ބައެއް މީހުން ކުޑަކަމުދެވިދާނެތީ ހިފެހެއްޓުން ފަދަ ކޮންމެވެސް ބޭނުމަކަށްޓަކައި ދެފައި ހުރަސްކުރުން
ކައްސައި
ނ )ބދ ( ގޭބޭރު ހުރަސް
ކައްޗަރު
ނ ތަފާތު ދެނަސްލެއް ގުޅިގެން ލިބޭދަރި މިސާލު: ޔޫރަޕް މީހުން އެތެރެ ވަރީގެ މީހުންނާ އިނދެގެން ލިބޭދަރި
ކައްޗޭ
ނ (1) އިހުޒަމާނުގައި ހަނގުބޭކަލުން ބޮލުގައި އަޅާން ހަނިދިގުކޮށް ރާއްޖޭގައި ވިޔުނު ފޭރާމެއް. (2) މޫދުގައި އުޅޭ ހިމަދިގު ދެކޮޅުއެއްވަރު ދިރޭ އެއްޗެއް (3) މޫދުކައްޗޭ
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވާ
ނ ބަލިމަޑުކަމެއް ފިލުވުމަށްޓަކައި ހަށިގަނޑުގެ ބޭރު ހަން ކުރަފަތަކުން ތަންތަންކޮޅުން ކަނޑައި ކަވާފުޅި ހިއްޕައިގެން ލޭނެރޭ ނެރުން
ކަވާ ޖަހަންވެފައިހުރި މީހަކު ތޮށިމައްޗަށް ވެއްޓުން
)މިސާލުބަހެއް( (1) ލޭ ނުބައިވެފައިހުރި މީހަކު ތޫނު ގާތަކެއްގެ ތެރެއަށްވެއްޓި ތަންތަންކެނޑި ލޭނުކުތުން. (2) މަޖާޒު: ތިމާގެ އެދުން ފައުޅުކުރުމަކާ ނުލައި ބޭނުންކަމެއް ފުދުން
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ