radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ފުނިވަރު
ނ (1) ބޮޑެތިފުނި (2) ބައިވަރު
ފުރޭނި
ނ (1) ދިޔާއެއްޗެއްސާއި ހިކި ތަކެތީގެ ރާޅު ބައި ނުވަތަ ކަމުނުދާ ބައި ވަކިކުރުމަށް ލޯވަޅުތަކެއް ހުންނަ ގޮތަށް ހަދައިފައި ހުންނަ އެއްޗެއް. މިސާލު: ސައި ފުރޭނި ފުށް ފުރޭނި (2) "ފުރޭނުން" މިބަހުގެ ނިމިނިމުނުކަން
ފުރޭނުން
މ (1) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ރާޅުބަޔާއި ހިމުން ބައި ވަކިކުރުން. (2) ދިޔާ އެއްޗިއްސާއި ހިކިތަކެތި ފުރޭންޏަށް ނުވަތަ އެފަދަ އެއްޗަކަށް އަޅައިގެން ކަމުދާ ބަޔާއި ކަމުނުދާ ތަކެތި ވަކިކުރުން. (3) މީހުންތަކެއް ނުވަތައެއްޗެހި ތަކެއްގެ ތެރެއިން ވަކިބަޔެއް ހޮވައި ވަކިކުރުން (4) ބައެއްގެ ތެރެއިން ފޭދިގެން ގޮސް އެބަޔަކާ ވަކިވުން
ފުރޭތަ
ނ (1) އެކިސިފަސިފައިފައިގައި އެކިތަންތަނުން ފެންނަކަމަށް ބުނާ ބިރުވެރި އެއްޗެހި (2) ދެވި (3) މަޖާޒު: ނުބައި ނުލަފާ މީހުން
ފުރޭތަހިފުން
މ މަޖާޒު: ކުއްޖެއްގެ ނުވަތަ މީހެއްގެ ކިބައިގައި ވިޔާނުދާ ނުބައި ސިފަތަކެއް އަށަގަތުން މިސާލު: އޭނާ މިހާރު އެހެރީ ފުރޭތަ ހިފާފައެވެ އޭނާ އެހެރީ ނަޞޭޙަތުން އަރާފައެވެ
ފުރޭތަހެދުން
މ ފުރޭތަޔަކަށް ހެދިގެން އުޅުން (2) މަޖާޒު: ނުބައި ނުލަފާވެގެން އުޅުން
ފުރޭތައެރުން
މ ކަނޑުން އަރާކަމަށްބުނާ ނުބައި ސިފަސިފައިގައި ހުންނަ އެއްޗެހި ހިކިފަސް ތަނަކަށް އައުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުއްގަނޑު
ނ އަތްބައްތި ފުޅިބައްތި ފަދަ އެއްޗެހީގެ ހުޅުރޯވެފައި ހުންނަބައި
ފުއްޕާމޭ
ނ މޭކަށީގެ އޮނިގަނޑުގެ ތެރޭގައި ދެފަޅި ވަރަށް އޮންނަ އިސްޕަންޖު ގަނޑެއް ކަހަލަ ގުނަވަނެއް މިއީ ނޭވާލާއިރު ހަށިގަނޑުގެ ތެރެއަށް ސާފުވައި ފޮނުވައި ނުބައިވައި ބޭރުކޮށްދޭ ގުނަވަނެވެ
ފުލަށް ފޭދުން
މ (1) ހިނގައިފައިދާ ބައިގަނޑެއްގެ ތެރެއިން ފޭދިގެން ފަހަތަށް ދިއުން (2) ދިޔާ އެއްޗެއްގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފުލުފޮތި
ނ ފައްޓަރުބައިގެ ބޮޑުފޮތި
ފުލުގުޅި
ނ ރުއްގަސް ކަނޑައިގެން ގުޅިގުޅިޔަށް ބުރިކުރާއިރު އެންމެ ފަހަތަށް އޮންނަބައި
ފުލެޓު
ނ (1) ޢިމާރާތެއްގެ ވަކި ބުރިއެއްގައި މީހުންނަށް އުޅެވޭ ގޮތަށް ހަދައިފައި ހުންނަ ބައެއް (2) މިފަދަ ބައިތައް ހުންނަ ޢިމާރާތެއް
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫނާށި
ނ ކާށީގެ ފޫކިބައިގެ ނާށި
ފޫބުރި
ނ (1) ވާގަނޑުނޮޅި ޖަހާ ފުޅި މިފުޅި ހުންނާނީ މައްޗަށް ހިމަކޮށް ކަރެއްލައިފައި ތިރިޔަށް ފުޅާކޮށް ފޫހަމައަށެވެ (2) މައްޗާއި ފޫހުންނަ ބައެއް ކަހަލަ އެއްޗެހީގެ ތިރީބައި މިސާލު: ސިލުނބުގެ ފޫބުރި
ފޫކިބަ
ނ (1) ކާށި ބިދެފައި އޮންނައިރު ލޯ ނުހުންނަބައި (2) ފާރޮށިޖޯޑުގެ މަތީ ކިބަ (3) މަލާފަތް ފަދަ ތަކެތީގެ ދަށުކިބަ (4) ދެބަޔަކަށް ހަދާފައިވާ ތަކެތީގެ ވަތުކިބަ
ފޫގެޅުން
މ (1) އަނދެފައިވާ މުންޑު ނުވަތަ ފޮށާ ފަދަ އެއްޗެހީގެ ތިރީކޮޅު އެއްފަށަށް ވާގޮތަށް ކުރިމައްޗަށް ބޮޑިކޮށްލައި އެބައި ދެފައި ދެގޯޅިން ފަހަތަށް ގެންގޮސް ފުރަގަހުން އުނަގަނޑުގެ ރޮދިގަނޑު ދަށަށް ޖެހުން (2) މަޖާޒު: ޢަޒުމާއެކު ކަމަކާ ކުރިމަތިލުން
ފެނަކަށިގަނޑަ
ނ )ސ ( ޅިނދުކަށިގަނޑުގެ ކުރިމަތީބައި