radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
އަޑުކިއުން
މ (1) ދެއެއްޗެއް ކޭއްތުމުގެ ސަބަބުން އަޑުއިވުން. )މިސާލު: އުނދޯލި ހެއްލާއިރު ރޮނގަލިން އަޑުކިޔުން.( (2) އެއްޗެއް ބިދޭ ވަގުތު ނުވަތަ އެއްޗެއް ވީދޭ ވަގުތު އަޑުއިވޭ އިވުމަށްވެސް ކިޔަނީ އަޑު ކިއުމެވެ (3) ވާންއުޅޭ ކަމެއްގެ ވާހަކަ ސިއްރު ސިއްރުންދެކެވޭ އަޑު އިވުން
އަޑުއެރުވުން
މ އިޝްތިހާރު ކުރުމުގެ ގޮތުން ނުވަތަ މަޝްހޫރު ކުރުމުގެގޮތުން ވާހަކަ ފެތުރުން
އަޑުގަދަކުރުން
މ (1) އަޑުބާރުކުރުން (2) އުނދަގޫވާގޮތަށް ބާރަށް ވާހަކަ ދެއްކުން ނުވަތަ ހަޅޭއްލެވުން
އަޑުގޮއްވުން
މ އަނގައިން ނުވަތަ އެއްޗަކުން އަޑުނެރުން
އަޔާއަޔާ
އ ނައިސް ލަސްވެގެން އުޅޭމީހަކު ނުވަތަ އެއްޗެއް އައުމުން އުފަލުން ބުނެވޭ ބަހެއް
އަޖައިބު
ނ (1) ފިކުރު ހުސްވެ ބުއްދިއަށް އޮޅުން އަރާފަދަ ކަންތައް ނުވަތަ ތަކެތި (2) ނާދިރުކަމެއް ފެނިގެންވާ ޙައިރާން (3) އ ކުރަންވާ ގޮތްނޫން ގޮތަކަށް ކަމެއް ކުރެވުމުން ނުވަތަ ހީކުރިގޮތާ ޚިލާފަށް ކަމެއްވުމުން ނުވަތަ ނޭދެވޭ ގޮތަކަށް ކަމެއްވުމުން ބުނެއުޅޭ ބަހެއް
(2) އަޖައިބު ބަލާ! އަޖައިބުވުން
މ (1) ނާދިރުކަމެއް ނުވަތަ އެފަދަ އެއްޗެއް ފެނިގެން ޙައިރާންވުން
އަޖާމޫސާ
)ޏ ( ދަނޑުގައި ނުވަތަ ދަނޑުހައްދަން ކޮށައިފައި އޮންނަ ހުސް ބިމުގައި އުޅޭކަމަށް ބުނާ ޚިޔާލީ ދެތްވެއް
އަޖުމަބެލުން
މ (1) ކަމެއްގެ ނުވަތަ އެއްޗެއްގެ ހުރިނެތްގޮތް ބެލުން (2) ފެންވަރު ބެލުން
އަޗާ
ނ (1) ފޮނިވާހަކަ (2) އ މީހަކު ހަދާފައިއޮތް އެއްޗެއް ނުވަތަ ދެއްކި ވާހަކައެއް ނުވަތަ ކުރިކަމެއް ރަނގަޅުވެގެން ބުނެއުޅޭ ބަހެއް މަލާމާތުގެ ގޮތުގައިވެސް މިބަސް ބޭނުންކުރެއެވެ
އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
އާނ
އ (1) ހޫން (2) އާނއެކޭ (3) ބިރުވެރި ކަމެއް ނުވަތަ ނުރައްކަލެއް އޮވެގެން އަންގައިލާން ބުނާ ބަހެއް (4) ބަޔަކުމީހުން މަސައްކަތެއް ކުރާއިރު އެންމެން އެއްފަހަރާ ބާރުލުމަށްޓަކައި އަންގައިލާން ގޮވާގޮތެއް މިގޮތުގައި "އާނ" ގޮވާނީ ދަމާލައިފައެވެ (5) އެހެންތަ؟ މިގޮތުގައި މިބަހުގެ މާނަ ދޭހަވާނީ އެމާނަ ގަސްދުކޮށްގެން ބުނާ ރާގުންނެވެ
އާނޅެޔޯ
އ މީހަކު ރަށަކަށް އައިމާ ނުވަތަ ކަމެއްގައި ކާމިޔާބު ވީމާ މަރުޙަބާގެގޮތުގައި ގޮވައިލާ ބަހެއް ސާބަހުގެ މާނައިގައި ވެސް މިބަސް ބޭނުންކުރެއެވެ
އާނޅޭ
އ (1) ޢަޖާއިބުކަން ފައުޅުކުރުމަށާއި އުފައު ފައުޅުކުރުމަށް ބައެއް މަޤާމުގައި ބުނާ ބަހެއް. (2) އިންތިޒާރުކޮށްހުރިކަމެއް ތިމާއެދޭ ގޮތަށް ނުވަތަ އެއަށްވުރެވެސް ރަނގަޅަށް ވީމާ ބުނާ ބަހެއް
އާނުގަނޑު
ނ ތޮށީގައި ނުވަތަ ގޮނޑުދޮށުގައި ފެތުރިފައި އޮންނަ ގައުފަށް
އާބާދީ
ނ ރަށެއް ނުވަތަ އަވަށެއްގައި އުޅޭމީހުން
އާމީން
އ (1) ދުޢާ އިޖާބަކުރައްވާ ދޭވެއެވެ. (2) ތިމާއަށް ލިބޭ އުނދަގުލެއް ފިލައިގެން ދިޔައިމާ ނުވަތަ ތިމާގެ އެދުމެއް ފުރިހަމަވީމާ ބުނެއުޅޭ ބަހެއް (3) ޤަބޫލުވުމާއެކު ވާއެއްބަސް
އާދޭސް
ނ އެއްޗަކަށް ކަމަކަށް ނުވަތަ މާފަކަށް އެދިގެން ތިމާ ނިކަމެތިވުމާއެކު ބުނާ ބުނުން
އާލާވުން
މ (1) ކަމެއް ދިރޭ ގޮތްވުން (2) ނެތެމުން އުވެމުންދާކަމެއް ނުވަތަ އެއްޗެއް ދިރެމުން ދިޔުން (3) ކުރިއަރަމުން ދިއުން (4) ކުރިއަރަމުން ދިއުން (5) މިނި އިތުރުވުން
އާޑަކިއުން
މ (1) މަލާމާތް ކުރުން (2) ފުރައްސާރަކުރުން (3) ޅެންބަހުން ނުވަތަ ރައިވަރުން މަލާމާތް ކުރުމަށް މިބަސް ޚާއްޞަގޮތެއްގައި ބޭނުންކުރެވެއެވެ