radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކަޅުދިރި
ނ ދިރިޔާ ދަވިއްގަނދަށްވުރެ ކުދި ކަޅުކުލައިގެ ފުއްތަކެއް މިއީ އާވިޒާތުގެ ރަހައެއްދޭ އެއްޗެކެވެ މި ބޭހަށްވެސް ބޭނުންކޮށް އުޅެއެވެ ދިވެހިބޭހުގައި މި ހިމަނައިފައިވަނީ މިނާބޭހުގެ ބާވަތެއްގެ ގޮތުގައެވެ
ކަޅުތިލަ
ނ ގައިގެ ހަމުގައި ފާޅުވާގޮތަށް ހުންނަ ކުޑަކުޑަ ކަޅުތިއްކެއް މިހުންނާނީ ހަމާއި އެއްވަރަށެވެ
ކަޅުތުއިތުއި
ނ )މ ( ހުއިފިލަނޑާގެ ބާވަތެއް މިހުންނަނީ ކަޅުކުލައިގައެވެ
ކަޅުގަނދަކޯޅި
ނ ގަނދަކޯޅީގެ ބާވަތެއް މިބާވަތުގެ ގަހުގެ ފަތުގައި ފެހިކުލަ ގަދަވާނެއެވެ މާހުންނާނީ ކަޅު ދަނބުކުލައެއްގައެވެ
ކަކާބޭކަލުން
ނ (1) ގަނޑުވަރުތެރޭ ފިރިހެން ބޭފުޅުންގެ އަރިހުބޭކަލުންގެ ތެރެއިން އެންމެ އަރިހަށް ތިބޭ މީހުން. ފަރިއްކޮޅު ބަހައްޓައި ރޭކޮށް ހަދަނީވެސް އެމީހުންނެވެ (2) ޚައްދާމު ބޭކަލުން
ކައިރު
ނ ބޭހަށާއި ދުފުމަށް ބޭނުންކުރާ ކަޅުރަތްކުލައިގެ އެއްޗެއް މިހުންނާނީ ހަބަރުހެން ގަނޑުގަނޑަށެވެ މިހަދަނީ ޅަފެންފޯކުންނެވެ
ކައިރުބޮލި
ނ ރިހާކުރުބޮލީގެ ސިފައަށް އެއަށްވުރެ ބޮޑުކޮށް ހުންނަ ގާތްގަނޑަކަށް 3 އިންޗިވަރުގެ ބޮއްޔެއް. މީގައި ހުންނާނީ ގަދަމުށި ކުލަޔާ ކިސުޑިކުލައިގެ ތިއްތިއްޖަހައިފައެވެ. ބަނޑުދަށް ފަރާތް ހުންނަނީ ރިހާކުރު ބޮއްޔާ އެއްގޮތަށެވެ
ކައްބާބު
ނ މަތިކަރާ ބޭހުގެ ބާވަތެއް މިއީ ގަހެއްގައި އަޅާ ކަޅުކުލައިގެ އޮށެކެވެ މިހުންނާނީ އަސޭމިރުހާ ދާދި އެއްބައްޓަމަކަށް އެއަށްވުރެ އޮމާންކޮށެވެ މީގައި ކުޑަ ތަނޑިއެއް ހުންނާނެއެވެ
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
ކައްފާރަ
ނ ބައެއްކަހަލަ ފާފަކުރެވުނީމާ ހިފަންޖެހޭރޯދަ ނުވަތަ ދޭންޖެހޭ ޞަދަޤާތް
ކައްފާރަދިނުން
މ ބައެއްކަހަލަ ފާފަ ކުރެވުނީމާ ހިފަންޖެހޭރޯދަ ހިފުން ނުވަތަ ދޭންޖެހޭ ޞަދަޤާތް ދިނުން
ކައްތިރި
ނ (1) ދެގަނޑެތީގެ ކުރި ބުރަފަތިވާނޭހެން ހަރުކޮށްގެން ހަދާކަނި. މިކަނި ވިއްދަނީ ގަސްގަހާއި ގޮފިގޮތްޕާއި އުނދޯލިވަސް ފަދަ ތަކެތި ވެއްޓުނަ ނުދީ ހިފެހެއްޓުމަށްޓަކައެވެ (2) އުނދޯލީގެ ވަސް ބޭއްވުމަށް ބުރަފަތި ވާނޭހެން ތައްޔާރު ކުރާކަނި )ބދ ( (3) ހަނގުރާމަވެރި (4) ގަދަފަދަ
ކައްލި
ނ ކުޅިވަރެއްގެ ނަން މިކުޅެނީ ދަނޑިގަނޑަކާއި ފޯއްޔަކުންނެވެ
ކައްޓަފުޅިމިޔަރު
ނ މިޔަރުގެ ބާވަތެއް. މިމިޔަރުގެ ސިފަ ހުންނަނީ ކައްޓަފުޅިޔާ އެއްގޮތަކަށެވެ. މިޔަރުގެ މަތީބައިގެ ކުލައަކީ ގަދައަޅި ނުވަތަ އަޅިމުށި ކުލައެވެ ބަނޑުދަށް ހުންނަނީ ހުދުކުލައިގައެވެ
ކައްޓަލަ
ނ ފަލަމަޑީގެ ބާވަތެއް މިއީ ބިމުގައި ދުވަމުން ހެދޭ ވެލެއްގެ ގޮނޑިއެކެވެ މިގޮނޑި ފައިބަނީ ފަތުބުޑުންނެވެ މީގެ ބާވަތްތައް ވަރަށް ގިނައެވެ
)ގިނަބަހެއް( ނުބައިގޮތަކަށް ފެށިއްޖެކަމެއް ކިތަންމެ ބޮޑުވެގެންދިޔައަސް އެކަމެއް އޮންނާނީ ނުބައިކޮށްކަން ދޭހަކޮށްދިނުމަށް ބުނެއުޅޭ ބަހެއް ކައްޗަށް އެޅި ބިންގަލެއް ކެއްޗާއި ހަމައަށް ނެގިއަސް ހުންނާނީ ކައްޗަށެވެ
ކައްޗޭބޯ
ނ ކައްޗޭއޮޅަން ލަކުޑިން ލިޔެފައި ހުންނަ އެއްޗެއް މީގެ މަތީކޮޅު ހުންނާނީ ވަށްކޮށެވެ މިހުންނާނީ ތަންތާނގައި ބެހެއްޓޭ ގޮތަށެވެ
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވާފުޅި
ނ ކަވާ ޖަހާތާނގައި ހިއްޕާން ހަދައިފައި އޮންނަ އެއްޗެއް މިކަމަށް ގެންގުޅެނީ ޖަނަވާރުގެ ދަޅެއް ބުރިކޮށްލައިގެން އޭގެ ބައެކެވެ
ކަމަޅިމަތީ
ނއ (1) އައު (2) ބައުނުވާ ގިނައިން މިބަސް ބޭނުންކުރަނީ ފުރާދުއްވާ އެއްޗެއްސާއި އަންނައުނާ މެދުގައެވެ