radheef.info
ރަދީފު


ނި
އ )ސ ( ނު
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޮހ
އ ކޮބާ ކިހާވަރެއްވި އަހެރެންބުނިގޮތަށް ނޫންމިވީ؟ މިހެން ބުނެއުޅެނީ ދެމީހަކު ޒުވާބުކުރަމުންގޮސް ތިމާބުނިގޮތް ވީމައެވެ
ބޮނބިފަތް
ނ އޮޑިދޯނިފަހަރު ބަންނައިރު ފަތޮޅާއި ހިންމިއަށް ލުމަށް ހިލަތޮށި ނުލައި ބޮނބީން ނަގާފޮތި
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮނބިދެލި
ނ ބޮނބި އަންދައި ދެއްޔަށްވީމާ އަޅިޔަށް ނުވަނީސް ފެންޖަހައި ނިއްވައި ފައިހުންނަދެލި
ބޮނދު
ނ (1) ރާޒުވާކުޅިބައިގެވެރިކުޅި. (2) ކަނޑުމަތީގައި އުޅޭ ކުޑަވަރެއްގެ ދޫންޏެއް. މިދޫނީގެ ފިޔަހުންނާނީ ހަނިކޮށެވެ. ވަރަފަތް ތައް ހުންނަނީ ތޫރިކޮށެވެ. (3) މަޖާޒު: ރަނގަޅަށް ބޮޑުނުވެ ހުންނަމީހާ. (4) )ގ.( ލަނޑާ
ބޮނދުން
މ (1) ފިލާންތިރިވެ އެއްޗަކާ ނިވައިވުން (2) ފިލުން
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނޑިބަރަނި
ނ (1) ކަރުދާހު ސިއްކައެއް ކޮޅަށްލައި ވަށްކޮށް އޮޅައިފައި އޮންނަ ކުޑަ ބަރަންޏެއް (2) ކަޅުސިއްކަބަރަނި
ބޮނޑިބަތް
ނ ހަނޑުލާއި ގޮދަނާއި ސާގާއި ބަނބުކެޔޮ ފަދަ ތަކެތިން ކައްކާ ފޮނިކާއެއްޗެއް ބަނބުކޭލުގައި ކައްކަނީ ކުދިކޮށް ކޮށައިގެންނެވެ ގޮވާމުގެ ބާވަތްތަކުގައި ކައްކަނީ ހުރިގޮތަށެވެ މިކެކުނީމާ ހުންނާނީ ތަތްކޮންނެވެ
ބޮނޑިމަސްކާށި
ނ ރޯދަޔަށް ހަނދުބަލާރޭ ފައިންޕުޅު ހިފައި ނިމޭއިރަށް ދާލަބޮޑުއަށި ކައިރީގައި ހަނގުބޭކަލުންނަށް ތައްޔާރުކޮށްފައި ހުންނަ މާހެފުން މީގައި ހުންނާނީ ބޮނޑިއާއި އާރޮހާއި މަހާއި ކާއްޓެވެ
ބޮނޑިފޮރުވުން
މ ގަނޑު ފިއްލާ ކުޅޭއިރު މޮޅުވާބައިގެ މީހުން ކުރާ ކަމެއް. މިކަންކުރާގޮތަކީ 21 ލަނޑު ހަމަވީމާ ބޮނޑި ފޮރުވަނީއެވެ. ދެރަވިމީހުން ބޮނޑި ހޯދަމުންގޮސް ފެނިއްޖެނަމަ މޮޅުވިބައިގެ މީހުން ރިހަޔާބަތާ ކައްކައިފައި އަނެއްބަޔަށް ކާންދޭން ޖެހުނީއެވެ. ބޮނޑިނު ފެނިއްޖެނަމަ އެމީހުން ބޮނޑިފޮރުވި މީހުން ރިހަޔާބަތާ ކައްކައިފައި ކާންދޭން ޖެހޭނެއެވެ
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން
ބޮނޑޮބޮލް
ނ )ޏ ( (1) އެމުގެ ބާވަތެއް މިމަސް ހުންނާނީ ބޯކޮޅަށް ތަންކޮޅެއް ބޮޑުކޮށް ނިގޫކޮޅަށް ހިމަކޮށެވެ (2) ރާޒުވާގެ ބޮޑުބޯ
ބޮންޑަ
ނ (1) މަހާ އަޅައިގެން ތިބޭ ދަނޑިފުޅު ދޫނި (2) މަލިކުބޮނޑި
ބޮންޑާފާނަ
ނ އޮޅުފާނައިގެ ބާވަތެއް. މިއީ އާދައިގެ ފާނައަށްވުރެ ބިޔަ ނިގޫފަތުގެ ކޮޅު އެއްވަރަކަށް ހުންނަ އަނގަ ބޮޑު ދަތްތޫނު ގަދަރަތްކުލައިގެ މަހެކެވެ. މަހުގެ ވަށައިގެން ގަދަ މުށިކުލައިން ކައިރިއެޅިފައި ހުންނަ ނޫކުލައިގެ ތިކިތަކެއް ހުރެއެވެ. އަދި ބުރިކަށިމަތީގައި ހުރަހަށްވާގޮތަށް ފުޅާ ދެތިން ގަޅި ހުރެއެވެ
ބޮންޑޮލަސް
ނ )ޅ ( ދަނޑިފުޅުދޫނި
ބޮކަން
ނ ކަނޑުމަހުގެ ތެރޭގައި ހުންނަފަނި
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ