radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ޒިޔާރަތްފުޅު
ނ ކީރިތި ރަސޫލާގެ ފަސްދާނު ވަޑުވައިފައި ވާތަނުގައި ކޮށްފައިވާ ޢިމާރާތް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީނާރު
ނ ހެދިކާއެއް. މިއީ ހިމުންކޮށް ހަނޑޫފުނޑައި ކާށިކިރުގައި ލޮނުލައިގެން ފުށްގަނޑުގިރައި ބޭނުންބޮޑުމިނަކަށް ހުންނަވަރަށް ތާހަށް އަޅައި މަތިޖަހައިގެން ފިހާއެއްޗެއް
ޒީރުހެދުން
މ (1) މަކަރުހެދުން (2) ފަންޑިތަހެދުން (3) ޞިހުރުހެދުން (4) ހިންތާހެދުން
ޒީލަ
ނ (1) ތޫލިކޮށް ގަދައަށް އިވޭއަޑެއް ސިފަކުރަން ބޭނުންކުރާ ބަހެއް މިސާލު: ޒީލައަޑު (2) މަޖާޒު: ރުޅި މިސާލު: އެއީ ވަރަށް ޒީލަގަދަ މީހެކެވެ
ޒީލަކުރުން
މ އަޑުގަދަކޮށް ތޫލިކަން ގަދަކުރުން
ޒީލައަޑު
ނ ތޫލިގަދައަޑު
ޒީލައެރުން
މ މަޖާޒު: ކުއްލިގަދަ ރުޅިގަނޑެއް އައިސްގެން އުޅުން މިބަސް ގިނައިން ބޭނުންކުރަނީ ކުޑަކުދިންނާއި އަންހެނުނަށް ނިސްބަތްކޮށެވެ
ޒީލަގަދަކަން
ނއނ ކުއްލިގަދަރުޅި އަންނަގޮތް ބޮޑުކަން
ޒީލަގަދަވުން
މ ކުއްލިގަދަރުޅި އަންނަގޮތް ބޮޑުވުން
ޒުހުލު
ނ ގުރަހައިގެ ހަވަނަތަރި )އިރުންފެށިގެން ދުރަށް( މިއީ ގުރަހައިގެ ތަރިތަކުގެ ތެރެއިން އެންމެބޮޑު ތަރިއެވެ
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޒުލްޙިއްޖާ
ނ (1) ހިޖްރީކަލަންޑަރުގެ ބާރަވަނަމަސް (2) ޙައްޖުމަސް (3) ބޮޑުއީދުމަސް
ޒުލްޤަޢިދާ
ނ ހިޖްރީ ކަލަންޑަރުގެ އެގާރަވަނަމަސް
ޒޫން
ނ އަޑެއްގެ ނަން މިއީ އެއްޗެއް ވައިކަފައިލައިފައިދާއިރު އިވޭ އަޑެވެ
ޓަނު
ނ (1) ވިހި ހަންދަރުގެ ބަރުދަން (2) އުޅަނދުފަހަރުގެ ބަރުދަން ހިފާ މިންވަރު ބެލުމުގައި ސަތޭކަ ކޮޑިފޫޓްގެ މިންވަރު (3) މުދަލުން ނާލު ނެގުމުގައި 04 ކޮޑިފޫޓްގެ މިންވަރު (4) ރާއްޖޭގެ ފުރާދުއްވާ އުޅަނދުފަހަރުގެ ތެރެއިން މުދަލާއި މީހުން އުފުލާ އުޅަނދު ފަހަރަށް ދީފައިވާ ރަޖިސްޓަރީ
ޓަނުއެޅުން
މ އޮޑިދޯނި ފަހަރުން އުފުލޭ މިންވަރު ބެލުމަށް އެއުޅަނދެއް މިނުން
ޓަކި
ނ (1) އަތުގެ އިނގިލިތަކުގެ މޮށްތަކުން ޖަހާޖެހުން (2) ހަށިގަނޑުގެ ތަނަކަށް ކުއްލިއަކަށް އަރާތަދު މިސާލު: މިއުޅެނީ އުނަގަނޑަށް ޓަތްކެއް އަރައިގެންނެވެ
ޓަކުންޓަކުން
ނ ފުންނާބު އުސްފައިވާން ނުވަތަ އުށްޖެހި މަރަވަޅީގައި ހިނގާ އިރު އިވޭއަޑު
ޓައީ
ނ (1) ގަމީހުގެ ގިރުވާނުގެ ދަށުން ކަރުވަށައިލައިފައި ގެނެސް ލަގޮނޑިވަޅާދިމާއިން ގޮށެއް ޖަހައިފައި ތިރިޔަށް އެލުވައިލައިފައި ހުންނަ ފޮތިކޮޅެއް މިހުންނަނީ އެއްކޮޅަށް ފަލަކޮށް އަނެއް ކޮޅަށް ހިމަކޮށެވެ (2) ވަކިގޮތަކަށް ޖަހާގޮށެއް