radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ކަފަބަނޑިޔަލަށްއަތްބޭނުން
މ މަޖާޒު: (1) އިނދެގެންއުޅޭމީހާ މަރުވީމާ ފަހަރިޔާ އިންނާން އުޅުން (2) ފަހަރިޔާ މޮށުން
ކަފަކަފުން
ނ މައްޔިތާގައިގައި ލާ ކަފަޔާއި ކަފުނާއި މިކަމާބެހޭ ތަކެއްޗަށް އެއްކޮށްކިޔާގޮތް
ކަފަތެޅުން
މ (1) އޮށްކަފަސާފުކުރުން (2) މައްޔިތުން ގައިގައި ލެވޭގޮތަށް ކަފަހަދައި ތައްޔާރު ކުރުން
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްލުން
މ ލިޔާދަވާދަށް ކަފާސްއެޅުން
ކަފާސްގަނޑު
ނ (1) ލިޔާ ދަވާދުގައި އޮންނަ ރޮދި ބޮނޑި ނުވަތަ ފޮތިކޮޅު (2) )މ ( ކިސްމޭ
ކަފިހިމަސް
ނ ފަރުމަހުގެބާވަތެއް މިއީ ކަނޑުގައި އުޅޭ ބޮޑެތިމަސްމަހުގެ ނިވަލުގައްޔާއި ކަނޑުގައި އޮޔާދާ އޮއިވާލި އެތިގަނޑުގަނޑުގެ ނިވަލުގައި އުޅޭމަހެކެވެ މަހުގެ ހުރަހަށް ކަޅުކުލައިގެ ފުޅާ ގަޅިތަކެއްހުރެއެވެ އަރިމަތީގައި ހުންނަނީ ރިހިވިދުން ކުލައެވެ މަހުގެ މަތީބައިގައި ނޫކުލައިގެ ކުދިލައްތަކެއް ހުރެއެވެ
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަތިރިޔާ
ނ އެއްކަނަށް ދިގުކޮށް ތިންކަނަށް ހުންނަރިޔާ ފަރުމާނުގައި ހަރުކުރަނީ މީގެއެންމެދިގު ކައިރިއެވެ
ކަތީބުކަން
ނ (1) މާލެފިޔަވައި ރާއްޖޭގެމީހުންއުޅޭ ރަށްރަށުގެ ވެރިކަމުގެ ވަޒީފާ. (2) އިހުގައި ހުކުރުނަމާދާއި ޢީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ ވެރިޔާގެ މަޤާމު
ކަތީބުފޮށާ
ނ (1) ޚުތުބާކިޔާންވީމާ މަކަނަޔަށް އަޅައިއުޅުނު ފޮށާ (2) ރިދާ
ކަތުރު
ނ ދެފައިކަށިލީ ތޫނު ހަތިޔާރެއް މިއީ ބައެއްތަކެތި ކޮށާށާއި ކަފަން ގެންގުޅޭ އެއްޗެކެވެ މީގެ ތަފާތު ބާވައްތައް ހުރެއެވެ
ކަލަކުޓަރު
ނ އިހުގައި ކަސްޓަމުގެ ވެރިޔާއަށް ކިޔައިއުޅުނު ނަމެއް
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލަމީކުނބު
ނ ބޯޓުރިޔާ ނަގާ އެއްޗެހީގެ ކޮޅުފަސްކޮޅު ކުނބު
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކަލޭގެފާނު
ނ (1) އިހުގައި މަޖިލީހަށް އެރީމާ ލިބޭ ލަޤަބު ލިބިފައިވާ މީހާ. (2) މާތްކުރުމުގެ ގޮތުން ނަބިއްޔުންނަށާއި ވަލިއްޔުންނަށާއި ޢާލިމުންނަށާއި އެދުރުންނަށް ކިޔާގޮތް
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަލްމީ
ނ ބަނގަލާ ފަހަރުގެ ކޮޅުފަސްކޮޅު ކުނބަށް ނަގާރިޔާ
ކަސިޔާރުއެރުން
މ ކަސިޔާރުވުން