radheef.info
ރަދީފު


ޓ
ނ ތާނައިގެ ވިހިވަނަ އަކުރު
ކިލާސް މުދައްރިސް
ނ ފަށާތަޢުލީމާއި ޘާނަވީ ތަޢުލީމުގެ ކިލާހާއި ބެހޭ އެކިކަންތައްތައް ބަލަހައްޓާ އިސް މުދައްރިސް
ކިޔަވާގެ
ނ (1) ބޮޑުދެހިތީގައި ހިތީ ކިޔަވަންގެންދާ ފޮތް ފޮށިތައް ބެހެއްޓުމަށާއި ވިއްސާރަވެއްޖެނަމަ ކިޔަވަން ދާމީހުންތިބޭން ފަނުން އަޅާފައި ހުންނަ ގެއެއް (2) ކިޔެވެލިކިޔަވަން ފުއްޓަރު ފަރާތުގައި އަޅައިފައި ހުންނަގެ (3) އެދުރުގެ
ކިޔުން
މ (1) ލިއެފައިވާއެއްޗެއް ދުލުން ފާޅުކުރުން (2) ބަސްތަކެއް އަނގައިންއެކުލެވުން މިސާލު: )ހ( ރައިވަރެއް ކިޔުން )ށ( ހިތުދަސްވެފައި ހުރިއެއްޗެއް ދުލުން ފާޅުކުރުން (3) މީހަކަށް ނުވަތަ ބަޔަކަށް ވަކިތަނަކަށް އަންނާން އެންގުން ނުވަތަ ދަޢުވަތުދިނުން (4) އެއްޗަކުން އަޑެއް ގޮވުން މިސާލު: އުނދޯލީގެ ވަހުން އަޑެއް ކިޔައިފިއެވެ (5) ލިޔެފައިވާ އެއްޗެއް ދެނެގަތުމަށްޓަކައި އެއެއްޗެއްބެލުން
ކީއްތާނި
ނ (1) ނައުފަހަރާއި ބޯޓުފަހަރުގެ ރިޔާ ކަނޑާބޯފޮތި ވިޔާން ވަކަ ނަގާ ގަސް (2) މިބާވަތުގެ ވަކައިން ވިޔާ ފޭރާން
ކީމިޔާރޮށި
ނ ނާސްތާކުރަން ގެންގުޅޭ ވައްތަރަކު ރޮއްޓެއް މިއީ މަހާއި ފިޔަޔާ ލައިގެން ހަދާ ރޮއްޓެކެވެ
ކުށަށްޖެހުން
މ ލިޔެފައި ހުރި އެއްޗެއް ކިޔަމުން ދާއިރު ނޭނގިގެން ހުއްޓުން އެރުން
ކުށްތެޅުން
މ ލިޔާއިރުގައްޔާއި ޓައިޕްކުރާއިރުގައި މާގިނައިން ކުށް ލިޔުން
ކުނބު
ނ ރިޔާ ނެގުމުގެ ބޭނުމުގައި ފުރާދުއްވާ ތަކެތީގެ މެދުތެރޭގައި ޖަހައިފައި ހުންނަ ދިގުދަނޑި ރިޔާ ނުނަގާ އެއްޗެތީގައިވެސް އެކިއެކި ބޭނުމަށްޓަކައި މިޖަހައިފައި ހުރެއެވެ
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ކުނބުވާންޖެހުން
މ ވަނޮޅަށާއި ކުނބުކޮށްޓަށް ކުނބުގެ ފޫ ވަރުކުރުން
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުނިހުދުފަށް
ނ އަންހެނުން ކަރުގައި އަޅާ ފަށްޓަރު ބައިގެ އެއްނަރުން ގަތައިފައި ހުންނަފަށް
ކުނިއެޅުން
މ (1) ބޭނުންނެތް އެއްޗެހި އެތަން މިތަނަށް އުކުން ނުވަތަ ވަކިތާކު ބެހެއްޓުން. (2) އަނގަޔާއި ކަރުތެރޭގައި ކުނިއުފެދުން
ކުންޏަ
ނ ކޯއްޓޭގެ ކާލިގަނޑާ ޖެހިގެން ތިރީގައި ވަނާލައި ހަރުކޮށްފައި ހުންނަ ދެގަނޑު ފިލާ
ކުރަހާފޮށި
ނ (1) ފޮޓޯ ނަގަން ގެންގުޅޭ ފޮށި (2) ކެމެރާ
ކުރަނޑި
ނ (1) ފެންބޯތައްޓާއި ބޯތަށިފަދަ ތަށިލާން މައްޗާއެކު ލިޔެލާ ޖަހައިފައި ހުންނަ އެއްޗެއް މީގެ ކިތަންމެ ވައްތަރެއް ހުރެއެވެ ކޮންމެ ވައްތެރެއްގައިވެސް މަތިގަނޑު މެދުގައި އުށެއް ހުންނާނެއެވެ (2) ކުރަނޑި ފާޑަށް ބިއްލޫރިން ހަދައިފައި ހުންނަ ތަކެތ ި (3) ޖަނަވާރާއި ދޫނިސޫފާސޫފީގެ މައިދާ (4) މިސްކިތް މިސްކިތްފަދަ ތަންތާނގައި ލާގެ ޒީނަތްތެރިކުރަން ކުރަނޑީގެ މަތިގަނޑާ އެއްގޮތަށް ލިޔެފައި ހުންނަ އެއްޗެއް
ކުރާގަނޑު
ނ (1) ގޮވާން ގަސްގަހުގެ ކުރިން ނުކުންނަ އޮށްޓަރު ހުންނަ މާކޯޅި (2) ކޮޅި
ކުރިބިމުޖެހުން
މ މަޖާޒު: (1) ކުއްލިއަކަށް ނަސީބުދެރަވުން (2) ދަރަޖައާއި ގަދަރު ވެއްޓުން
ކުރިބޯށި
ނ (1) ބައެއް ގޭގެގެ ފުރާޅުގައްޔާއި ދިދަދަނޑީގެކޮޅުގައި ހަރުކޮށްފައި ހުންނައެއްޗެއް މިހަދައިއުޅެނީ ކޭލުބޯއްޓާއި އެއް ސިފައަކަށެވެ (2) ކުރިބޯށިގޮތަށް ހަދައިފައި ނުވަތަ ކުރަހައިފައި ހުންނަ އެއްޗެހި
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ