radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ފަލިދަނޑި
ނ ފަލިތަންޑު
ފަލިދޫ
ނ ފަލިތަންޑުގެ ކޮޅުގައި ހަރުކޮށްފައި ހުންނަ ފިލާގަނޑު
ފަލިލުން
މ (1) މެއްކުގައި ހުންނަ ޅާނބުގެ ތެރެއަށް ފަލީގެ ތަންޑު ވެއްދުން (2) މެއްކުގައި ފަލިއެއްސުން
ފަލުކާ
ނ (1) ތައްޓުދަށުގައި މުދާލާން ހަދައިފައި ހުންނަތަން (2) ފަލުކާގައި ޖަހާމަތި
ފަސްކަނިދަށް
ނ ކަތިރިޔަލުގައި ދަތުރުކުރާއިރު ދޯނީގެ ދަށްކިބައިން މެދު އޮޑިން ފެށިގެން ދަންމާނު ބުޅިއާދޭތެރޭ ރިޔަލު ދަށުން ފެންނަތަން
ފަސްކޮޅެއެނބުރުން
މ ވާ އަޅާއިރު ފިޔަރީގެ ތެރެއިން ނުކުންނަތަން އަނބުރައި ހަރުކުރުން
ފަސްއެރުވުން
މ (1) ގޮނޑުދޮށާއި މާޑުފަދަ ތަންތަނަށް ރާޅާ ވެލިއެރުވުން (2) ތަނަކަށް ވެލި އެރުވުން
)މުސްކުޅިބަހެއް( އެމީހަކު ދިރިއުޅޭ ތަން ނޫން އެހެން ތަނެއްގައި މަރުވެއްޖެނަމަ ބުނެއުޅޭ ބަހެއް ފަސްމުށްނެންގެވި ތާކަށްދާނެއެވެ
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްތަންބަނުން
މ މައްޔިތާ ކަފުންކޮށްފައި ފަސްތަނުން އެއްސުން މިގޮތަށް ބަންނަ ތަންތަނަކީ (1) ދެފައި ތިލައިގެ ދަށް (2) ދެކަކޫމަތި (3) އުނގަނޑުމަތި (4) ހަށަންމަތި (5) ބޮލުގެމަތި
ފަސްގަނޑު
ނ (1) ބިންގަނޑު (2) އުސްކޮށް ހުންނަ ވެލިގަނޑު (3) ކުޅި ޖެހުމަށާއި ހިފައި އޮޅުލުމަށް ތައްޔާރު ކޮށްފައި އޮންނަތަން (4) ގުޅަ ކުލޭ ފަސްގަނޑު
ފަސްގަނޑުހެދުން
މ (1) މަހާނަމަތީ ވެލިގަނޑު ވަކިގޮތަކަށް ހެދުން (2) ގަސް އިނދާ ތަން ތައްޔާރު ކުރުން
ފަޑައްކު
ނ (1) ހަނޑުލާއި ބިންބިފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރު. (2) ބަސްތާފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި
ފަޑައްކުތެޅުން
މ (1) ހަނޑުލާއި ބިންބި ފަދަ ގޮވާމުގެ ބާވަތްތައް ގެންގުޅޭ ތަންތަނަށް އެޅިފައި ހުންނަ އޮށްޓަރުތައް ނަގައި ސާފުކުރުން. (2) ބަސްތާ ފެޅިގެން އެޅިފައި ހުންނަ ހަކުރާއި ފުށާއި ސިމެންތި ފަދަ ތަކެތި ނަގައި ސާފުކުރުން
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާންވުން
މ (1) އަލިވުން (2) ވައިހިނދި ދަހަނގުވެފައި އޮތުމުގެ ސަބަބުން ކަނޑުގެ ބައެއް ތަންތަން އޮމާންވުން (3) އަޑި އެނގޭގޮތް ހެދުމަށް ކަނޑަށް ތެޔޮ އެޅުމުން އެހިސާބުގަނޑު އޮމާންވެ އަޑިއެނގުން
ފާންލުން
މ ކަނޑުމަތީގައި ތަންތަންގަނޑު އޮމާންވެފައި ހުރުން
ފާރަލާމީހާ
ނ (1) ޖާސޫސުކުރާމީހާ (2) މީހަކު ނުވަތަ ބަޔަކު ދާނުދާތަންތަނާއި ކުރާ ނުކުރާ ކަންތައް ސިއްރުން ބަލާމީހާ (3) ތަނެއްގައި ކަންހިނގާ ނުހިނގާގޮތް ސިއްރުން ބަލާމީހާ