radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ބުޅަލުލޯ
ނ ޖަވާހިރެއްގެ ނަން މިހުންނާނީ ބުޅަލެއްގެ ލޯހެންނެވެ މީގެ ކުލައަކީ މަޑުނޫކުލައެވެ އަނގޮޓީގައި ޖަހާ އެހަކަށް މިބޭނުންކޮށް އުޅެއެވެ
ބުޅާހައްޖުވުން
މ )މިސާލުބަހެއް( ތިމާކޮށްކޮށްހުރި ނުބައިކަމެއް ދެން ނުކުރާނޭސިފަތައް ދައްކައިގެން އުޅޭމީހުނާ މެދުގައި ބުނެއުޅޭގޮތެއް
ބުޅިކެނޑޭނީ ކެޔޮޅުންއަތުން
(މުސްކުޅިބަހެއް) އެއްޗެއް ގިނަފަހަރަށް ހަލާކުވާނީ އެއެއްޗެއްގެންގުޅޭ މީހުންގެ އަތުންނޭ ބުނަން ބުނެއުޅޭބަހެއް
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުއްދިބޯ
ނ (1) ވިސްނުންތެރިޔާ (2) ތިމާ ބޭނުންވެގެން އުޅޭކަމެއް ހާސިލުކޮށް ގަތުމަށް ކުޅަދާނަ މީހާ (3) ހީލަތްތެރިޔާ (4) މަކަރުވެރިޔާ
މ ބުއްދި ސަލާމަތުންހުރި މީހެއްގެ ވިސްނުމުގެ ނުވަތަ އެނގުމުގެ ބާރު ފިލައިދިޔުން ބުއްދިފިލުން
ބުއްޑެވި
ނ ޚިޔާލީ ފުރޭތައެއް އިހުމީހުން ބުނެއުޅެނީ މިއީ މީހުންނަށް ބަލިޖައްސާ އެއްޗެއް ކަމަށެވެ
ބުމަރު
ބިންމަތީގައި އަނބުރާން ގެންގުޅޭ އެއްޗެއް. މީގެ ކިތަންމެ ބާވަތެއް ހުރެއެވެ. މިސާލު: ތަޅާބުމަރު ކަށިބުމަރު ފިހިގަނޑުބުމަރު
ބުދުފައްޅި
ނ ބުދަށް އަޅުކަން ކުރާ ދީންދީނުގެ މީހުން އަޅުކަން ކުރުމަށް ބުދުބަހައްޓާ ފައިހުންނަ އިމާރާތް
ބުލެކްމޭލުކުރުން
މ މީހުން ސިއްރުން ކޮށްފައިހުންނަ ކުށްތަކާ އަބުރާ އިއްޒަތަށްޓަކާ ނުވަތަ ލިބިދާނެ ގެއްލުމަކަށްޓަކައި ވަންހަނާކޮށްފައި ހުންނަ ކަންތައްތަކުގައި މަޢުލޫމާތު ލިބިފައިވާކަމުގެ ބިރުދައްކައިގެން ފައިސާއާ ތަކެތި ހޯދުން
ބުޑިސްޓުން
ނ ޤައުތަމްބުއްދާއަށް ތަބާވާމީހުން
ބެހިކޭން
ނ އޮޅިމެދު މީހުން ބަހައި އަވަދިވެގެން ކެއުމަށް އެއޮޅި މެދެއްގެ ވެރިއެއްގެ ގޭގައި ކައްކާ ކޭން
ބެހުން
މ (1) ދާންވީ މިސްރާބު އޮޅި ދެވޭނުދެވޭ ދިމާއެއް ހުރި ހިސާބެއް ނޭނގުން (2) އެކި ބައިބަޔަށް އަޅައި އެކި މީހުންނަށް ދިނުން (3) ތިމާޔާ ނުބެހޭ ކަމެއްގެ ތެރެއަށް ވަނުން (4) ކަމަކާނުލައި މީހަކާ ފޮށުން ނުވަތަ ގަޔަށް އެރުން (5) ޖިންސީގޮތުން ގޯނާކުރުން (6) ބައިބަޔަށް އެޅުން (7) ގުޅޭ މިސާލު: )ހ( ފޮތާބެހޭ ލިޔުން )ށ( ކިޔެވުމާބެހޭ ސާމާނު
ބެހެނިވެރިން
ނ މުދާ ބަހައިގެން ލިބެންވީ މީހުން
ބެންޗު
ނ (1) ބައެއް ކުޅިވަރުގައި ޓީމުގައި ހިމެނޭ ރިޒާވު ކުޅުންތެރިންނާއި ޓީމުގެ ކަންތައް ބަލަހައްޓާ މީހުން ދަނޑުން ބޭރުގައި ނުވަތަ ކޯޓުން ބޭރުގައި ތިބޭ ގޮނޑި (2) ދިގުގޮނޑި
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުހަމުނާ
(1) ދިވެހިންކިޔައި އުޅޭ ފުލޯކު ވާހަކައެއްގައި އަންނަނަމެއް. މިނަން ކިޔައި އުޅުނު މީހަކުވެސް ތަންކޮޅެއް ކުރީގައި އުޅުނެވެ (2) ދެމުބަ އެއްކޮށް ފަލަކޮށް އަނދުންއަޅައި ފަލަފަލަކޮށް ކޫރުދަމައިފައި ހުންނަ މީހާއަށް ކިޔާ ނަމެއް
ބެރުއެދުރު
ނ ބެރުވެރިންގެ އެދުރުމީހާ
ބެރުވެރިން
ނ އިހުޒަމާނުގައި ރަސްމީ ބެރުތައް ޖަހައި އުޅުނު މީހުން މިއީ ސަރުކާރުން ވަޒީފާ ދެއްވާފައިވާ ބައެކެވެ
ބެރުމުސްކުޅިކަން
ނ ރަސްމީބެރުޖަހާ މީހުންގެ ވެރިކަން