radheef.info
ރަދީފު


ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ފައިދޮށްޖެހުން
މ ބޮޑު ފަތަފޮޅިއާއި ކުނާ ހަވަރަށް ބައްސަވާއިރު ހަވަރުގެ ބޭކަލުން ތިއްބެވުމަށް ދެދޮރޯށި ދޭތެރޭ މުޑި ޖަހައި ރިޔާ ދަމައި ބިންމަތީ ކުނާ އަޅައި ތައްޔާރު ކުރުން
ފައިގައިތަޅާ
ނ ކުޅިވަރެއް މިއީ ދެބަޔަކަށް ބައިބަހައިގެން ވަކި ސަރަހައްދެއް ފާހަގަ ކޮށްގެން އެ ސަރަހައްދުގެ ތެރޭގައި ކުޅޭ ކުޅިވަރެކެވެ މި ކުޅިވަރު ކުޅޭއިރު ސަރަހައްދުން ބޭރުގައި ތިބޭ ކުޅުންތެރިން އުކާ ބޯޅައިގައި ނުޖެހި އުޅެވޭތޯ ސަރަހައްދުގެ ތެރޭގައި ތިބޭ ކުޅުންތެރިން ބަލާނެއެވެ ސަރަހައްދުގެ ތެރޭގައި ހުރި ކުޅުންތެރިއެއްގެ ގައިގައި އުކާ ބޯޅައިން ޖެހިއްޖެނަމަ އެ ޖެހުނު ކުޅުންތެރިޔާ ނުބައިވީއެވެ
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފަތަރި
ނ )ބދ ( މިންވަރު
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު
ފަތޭރި
ނ (1) ފަތޭރި މަޑޫ. (2) ފަން ނުވަތަ ފިލާޖަހައިގެން ދަތުރުދޯނި ފަހަރު ވަގުތީ ގޮތުން އުސްކޮށްލާ އުސްކޮށްލުން (3) )ސ ( މަޖާޒު: އަނދެގެން އުޅޭ މުންޑުގެ ދެކަންގަނޑު އެއްވަރުކޮށްލާ އެއްވަރު ކޮށްލުން
ފަތޭރިކުރުން
މ (1) ފަން ނުވަތަ ފިލާ ޖަހައިގެން ދަތުރު ދޯނި ފަހަރު ވަގުތީ ގޮތުން އުސްކޮށްލުން (2) )ސ ( މަޖާޒު: އަނދެގެންއުޅޭ މުންޑު ދެކަން ގަނޑު އެއްވަރު ކޮށްލުން
ފަތްބޯކަން
ނއނ (1) ވަރުގަދަކޮށް ހެދިފައި ހުންނަ ގަސްގަހުގެ ފަތްތަކުގެ ގިނަކަން (2) މަޖާޒު: ބޮލުގެ އިސްތަށި ގިނަކަން
ފަތްކޮޅުބޭލުން
މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން
ފަތްޕިލާވެލިކޮޅާދިއުން
މ ގަނޑުވަރުތެރޭ ބޭފުޅުންނަށް ބޭސްކޮޅު ހެދުމަށް ފަތްޕިލާވެލި ބަލައި ރަށްރަށަށް ދިއުން
ފަލިބައި
ނ އެދޯންޏަކަށް ވަރުކޮށްފައި ހުންނަ ފަލިތައް
ފަސްއަށި
ނ ގަނޑުވަރުތެރޭގައި ހުންނަ ހަނގުބޭކަލުން ދަމަށް ދުރުވާ ފަސްއަށި )ހ( ފުޅިދޮށު އަށި )ށ( އިސްވަރު އަށި )ނ( ވެލާނާވަރު އަށި )ރ( ހަކުރާވަރު އަށި )ބ( ބޭރުބޮޑު އަށި
ފަސްއަށީބޭކަލުން
ނ ގަނޑުވަރުތެރޭގައި ހުންނަ ފަސްއަށްޓަށް ދަމަށް ދުރުވާ ހަނގު ބޭކަލުން
ފަސްއޮށް
ނ (1) ފަސްއޮށުން ކުޅޭ ކުޅިވަރެއް މިކުޅިވަރު ކުޅުމަށް ބޭނުންކުރާ އޮށްތައް ޢާއްމުކޮށް ހަދައިފައި ހުންނަނީ ބިއްލޫރިންނެވެ (2) ފަސްއޮށް ކުޅެން ގެންގުޅޭ އޮށްތަކުގެ ތެރެއިން އޮށެއް
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ފަސްމުގޫ ހިފެހެއްޓުން
މ (1) ވަލުގެ މުގޫ ވަރުގަދަ އަށް ހިފެހެއްޓުން (2) މަޖާޒު: ކަމެއް ބޮއްސުން ލިޔަނުދީ ބެލެހެއްޓުން
ފަސްފުޅިކިޔެވުން
މ އިހުގައި ގަނޑުވަރު ތެރޭގައި ހުންނަ ލޯގަނޑުން ފަސްފުޅިޔަށް ޖެހީމާ )ރޭގަނޑު އެގާރަ ޖެހީމާ( މެދު ޒިޔާރަތް ދޮށުގައި ދުޢާވެރިކަން ކިޔެވުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ދަހަރާވަރު( ފަސްތިންވަރު
ނ ހަވަރުގެ ދެބައިކޮށް އެއްބައި. )ދޮށިމޭނާ ވަރު ފާމުދޭރިވަރު