radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އުއްދަނޑި
ނ ފަތް ހިމަދިގުކޮށް ހުންނަ ފީނިވާގަހެއް މިއީ އޮނުހެދޭހެން ބަދަބަދައަށް ހެދޭ ގަހެކެވެ މީގެ ބޭރު ހިލަތޮށި ނޫންހައި ތަނެއް ފޮނިވާނެއެވެ ހަކުރު ގިނައިން ހަދަނީ މީގެ ދިޔައިންނެވެ މީގެ ރަތާ ހުދާ ދެބާވަތް ހުރެއެވެ
އުއްދަނޑިބުއިން
މ އުއްދަނޑި ހަފައިގެން އޭގެ ދިޔަ ބުއިން
އުއްތުންނުފިލާ
ނއ (1) ބައެއް ކަންތައް ހަމަކުރާގޮތަށް ދެވަރެއް ނުވެ ދެމިހުރީމާ ބުނެއުޅޭ މިސާލެއް މިސާލު: އިންނަ ދެމީހަކު ރަނގަޅުގޮތުގައި ދެމިތިބުމުން "އަދި އެއުޅެނީ އުއްތުން ނުފިލައެވެ " މިހެން ބުނެ އުޅެއެވެ (2) އައުކަން ނުކެނޑޭ
އުއްސަކުރު
ނ ހިމުންކޮށް ހުންނަ ހުދުހަކުރެއް މިގިނައިން ގެންނަނީ ސީނުކަރައިންނެވެ
އުއްޑުން
ކއ (1) އުޑުތިލައިން (2) އަނގަމައްޗަށް ވާނޭހެން (3) ބަނޑުފުށް މައްޗަށް
އުމަގުތެޔޮ
ނ އުމަގުފާރު ހިއްކުމަށް ގުންބާއިން ދުއްވާތެޔޮ
އުފަދާނަ
ނ އަންގާގެ ނަކަތްތެރިކަމުގައި ދުވަސް ބަލައިފައިވާ ބައިތަކުގެ ތެރެއިން ބައެއް
އުތުރުއަރުމާޒު
ނ މުސްކުޅި ބަންޑާރައިން މާލޭން އުތުރު ރަށްރަށަށް ވަޑައިގެންނެވި އަރުމާޒު
އުތުރުދޮރު
ނ (1) ގޭގެ އުތުރު ފަރާތު ދޮރު (2) ގޭގެ ބޭރުގެއިން އުތުރު ފަރާތަށް ނިކުންނާން ހުންނަ ދޮރު
އުލުބޭންދުން
މ ބުނާތީ އިވޭގޮތުގައި މާއިހުޒަމާނުގައި މީހުންމަރަންކުރާ ކަމެއްކަމުގައި ބުނެވޭގޮތެއް ހަދާގޮތެއްކަމަށް ބުނަނީ ތޫނުކޮށްފައި ހުންނަ ދަގަނޑު އުލެއްގައި މީހާ ބައިންދަނީއެވެ ބޭންދީމާ އެއޫ ފުރަގަސް ފަރާތުން ވަދެގެންގޮސް ބޮލުން ނުކުންނަނީއެވެ
އުލުއިންދާފައި އިރަށްދޮންކުރުން
މ (1) އަދަބުގެ ބޮޑުކަން ދެއްކުމަށް ބުނާގޮތެއް (2) އުލުއިންދާފައި އަވީގައި ބޭންދުން
އުޑަފައިން އިނުން
މ އެއްވެސް ތަނެއްގައި ފިނދުމަސްގަނޑު ނުޖެހި ހަމައެކަނި ދެފައިގެ ބާރުގައި އިނުން މިގޮތަށް އިންނައިރު ހުންނާނީ ދެފައިގެ ކުޑަކަޅުވާ މަހުގައި މާކަޅުވާމަސް ޖެހިފައެވެ
އުޑި
ނ (1) ބިންބި ފަދަ އެއްޗެހި މުގުރުމަށް ހިލައިން ހަދައިފައި ހުންނަ އެއްޗެއް މިހުންނާނީ ވަށްބުރުހަމަ ދެކިބައަށެވެ އަޑީކިބައިގެ މެދުގައި މަތީކިބަ އެމުނޭނޭގޮތަށް ނާރެހެއް ހުންނާނެއެވެ މަތީކިބައިގެމެދުގައި އެއްފަރާތުން އަނެއްފަރާތަށް ފޫގޮސްފައިވާ ލޯވަޅެއް ހުންނާނެއެވެ އަދި މަތީކިބަ އެނބުރުމަށްޓަކައި ހިފަހައްޓާނެ މުށްގަނޑެއްވެސް ހަރުކޮށްފައި ހުންނާނެއެވެ (2) )ސ ( އުނިޔަ
އުޖާލާ
ނ (1) ފުރިހަމައަލި (2) ސާފުކަމާއެކު އިންސާނެއްގެ މޫނުމަތިން ފެންނަ ހިތްހަމަޖެހުމާއި އުފާވެރިކަމުގެ ނިޝާން
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އޫރު
ނ (1) ހަތަރެސްފައިކުރު ހަށިގަނޑު ބޮނޑިމަސް. އަނގަކުޑަ ޖަނަވާރެއް މީގެ މަސް ވިލާތުމީހުން ވަރަށް ގިނައިން ކައިއުޅެއެވެ އިސްލާމުންނަށް މީގެ މަސްކެއުން ޙަރާމެވެ (2) ސުވަރު
އެހުރުދަނޑު
ނ ދަނޑުކޮށާއިރު އެދަނޑުގެ ތެރެއިން އެދުރުމީހާއަށް ޚާއްޞަކޮށް ފައިވާ ދަނޑު
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އެށެވެލި
ނ )ސ ( ތަންކޮޅެއް ބޮޑެތިކޮށް ފުއްހުންނަ ކަށިވެލި )މިވެލި ގިނައިން ހުންނަނީ ސ އަތޮޅުގައާއި ފުވައްމުލަކުގައެވެ
އެނބޫ
ނ މަޝްހޫރު ހުތް ކުޑަމޭވާއެއް މީގެއޮށް ވަރަށްބޮޑު ވާނެއެވެ މިއީ ރާއްޖޭގައި ވަރަށް ގިނައިން ހެދޭ އެއްޗެކެވެ