radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ފަނާމަތި
ނ އޮޑިދޯނިފަހަރުގެ އެންމެ ދިރުނބާކޮޅު މަޅުމަތި
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަންބުޑު
ނ (1) ފަނުގެ ރުކުގައި ހަރުވެފައި ހުންނަކޮޅުން ފެށިގެން ފަންވަތް ހުންނަ ހިސާބާ ދެމެދު (2) ފަންތޮށި ބުޑު
ފަންދަނޑި
ނ ލިޔެލާޖަހާއިރު ލާއެއްވަރުކުރަން ގެންގުޅޭ ދަނޑިކޮޅު މިދަނޑިކޮޅު ހަދައިފައި އޮންނަނީ ހިކިއިހަލުގެ ގޮނޑިންނެވެ
ފަންތި
ނ (1) ދަރަޖަ މިސާލު: މަތީފަންތީގެ ބޭފުޅެއް (2) ބައި (3) ޢުމުރު މިސާލު: މެދު ފަންތީގެ ރުކެއް (4) އިސްކޮޅު (5) ވަރު
ފަންގެއެރުވުން
މ ފުރާޅެއްގައި ފަންގިލާއިރު ގިނަ ފަންގަނޑުތައް ގުޅުވައި އޭގެކޮޅު ފުރާޅުމަތީ ތިބޭ މީހުންގެ އަތަށް ދިނުން
ފަންސުރުޖަހާދަތި
ނ ތުނޑު ހުންނަގޮތަށް ފަންސުރުގެ ކޮޅު ފޭއްސަން ހަދައިފައި ހުންނަ އެތި
ފަންސުރުޖެހުން
މ ތުނޑު ހުންނަގޮތަށް ފަންސުރުގެ ކޮޅު ފޭއްސުން
ފަންޖެހުން
މ ފުޅައް ފުޅަފުގައްޔާއި ބިތްބިތުގައި ކޮޅުވަންޖެހުން
ގޮހޮރަށްނެގުން
މ )ހ ( ފަރުވާއެއްގެ ގޮތުން މީހާ އެކޮޅުކޮޅުން ނެގުން
ސައްޔިދުމަތިކޮޅު
ނ ކީރިތި ރަސޫލާގެ ދަރިކޮޅު
ސައްޕުޖެހުން
މ (1) ބޮނޑި ނުވަތަ ބަށިކުޅޭ އިރު ބާރަފޯލި ހަމަކޮށްފައި ޖަހާ ފޯލިޖެހުން (2) ފުޓްބޯޅަ ކުޅޭއިރު ގޯލުގައި ހުންނަމީހާ ބޯޅައަތުން ނަގައި ފައިން ޖަހައި ދުރަށް ފޮނުވައިލުން (3) މަޖާޒު: ސަމާސާގެ ގޮތުން ފޫކޮޅުގައި ކޮޅުފައިން އެތިފަހަރެއް ޖެހުން
ސަވާޖީ
ނ މުދާ އަރުވައި ބާލާއިރު ނުވަތަ ބަރުއެއްޗެހި އުފުލާއިރު އޭގައި ބެއްދުމަށް ބޭނުންކުރާ ދެކޮޅު ގުޅުވައިފައި އޮންނަ ފަލަ ވާގަނޑެއް
ސަމާތާރަ
ނ އަށްކަނަށް ހަދައިފައި ހުންނަ އޮނިގަނޑެއްގައި ގިގުނި ލައިފައި އެއްކޮޅުގައި މަޑިހަން އަޅައިފައި ހުންނަ އެއްޗެއް މިއީ ސަމާތެރޭގައި ޒިކުރުވެރިން ކިޔެވެނި ބޭކަލުންގެ އަށީގައި ޖަހާ ތާރައެކެވެ
ސަމުސާ
ނ ދިޔާ އެއްޗެހި ބުއިމަށާއި ބަތްފަދަ ތަކެތި ކެއުމަށް ބޭނުން ކުރާ އާލާތެއް މީގައި ހުންނަނީ ދަނޑިއެއް ލައިފައެވެ ކުރީކޮޅު ހުންނަނީ ފުޅާކޮށް ގޮނިކޮށެވެ ދަނޑިނުލާ ސަމުސާ ހުންނަނީ މުޅިއެތި ގޮނިކޮށެވެ
ސަމޭދާން
ނ އުއްބައްތި ޖަހަން ލޮއިން ހަދައިފައި ހުންނަ އެއްޗެއް. މި ހުންނަނީ ތިންފައިޖެހި ވަށްފުލެއްގައި ތަނޑެއް ހަރުކޮށް އޭގެ ކޮޅުގައި އުއްބައްތި ޖަހާގޮތަށް ހަދައިފައެވެ
ސަފުސާންލުން
މ ގޮދަން ފުށާއި ދޮންވެއްޔާއި އެއްކޮށް ފެންޖަހައިގެން މޮޑެ ގުޅަވަށައިގެން ލޯއޮނެއްގެ ތެރެއަށް އެގުޅަލައި އޮނުގެ ކޮޅުގައި އަނގަޖަހައި ބާރަށް ފުމެގެން އެ ފުށްގުޅަ ދުއްވުން. މި ފުށްގުޅަ ދުއްވާނީ ކާޅާއި ބޮނޑާއި ހޯނުފަދަ ތަކެއްޗަށެވެ. މިއީ އިހުގައި ރޯދަމަހުގެ ހަވީރު ތިން ހަތަރުމީހުން ނުވަތަ ފަސްހަމީހުން ކުޅިވަރެއްގެ ގޮތުގައި ކުރާކަމެކެވެ
ސޯރުފޮތިކޮޅު
ނ މުންޑު އަންނައިރު މުންޑު އުނަގަނޑުގައި ހަރުލައްވަން އުނަގަނޑުގައި އައްސާލާ ފޮތިކޮޅެއް މި ފޮތިކޮޅު އޮންނާނީ ދެކޮޅަށް ފުޅާކޮށް ހަނިދިގުކޮށެވެ
ސޯފާ
ނ (1) ގޮދަނޑި ޖަހައިފައި ހުންނަ ދިގު ގޮނޑިއެއް މީގައި ލެނގޭ ތަނާއި ދެކޮޅުގެ ދެއަތްގަނޑު ހުރެއެވެ މިއީ އެނދަކަށްވެސް ބޭނުންކުރެވޭ ގޮނޑިއެކެވެ (2) ސޯފާގޮނޑި (3) ސޯފާއެނދު
ސޯފާގޮނޑި
ނ އެއްކޮޅު ނުވަތަ ދެކޮޅު އުފުލައިފައި އިށީނދެވޭ ގޮތަށާއި އޮށޯވެވޭ ގޮތަށް ހަދައިފައި ހުންނަ ގޮނޑި