radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކަޅިއެޅުން
މ އެއްޗަކާ ދިމާއަށް ޙާއްސަގޮތަކަށް ކަޅިހުއްޓައިލައިގެން ބެލުން. މިގޮތަށް ގިނައިން ބަލައިއުޅުނީ ލޯބިވެރި ކަމުގައްޔާއި އެދުންވެރި ކަމުގައްޔާއި ރުޅިވެރި ކަމުގައެވެ
ކަޅިވަތް
ނ (1) ކައްޅި (2) މަސްދޯނީގެ ތަލާއިހަފޮޅާއި ދޭތެރޭގެވަތް
ކަޅިޔަމަސްދޫނި
ނ )ގ ( ކިރުދޫނީގެ ބާވަތެއް މިއީ ބޯކަޅުކޮށް ތުންގަނޑު ރީނދޫކުލައިގައި ހުންނަ ދޫންޏެކެވެ މިދޫނީގެ ކުލައަކީ މަޑުއަޅިކުލައެވެ
ކަޅުހުއްތުމޭވާ
ނ މޭވާގެ ބާވަތެއް މިއީ ވަރަށް ފޮނި މީރު މޭވާއެކެވެ މިމޭވާގައި ކާން ބޭނުންކުރަނީ އެތެރޭގައި އޮންނަ އޮށްތަކުގެ ބޭރުގައި އޮންނަބައެވެ މިގިނައިން ބޭނުންކޮށް އުޅެނީ ފަނި ގިރުމަށެވެ
ކަޅުރާބޮނދި
ނ ރާބޮނދީގެ ބާވަތެއް މިރާބޮނދި ހުންނާނީ ކަޅުކުލައިގަ އެވެ
ކަޅުރުމާ
ނ ފަށުއިން ކޮޅުމައްޗާއި އަތްދުތް ލައިފައި ހުންނަ ކަޅުކުލައިގެ ބޮޑުތުނި ރުމާލެއް އިހުގައި މިރުމާ އާދަވެގެން ގިނައިން ގެންގުޅުނީ ކުޑަކުދިންގެ ގައިގައި ލެއްވުމަށެވެ
ކަޅުރޮނޑު
ނ ރޮނޑުގެ ބާވަތެއް މި މަހުގެ ކުލައަކީ ކަޅުކުލައެވެ މިބާވަތުގެ ބައެއް މަސްމަހުގައި ފެހިކުލައެކުވެފައި ހުންނަ ގަދަ ނޫކުލަވެސް ހުރެއެވެ މަޑުކޮތަރިބައިގެ ކައިރީގައި ހުދާއި ނޫކުލައިގެ ރޮނގުތަކެއް ހުރެއެވެ ނިގޫފަތުގެ ކައިރިފަށް ހުންނަނީ ވަށްކޮށް އެއްވަރަކަށް ކަނޑައިލައިފައި ހުންނަ ކަހަލަ ގޮތަކަށެވެ
ކަޅުބިލަމަސް
ނ (1) ކަނޑުމަހުގެ ބާވަތެއް. މިއީ ދޮށީގެ މަސްވެރިކަމުގައި ރާއްޖެއަށް އެންމެ ގިނައިން ބާނާމަހެވެ. މިމަހުގެ ބަނޑުދޮށުގައި މަހުގެ ދިގަށް ކަޅުކުލައިގެ ރޮނގުތަކެއް ހުރެއެވެ. މަހުގެ މަތީބައިގެ ކުލައަކީ ގަދަނޫކުލައެވެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ (2) ފަސްރޮނގުމަސް
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކަޅުކައްޅަ
ނ ޅަނދޮޅުކޮށް ހެދޭ ދުރުދުރުގައި ފަތް ހުންނަ ގަހެއް މިގަހުގެ ފަތް އެތުރިފައި ހުންނަނީ ގޮފީގެ ދެފަރާތުގައި އެއްފަތް އަނެއްފަތާ ދިމާވާގޮތަށެވެ މިއީ ބޯކޮށް ހުންނަ އާވިރަހަލާ ފަތެކެވެ ފަތުގައި ހުންނަނީ ގަދަ ފެހިކުލައެވެ މިގަހުގެ ގަސްގަނޑުގެ ކުލައަކީވެސް ގަދަފެހިކުލައެވެ މިއީ ވަރަށް ކިރު ގިނަ ގަހެކެވެ
ކަޅުކޫޑި
ނ ގަސްގަހަށް ޖެހޭ ބައްޔެއް މިބަލިޖެހުމުން ގަހުގެ ފަތްތަކާއި ގޮފިތަކުގައި ހުންނާނީ ކަޅު ތިއްތިއް ޖަހައިފައި ހުންނަ ގޮތަށް ކުދިކުދި ކޫޑިތަކެއް އަޅައިފައެވެ ގިނައިން މިބަލިޖެހެނީ ލުނބޯ ގަހަށެވެ
ކަޅުކޮތަރިރައިވެރިމަސް
ނ ރައިވެރިމަހުގެ ބާވަތެއް. މިމަހުގެ ކަރުތާފަތުގެ ކުރީބައިގެ ތރީގައި ވަރަށް ތޫނު ހަރުކައްޓެއް ހުރެއެވެ. މަހުގެ ތިރީތުން މަތީ ތުނބަށްވުރެ ދިގުވާނެއެވެ މަހުގެ ހުޅުނބުތަކުގެ މެދު ހުންނަނީ މަޑުރަތްކުލައެއްގައެވެ ބުރަކަށިމަތީގެ ކޮތަރިބައިގެ ހަރުކަށިތަކުގެ މަތީ ބަޔާއި ތިރީބައި ފިޔަވައި މުޅި ކޮތަރިބައި ހުންނަނީ ކަޅުކުލައިގައެވެ
ކަޅުއަލަ
ނ އަލައިގެ ބާވަތެއް މީގެ ތަނޑު ހުންނާނީ ކަޅު ދަނބުކުލައެއްގައެވެ މިއަލައިގެ ފަތުގައި ފެނެއް ނުހިފާނެއެވެ
ކަޅުއޮށަނި
ނ އޮށަނީގެ ބާވަތެއް މިގަހުގެ ފަތުގެ ތަނޑުތަކާއި ގަހުގެ ގޮފިތައް ހުންނަނީ ދަނބުކުލައިގެއެވެ
ކަޅުއޮށް
ނ ފަރުމަހުގެ ބާވަތެއް މިމަހުގެ ކުލައަކީ ކަޅުރަތްކުލައެވެ ބަޑުދަށް ފަރާތުގައި މިކުލަ ހުންނަނީ ވަރަށް ފަނޑުކޮށްނެވެ މަހުގެ ތުނބުން ފެށިގެން ލޯހުރަސްކޮށް ދެވަނަ ކޮތަރިބައި ނިމިފައިވާ ހިސާބަށް ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުން މަހުގެ ނަގޫކޮޅުގައި ކަޅުކުލައިގެ ލަފެއް ހުރެއެވެ މަހުގެ ތުނބުގައި ދެނަރުވާ ހުންނާނެއެވެ
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކަޅުމާދޫނި
ނ މާދޫނީގެ ވައްތަރެއް މިދޫނީގެ ކުލައަކީ މުށިކުލައެވެ
ކަޅުފާނަ
ނ ފާނައިގެ ބާވަތެއް މިމަހުގެ ބުރިކަށިމަތި ހުންނަނީ ކަޅުކުލައިގައެވެ މަހުގައި ހުރަހަށް ފުޅާ ރޮނގުތަކެއްހުރެއެވެ މަހުގެ ނިގޫފަތުގެ ކޮޅު ހުންނާނީ ވަށްކޮށެވެ
ކަޅުފޫރޮނޑު
ނ )މ ( ފަޅުތެރޭގައިއުޅޭ ކަޅުކުލައިގެ ރޮނޑެއް މިރޮނޑުގެ ނިގޫފަތާއި ކޮތަރިހުންނަނީ ރަތްކުލައެއްގައެވެ ކަނޑުގައިއުޅޭ މިބާވަތުގެ ރޮނޑު ހުންނަނީ މުޅިން ކަޅުކުލައިގައެވެ