radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ސައިލު
ނ (1) އޮހިގެން އަންނަ ފެންގަނޑު (2) ދެމިގެން އަންނަ ފެންގަނޑު
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސައިޕޯޓު
ނ (1) ކުރުއަލަމާރި ބުރިއެއް މީގެ މަތީގައި ތައްޓާއި ޖޯޑުފަދަ އެއްޗެހި ބަހައްޓައިގެން މޭޒެއްގެ ގޮތުގައި ބޭނުންކުރެވެއެވެ (2) ކަފޭރާ
ސައުދާގަރުވިޔަ
ނ ތިންމައިގަނޑުވިޔަ
ސައްބު
ނ (1) ހުދުކުލައިގެ މަޢުދަނީ ލޮނެއް މިއީ ބޭހަށް ބޭނުންކުރާ އެއްޗެކެވެ މީގައި ދޫތޮރުފާގޮތެއް ހުރެއެވެ މި ހުންނަނީ ގަނޑުގަނޑަށް ހަރުކޮށެވެ (2) މަޖާޒު: ތުނބުޅި މަތިމަސް ނުފަޅާ ފިރިހެނާ
ސައްބުލަނގިރި
ނ ފާޑުފާޑުގެ ހެއްވާ ހެދުންތަކެއް އަޅައިގެން ބެރުގެ ބަދަލުގައި ޓައްޕު ޖަހަމުން ލޮއްބޭގެ ލަވަކިޔަމުން ލަކުޑިން ލިޔެފައި އޮންނަ ކުރަޔަކުން އެސްފީނާޔަށް ފެންއަޅާގޮތަށް ދައްކަމުން ކުޅުނު ހެއްވާ ކުޅިވަރެއް މި ކުޅިވަރު ކުޅުނީ ގަލޮޅުގެ ބަޔެކެވެ
ސައްކަރަންޏާ ދޮރޯށި
ނ ގުޅަކުޅޭ ފަސްގަނޑުން އުތުރަށް ދާން ނުކުންނަ ދޮރޯށި މިދޮރޯށި ހުރީ ސިފައިންގެ ގޭގެ ހުޅަނގުން އިބްރާހީމީ މަގުގެ ދެކުނު ކޮޅުގައެވެ
ސައްކިރިއަޑާ
ނ )ގ ( ފަތްކޭލުގެ ކެޔޮގަނޑުގެ ބޯއްޓާއި އެންމެ ކައިރިއަށް ހުންނަ އެންމެ ވައް ކުދިއަރި
ސައްކެޔޮ
ނ ދޮންވުމުގެ ކުރިން ތަރުކާރީ އެއްގެގޮތުން ދޮންވީމާ މޭވާއެއްގެ ގޮތުން ބޭނުންކުރާ އެއްޗެއް މިހުންނަނީ ބަނބުކޭލާ ވައްތަރު ގޮތަކަށް އެއަށްވަރެ މާބޮޑެތި ކޮށެވެ މިއީ ގަހުގެ ދަނޑިގަނޑުންނާއި މުލުންވެސް ނުކުންނަ އެއްޗެކެވެ
ސައްދަރު
ނ )މަލިކު( ތަންމަތި ފަތުރާ އިރު ދަށުގައި އޮންނަ ފޮތިގަނޑު
ސައްލަން
ނ )ޅ ( ފުނޑި ސަޓަނި
ސަދަބު
ނ ގުޑުގުޑާގެ އަބުނައިގެ ކޮޅުގައި ތިމަރައިން ލިޔެ ފައި ޖަހައިފައި ހުންނަ އެއްޗެއް
ސަތަށި
ނ )މަލިކު( ބޮލަށްނަގާ ކުޑަ
ސަތަރަންޖީ
ނ މަޢުލޫދު ކިޔާއިރު މޭޒުމަތީގައި އަޅަން ގެންގުޅޭ ފޮތިގަނޑެއް
ސަތަރި
ނ (1) އެއްޗެހި ނުވަތަ ތަންތަން ހިޔާކުރުމަށް ބޭނުންކުރާ ފޮތިގަނޑެއް މިއީ ފެން ނުފާއްދާގޮތަށް ހަދައިފައި ހުންނަ އެއްޗެކެވެ (2) )މަލިކު( ބޮލަށް ނަގާކުޑަ
ސަތަރު
ނ ރާރާގުޑީގައި ވަކިގޮތަކަށް ހުންނަ ޚާއްޞަ ކުރެހުމެއް އެޅީމާ ކިޔާނަން
ސަލާންކުރުން
މ އަތްޖޯޑުކުރުން
ސަލާކުދަނޑި
ނ )ޅ ( މަތިދަނޑި މަތީގައި ބާއްވައިފައި އޮންނަ ދަނޑި
ސަލާމަތި
ނ (1) ނާ ފަހަރާއި އޮޑިފަހަރުގެ ނަގިލީގައި ޖަހާ ކެނބުގެ ބާވަތެއް. (2) ބައެއް ރަސްމީ ކަންކަމުގައި ޢިއްޒަތް ދިނުމުގެ ގޮތުން ބަޑިބެރު ފަށާއިރު ޖަހާލަވައެއް
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ