radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަގާނޭ ބަނދަރެއްގައި އޮޑިނާޅާށެވެ
(ހަރުބަހެއް) ތިމާޔާ އެކަށީގެންނުވާ ހިސާބެއްގައި އިށީނދެ ނޫޅުން ފަދަ ކަންކަމަށް ބުނާބަހެއް
ނަގާކިއުން
މ (1) އިސްވެކިއުން (2) ބަޔަކު މީހުންގެ ބަސްކިޔުން މިސާލު: ބަޔަކު މީހުން ލަވަކިޔާއިރު މައިގަނޑު ކިޔައިދީފައި އެހެން މީހުން މައިގަނޑު ކިޔާއިރު ކަޑި ކިޔަމުން ގެންދިއުން
ނަގިލިނެގުން
މ (1) ބަނދަރު ކުރުމަށްލައިފައި އޮންނަ ނަގިލިނެގުން (2) އިހުގައި ނާކޮޅު މީހުން ރާތިބު ކުރާއިރު އަންބާ ކިޔައިފައި ކުޅޭ ކުޅިވަރެއް
ނަގިލިލުން
މ (1) ފުރާދުއްވާ އެއްޗެހި ތަންތާ ހަރުކުރާން ނަގިލިވައްޓައިލުން (2) މަޖާޒު: ދެމީހަކު ހިތާވެގެން އުޅޭތީ އެކަން ފާޅުކުރުމަށްޓަކައި އެހެން ބަޔަކު ދޮން ވެލިން މަގުމަތީގައި ނަވެއް ކުރަހައި އެނަވުގެ ދެނަގިލި އެދެމީހުންގެ ދެގޭދޮށަށްލުން
ނަގުލުންބަޑިއެޅުން
މ (1) ކަނޑުގައި އުޅޭ ބޮޑެތި މަސްއަޑިޔަށް ދަމުން ނަގޫފަތުން ކަނޑުގައި ޖަހައި ލޮނުގަނޑު ވިއްސައިލުން (2) މަޖާޒު: ރުޅިއައިސްގެން ހުރެ ކުދި ކިޔަމުން ދިޔުން
ނަގުލުންލޮނުވިއްސި
ނ އަންހެނުން ލިބާސްލާ ފޭރާމުގެ ރޮނގު ހުންނަ ބާވަތަކަށް ކިޔާނަމެއް
ނަގޫކެނޑި
ނ (1) މަޑިޔާދާ މީހުން މަޑީގެ ނަގޫ ބުރިކޮށްލަން ގެންގުޅޭ ދިގުވަޅިއެއް މިއީ ވަރަށް ބަރު ވަޅިއެކެވެ (2) ނަގޫ ބުރިކޮށްފައި އޮތް ބުޅާ ކުއްތާފަދަ ތަކެތި (3) ނަގޫބަޅު
ނަގޫމިޔަރު
ނ )ސ ( ކަނޑިމިޔަރު
ނަގޫސޭސަރު
ނ ކަނޑުން އަރާކަމަށް ބުނެވޭ ޚިޔާލީފުރޭތައެއް. މިއީ ބޮޑު ނަގުލެއް އޮންނަ އަރައިގެން އަންނައިރު މަގުފުޅަފުގައި ނަގުލުންތަޅާ މުޅިހަށިގަނޑުގައި ރެދަންލފައި ހުންނަ ފުރޭތައެއްކަމަށް ބުނެވެއެވެ
ނަސަންދުރަ
ބދ ހިޔައު
ނަސަބުނާމާ
ނ ދަރިފަސްކޮޅު ލިޔެފާއޮންނަ ލިޔުން
ނަސީބަކީ ކަތީބަކުދޭ އެއްޗެއްނޫނެވެ.
(މުސްކުޅިބަހެއް) ނަސީބަކީ ވެރިޔަކު މެދުވެރި ނުވެވެސް ލިބޭއެއްޗެއްކަށް ދެއްކުމަށްޓަކައި ބުނެއުޅޭބަހެއް
ނަސުރުވެރި
ނއ ހެޔޮކަންތަކަށް މާތްﷲގެ ހަޟުރަތުން އެހީއާއި ވާގިލިބިފައިވާ
ނަސުރުވެރިކަން
ނއނ ހެޔޮކަންތަކަށް މާތްﷲގެ ޙަޞުރަތުން އެހީއާއިވާގި ލިބިފައިވާކަން
ނަސޭހަތް
ނ މީހަކަށް ހެޔޮމަގެއް ދެއްކުމަށްޓަކައި އޯގާވެރިކަމާއެކު އެމީހަކާ ދައްކާ ވާހަކަ
ނަސްރުގެ އާޔަތް
ނ "ނަޞްރު" މިލަފުޒު އަންނަބައެއް އާޔަތް ނަޞްރު ދެއްވުން އެދި ބައެއްމީހުން މިއާޔަތްތައް ކިޔަވައި އުޅެއެވެ
ނަސްލީއިމްތިޔާޒު
ނ (1) ޢާއިލާއަށް ބަހައްޓާ ޚާއްޞަގޮތް (2) ނަސްލު މަތިވެރިކުރާ ކުރުން (3) ދަރިކޮޅަށް މޮޅުގޮތް ހޯދައިދޭ ހޯދައިދިނުން (4) މަޖާޒު: އެންމެންނަށް ލިބެންޖެހޭ ހައްޤުތަކެއް ވަކިބަޔަކަށް ލިބޭގޮތަށް އޮންނަ އޮތުން
ނަޣަރާޖެހުން
މ )ސ ( ލަވަކިޔައި ކުޅި ސަމާސާކޮށް ބެރުޖެހުން
ނަޞޭޙަތްދިނުން
މ މީހަކަށް ހެޔޮމަގެއް ދެއްކުމަށްޓަކައި އޯގާވެރިކަމާއެކު އެމީހަކާ ވާހަކަދެއްކުން