radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ފަޅޯގަހުއިބިލީސް
ނ (1) މަދިރިއާ ވައްތަރު ނަމަވެސް އެ އަށްވުރެ ތަންކޮޅެއް ބޮޑު އެއްޗެއް މި އެންމެ ގިނައިން އުޅެނީ ފީވެ ހަލާކުވަމުންދާ ފަޅޯ ގަހުގެ ބުޑާއި ގަސްގަނޑު ފަދަ އެއްޗެހީގައެވެ (2) ފަޅޯގަހު މަދިރި
ފަކޫގަނޑަ
ނ )ސ ( އޮއި އެބުރިފައި ގޮށްރާޅު ހެދިފައި އޮންނަ ތަން
ފައިކުރި
ނ (1) ފައިގެ ތަންބާ ހަމަތަން (2) ފަޓުލޫނާއި ސޯޓު ފަދަ އެއްޗެހީގެ ތިރީކޮޅު
ފައިމަގުހިނގުން
މ ހިނގާފައި ތަންތަނަށް ދިޔުން
ފައިފަލަބަލި
ނ (1) މަދިރީގެ ސަބަބުން ޖެހޭ ބައްޔެއް (2) ފައިލޭރިޔާ މިބަލި އެންމެ ގިނައީ ދުނިޔޭގެ އެންމެ ހޫނު ގަދަ ތަންތާނގައެވެ މިބަލި ގިނައިން ޖެހެނީ ކަކުލު ހުޅުންތިރިއަށެވެ ބައެއް ފަހަރަށް ފިރިހެނުންގެ ކުރިމަތި ފަރާތަށާއި އަންހެނުންގެ އުރަމައްޗަށާއި އަތަށް މިބަލި ޖެހެއެވެ
ފައިލާކޮޅު
ނ (1) އެނދު އަށި ފަދަ ތަންތާގައި އޮށޯވެ ތިބޭއިރު އާދަވެގެން ފައި ބާއްވާކޮޅު (2) ފާލާ ކޮޅު
ފައު
ނއ (1) މޭވާފަދަ އެއްޗެހި ދޮންވެގެން ފައްކާވެގެންވާ މަޑު (2) ބަނބުކޭލާއި ކުއްޅަވައް ފަދަ އެއްޗެހި އެކި ގޮތްގޮތުން ކުރާމަޑު (3) ނ ކަނޑޫ ނުވަތަ ކުއްޅަވައް ހެދިފައި ހުންނަ ތަންތަން (4) ބޮނބި މަޑުކުރަން ބަހައްޓައިފައި ހުންނަތަން (5) އަށްހިޔަބޮލި (6) ފާ (7) )ބދ ( ހާސް
ފައްޅި
ނ މުސްލިމުން ނޫން މީހުން އަޅުކަން ކުރުމަށްޓަކައި ހަދައިފައި ހުންނަ ތަންތަން
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްލަވަ
ނ (1) އެތެރެއަށް އެއްޗެހި އެޅޭގޮތަށް ވަށައިގެން ބައްދައިފައި ހުންނަ ތަން (2) އެތެރެއަށް އެއްޗެހި އެޅޭ ގޮތަށް ރާނައިފައި ހުންނަ ތަން
ފައްޓާ
ނ (1) ނިޝާނެއްގެ ގޮތުން ތާކިހާ ފަދައެއްޗެހީގައި އަޅާފަށެއް. (2) ނިޝާނެއްގެ ގޮތުން ބާސްކީލިން އަޅާ ފުޅާ ފޮތިފަށެއް. (3) ދޮރުފަދަ ތަންތާނގައި ބަންދު ކުރުމަށް ކައްޗަށް އަޅައިފައި ހުންނަ ބަންދު (4) ފެށުން މިބަހުގެ އަމުރެއް
ފައްޓާއެޅުން
މ (1) ނިޝާނެއްގެ ގޮތުން ތާކިހާ ފަދަ އެއްޗެހީގައި ފަށެއް އެޅުން. (2) ނިޝާނެއްގެ ގޮތުން ބާސްކީލިން ފުޅާ ފޮތިފަށެއް އެޅުން. (3) ދޮރު ފަދަ ތަންތާނގައި ބަންދުކުރުމަށް ކައްޗަށް ބަންދެއް އެޅުން
ފަތައިގަތުން
މ (1) ފަތަން ފެށުން (2) މަޖާޒު: ކަމަކާ އުޅެގަތުން
ފަތުރު
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމަށް ކުރާ ދަތުރު
ފަތުރުވެރިޔާ
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމުގައި ޗުއްޓީހޭދަ ކުރާމީހާ
ފަތޮޅު
ނ ދެވަކަރު ގަނޑުގެ ދެކޮޅުޖެހޭ ތަން
ފަތްކޮޅުކުރުން
މ އެކިއެކި އެއްޗިއްސަށް މޮހޮރުޖެހީމާ ފޫ އަޅައިފައި އަނެއް ފަރާތަށް ނުކުންނަތަން ލަނބައި ތަޅައި އޮއްބުން
ފަތްވަޅު
ނ ގަސްގަހުގެ ފަތުގެ ތަނޑު ގަހުގައި ހަރުލައިފައި ހުންނަ ތަން
ފަތްފޮނުވުން
މ އިހުގައި ސަރުކާރުން އެކިއެކި މީހުންނަށާއި ތަންތަނަށް ފޮނުވާ ރަސްމީ ލިޔުން ފޮނުވުން
ފަލި
ނ ފުރާ ދުއްވާ އެއްޗެހި ކުރިޔަށް ފޮނުވުމަށްޓަކައި ފެނުގައި އެޅުވުމަށް ތަންޑެއްގައި ދުލެއް ހަރުކޮށްފައި އޮންނަ އެއްޗެއް