radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ފުށުންޖެހުން
މ (1) އެއްޗެއް މައްޗަށް އޮތް ފަރާތް ދަށަށް ވާނެހެން ހެދުން. (2) އެއްޗެއްގެ އެތެރެއަށް އޮތްފުށް ބޭރަށް ބަދަލުކޮށްލުން. (3) މަޖާޒު: ކަމެއް ރާވައިފައި އޮތްގޮތުގެ އިދިކޮޅަށް ބަދަލުކުރުން. (4) ބަހެއް ނުވަތަ ވާހަކައެއް ދިމާ އިދިކޮޅަށް ބުނުން
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ފުށްމުގުރުން
މ ގޮވާމުގެ އޮށްޓަރު މުގުރައި ފުށަށް ހެދުން
ފުށްފަތި
ނ ރުކުފަނުގެ އޮށީގެ ހިލަފައްޗާއި ބަނޑުފައްޗާއި ދޭތެރޭ މެދުން ނަގާފަތި
ފުށްދީފައިދިއުން
މ (1) ކޮކާ އަތުގައި ޖެހުމާއިއެކު ނުހިފިދިއުން އޭރުހުންނާނީ ކޮކާލުގެ ފުށް އަތުގައި ހޭކިފައެވެ (2) މަޖާޒު: ޝަހްވާނީ އެދުމުގައި އަންހެނަކާ ބައްދަލުވާ އިރަށް ފިރިހެން މީހާގެ އެދުން ފުދުމުން ފިރިހެން މީހާ ދާދިއުމަށް ބުނެއުޅޭ ބަހެއް
ފުރަސުއްދަ
ނ )ބދ ( ކީރިތި މަހާރަދުންގެ އަމުރުފުޅު
ފުރާޅުބަނުން
މ (1) ފަންލާން ފުރާޅުހެދުން )ގެތުން( (2) މަޖާޒު: ކުޅިޖަހާއިރު ހަލާދަނޑިން ފުރާޅެއްގެ ގޮތްދެއްކުން
ފުރާޅުލުން
ނ ފުރާޅުހެދުން
ފުރިހަމަކުރުން
މ (1) އެއްވެސް ކަހަލަ އުނިކަމެއް ނުހުންނާނޭ ގޮތްހެދުން (2) ހުރިހާ ގޮތަކުން ރަނގަޅުކުރުން (3) ފައްކާކުރުން (4) ކަމެއް މުޅިން ނިންމުން (5) ހުރިހާ ކަމެއް ފުދޭނޭގޮތް ހެދުން (6) އެއްޗެއް ނުވަތަ ކަމެއް ދާންވީ އެންމެ ރަނގަޅު ހިސާބަކަށް ގެންދިއުން
ފުރިހަމަވުން
މ (1) އެއްވެސް އުނިކަމެއް އައިބެއް ނެތުން (2) އެދޭ އެދުމެއް ފުދުން (3) ހުރިހާކަމެއް ހަމަވުން (4) ކާމިޔާބުވުން (5) ރަނގަޅުވުން (6) ކަމެއް ކުރަންވީ އެންމެ ރަނގަޅުގޮތަށް އެކަމެއް ކޮށް ނިމުން
ފުރެދުން
މ މަގުފުރެދުން
ފުޅިހެދުން
މަޖާޒު: ބުއްފުޅިހެދުން މިއީ ކުޑަކުދިންނަށް ބުއްފުޅި ތައްޔާރު ކުރުމަށް ކިޔާގޮތެވެ
ފުޅިގިރުން
މ ކުދިންނަށް ބުއްފުޅި ހެދުން
ފުކުރިގެންހޯދުން
މ )ސ ( ގަދަ މަސައްކަތުން މުދާ ނުވަތަ ފައިސާ ހޯދުން
ފުއްކެނޑުން
މ އެއްޗެއްގައި ވަކިގޮތަކަށް ތުނޑުބަރިއެއް ހެދުން
ފުއްއެނބުރުން
މ ކީސްތޫނުކޮށްފައި ކީހުގެ ތުނޑުތައް ދެތުނޑު ދެފަރާތަށް ހުންނާނެ ގޮތް ހެދުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުއްދުން
މ (1) ލިބޭ އެއްޗަކުން ހަމަ ޖެއްސުން (2) ކަމުދުއްވުން (3) ކޮށްދޭން ނުވަތަ ކުރެން ބުނާކަމެއް އެގޮތަށް ކުރުން މިސާލު: ވަޢުދު ނުވަތަ ނަދުރު ފުއްދުން
ފުއްޕާހެދުން
ނ ކުޅިޖަހާއިރު ލާންބޭނުންކުރާ ހެދުން
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން