radheef.info
ރަދީފު


ފަދަ
އ (1) ކަހަލަ (2) ގޮތް
ފަކީރުކުދިން
މ (1) އަތްމަތި ތަނަވަސް ނޫން މީހުންގެ ދަރިން. (2) މައިންބަފައިން މަރުވެފައިވާ ނުވަތަ އެފަދަ ފަރާތެއްގެ އެހީން މަޙުރޫމް ވެފައިވާ ކުޑަކުދިން (3) ޔަތީމު މިސްކީނު ކުދިން (4) ނިކަމެތި ކުދިން
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިބަރުގުލާސް
ނ (1) ލޯންޗް ފަހަރާއި ބޮޑެތި ތާނގީ ފަދަ އެއްޗެހި ހެދުމަށް ބޭނުންކުރާ ޕްލާސްޓިކް ފަދަ އެއްޗެއް (2) ފައިބަރު ގުލާސް ތެރަސް މިއީ ފައިބަރުން ހަދައިފައި ހުންނަ ތަކެތި މަޑުކުރުމަށް ބޭނުން ކުރާ އެއްޗެކެވެ
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފައިކުރި
ނ (1) ފައިގެ ތަންބާ ހަމަތަން (2) ފަޓުލޫނާއި ސޯޓު ފަދަ އެއްޗެހީގެ ތިރީކޮޅު
ފައިކުރިއެރުވުން
މ ހަރުވާޅު ފަޓްޅޫނު ފަދަ އެއްޗެހީގެ ފައިކުރި މައްޗަށް ޖައްސައިލުން
ފައިކޭޓު
ނ ފަޓްލޫނާއި ހަރުވާޅު ފަދަ ތަކެތީގެ ދެއަރިމަތީގައި ހުންނަ ޖީބު
ފައިވާން
ނ ހިނގައި އުޅުމަށްޓަކައި ފަޔަށް ލެއްވުމަށް ހަން ރަބަރު ފޮތި ޕްލާސްޓިކް ފަދަ ތަކެތިން ހަދައިފައި ހުންނަ އެއްޗެއް
ފައިދޮށުފުރޭތަ
ނ ބަޑިބޭސް އަޅައިގެން ތައްޔާރު ކޮށްފައި ހުންނަ މައްޗަށް ނާރާ ހަވާގެ ބާވަތެއް މި ބޭނުން ކުރަނީ ހިތި ވިލޭރޭ ފަދަ ރޭރޭ ކުޅިވަރު ކުޅުމުގެ ތެރޭގައެވެ މި ރޯކޮށްލުމުން ބިންމަތީގައި ގުދުގުދު ލައްވަމުން ދާ ދިޔުމުގައި ކުޅި ބަލަން ތިބޭ މީހުންގެ ފައިދޮށަށް ވަންނާތީ އެނަން ކިޔަނީއެވެ
ފައިދޮށް
ނ (1) ގެއެއް ފަދަ ތަނެއްގެ ފުރާޅު ހިފެހެއްޓުމަށް ފުރާޅުގެ ދަށުން އެއްކޮޅު ވަހުގައި ހަރުކޮށް އަނެއް ކޮޅު ފަތްފޮށި ވަކަރާއި ގުޅައިފައި ހުންނަ ވަކަރު (2) މީހާގެ ފައިގެ ކައިރި
ފައިލާކޮޅު
ނ (1) އެނދު އަށި ފަދަ ތަންތާގައި އޮށޯވެ ތިބޭއިރު އާދަވެގެން ފައި ބާއްވާކޮޅު (2) ފާލާ ކޮޅު
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި
ފައިލުކުރުން
މ ސިޓީއާއި މެސެޖްފަދަ ލިޔެ ކިޔުމުގެ ސާމާނު ނުވަތަ ނޫސް ފަދަ ތަކެތި ބޭނުންވުމުން ފަސޭހައިން ފެންނާނެ ގޮތަކަށް އަތުރައި އެ ކައްޗެއްގައި ބެހެއްޓުން
ފައިޖެހުން
މ (1) ފަރުނީޗަރު ފަދަ ތަކެތީގެ ފައި ހަރުކުރުން (2) ފައިނެތް އާދަމުގެ ދަރިއެއްގެ ފައިގެ ބަދަލުގައި ހަދައިފައިވާ ފައެއް ހަރުކުރުން (3) އިސްކޮޅުކެއުން (4) ފައި ފޯރުން (5) ބިންމަތީގައި ބާރަށް ފައިންޖެހުން
ފައިޞަލާކުރުން
މ މަސްއަލައެއް ނުވަތަ ޤަޟިއްޔާއެއް ފަދަކަމެއް ނިންމުން
ފައު
ނއ (1) މޭވާފަދަ އެއްޗެހި ދޮންވެގެން ފައްކާވެގެންވާ މަޑު (2) ބަނބުކޭލާއި ކުއްޅަވައް ފަދަ އެއްޗެހި އެކި ގޮތްގޮތުން ކުރާމަޑު (3) ނ ކަނޑޫ ނުވަތަ ކުއްޅަވައް ހެދިފައި ހުންނަ ތަންތަން (4) ބޮނބި މަޑުކުރަން ބަހައްޓައިފައި ހުންނަތަން (5) އަށްހިޔަބޮލި (6) ފާ (7) )ބދ ( ހާސް
ފައްކާވުން
މ މޭވާފަދަ އެއްޗެހި ދޮންވެ ފުރިހަމަވުން
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްޓަރު
ނ އުނަގަނޑުގައި ނުވަތަ ކަރުގައި އަޅަން ރަންރިހި ފަދަ މަޢުދަނީ އެއްޗަކުން ފަށް ގަތައިގެން ހަދައިފައިވާ އެއްޗެއް
ފައްޓާ
ނ (1) ނިޝާނެއްގެ ގޮތުން ތާކިހާ ފަދައެއްޗެހީގައި އަޅާފަށެއް. (2) ނިޝާނެއްގެ ގޮތުން ބާސްކީލިން އަޅާ ފުޅާ ފޮތިފަށެއް. (3) ދޮރުފަދަ ތަންތާނގައި ބަންދު ކުރުމަށް ކައްޗަށް އަޅައިފައި ހުންނަ ބަންދު (4) ފެށުން މިބަހުގެ އަމުރެއް