radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ބޮލުފޭލި
ނ އަންނަ ފޭއްޔާ އެއްވައްތަރަށް އެއަށްވުރެ ކުދިކޮށް ހަނިކޮށް ބޮލުގައި އަޅަން ވިޔެފައި ހުންނަ ފޭލި މީގެ ތެރެއިން ފިރިހެނުން ބޮލުގައި އަޅާފޭލީގެ މެދު ހުންނަނީ ރަތްކޮށެވެ އަންހެނުން އަޅާފޭލީގެ މެދު ހުންނަނީ ކަޅު ކޮށެވެ މިއީ ރަސްމީގޮތުން އަޅައި އުޅުނު އެއްޗެކެވެ
ބޮސް
ނ (1) މާތްކޮށް ހިތުމުގެ ގޮތުން އެއްޗެއްގައި ނިތްޖައްސާ ޖެއްސުން. ނުވަތަ އެއްޗެއްގައި އަތްލައިފައި ނިތުގައި އަތް ޖައްސާ ޖެއްސުން. (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުންފަތުން ދަމާލާ ދަމާލުން (3) ދޮންދޭދިނުން
ބޮސްދިނުން
މ (1) މާތްކޮށް ހިތުމުގެ ގޮތުން އެއްޗެއްގައި ނިއްޖެއްސުން ނުވަތަ އެއްޗެއްގައި އަތްލައިފައި ނިތުގައި އަތްޖެއްސުން (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުން ފަތުން ދަމާލުން (3) ދޮންދިނުން
ބޮޑައި
ނ ކުރިކީލަ މަހުގެ ބާވަތެއް މިއީ މޫދުގެ ތިލަ ހިސާބުގައި )ހުދުފަޅުމަތީ( އުޅޭ މަހެކެވެ އާންމުކޮށް މިމަސް ތިބެނީ ގާދަށުގައެވެ މިމަސް ދުވެ ހަދަނީ ފަސްގަނޑާއި ވަރަށް ކައިރިން ނަގޫފަތްޖެހޭ ހިސާބުންނެވެ މަހުގެ ކުލައަކީ ކަޅު އަޅި ކުލައެވެ ކުރިކީލަ މަހަށްވުރެ މިމަހުގެ ބޯ ބޮޑުވާނެއެވެ
ބޮޑަދެއްކުން
މ (1) ދެކޮޅުވެރިކަމަކާ ނުލައި ދެރަނުވާންވެގެން ގޮތް ދޫނުކޮށް އުޅުން. (2) ކަމެއް ކުރާހިތުން ހުރެ ގޮތްދޫނުކުރުމުގެ ގޮތުން އެކަމެއް ނުކުރާން ބުނުން. (3) ބޭނުންވުމާއެކުވެސް ބޭނުންނުވާގޮތް ދެއްކުން. (4) ގާތްމީހަކު ލައްވައި ތިމާ ބޭނުންކަމެއް ކުރުވުމަށްޓަކައި ނުކިޔަމަންތެރިކަމެއް ނުވަތަ ނުރުހުމެއް ދެއްކުން
ބޮޑުހުންގާނަށްހެދުން
މ މަޖާޒު: ފައްސިޔަ ކޮށްލުން
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުރާޅުފަށް
ނ އައްޑަނައިގެ ކައިރީގައި މާފަލަކޮށް އަޅާ ރާޅުފަށް މިއީ ކޮށީގެ އެންމެ ދަށްމީހުންގެ އައްޑަނައިގައި އޮފުކަރުދާހުން އަޅައި ކުރެހުމެކެވެ
ބޮޑުރޯނު
ނ މާފަލަކޮށް ވަށައިފައި ހުންނަ ކިފުޅިރޯނު މިއީ އިހުގައި ގެންގުޅުނު އެއްޗެކެވެ
ބޮޑުރޯގާ
ނ 1341ހ ވަނަ އަހަރު، 1922މ ވަނަ އަހަރު، މާލޭގައި ޢާއްމުކޮށް ފެތުރުނު އިންފުލުންޒާއާއި ނިއުމޯނިޔާ ބަލި
ބޮޑުބިސްކޯދު
ނ (1) ކެބިން ބިސްކޯދު (2) ދޫނިޖެހި ބިސްކޫދު މިއީ ގާތްގަނޑަކަށް 3 ސޫތުހާ ބޯމިނުގައި ފަރާތެއްގައި 3 އިންޗި ހުންނަވަރުގެ ހަތަރެސްކަނަށާއި ވައްކޮށް ހުންނަ ބިސްކޯދެކެވެ މިހުންނަނީ ކުޑަވަރެއްގެ ޑަބިޔާއެއްގައެވެ ފަހަކަށް އައިސް ފާރޮށިގޭގޭގައިވެސް މިބިސްކޯދު ހަދައި އުޅުނެވެ
ބޮޑުބުރަކި
ނ އެމުގެ ތެރޭގައި އުޅޭ ބޮޑެތި ބުރަކި މިހުންނަނީ ބޯވައްކޮށް ކަޅުކޮށް ފަތިކޮށެވެ
ބޮޑުބުރުގާ
ނ މޫނާދިމާގައި ދޯހަޅި ފޮތިކޮޅެއް ހަރުކޮށްފައި އޮންނަ މުޅިމީހާ ނިވާވާވަރުގެ ބޮޑުދޮޅިއެއް
ބޮޑުބޮލި
ނ (1) އިހުގައި ދައުލަތުން ހަނގުބޭކަލުންނަށް މުސާރައަށް އަހަރަކު އެއްފަހަރު ބައްސަވާ ބޮލި މިބަހަނީ ކޮއްޓެކޮއްޓޭންނެވެ މިބޮލި ހުންނަނީ ގުޅަކުޅޭ ފަސްގަނޑުގައި ވަޅުލައިފައެވެ (2) ބޮޑެތިކޮށް ހުންނަ ބޮލި
ބޮޑުކަނޑޫ
ނ (1) ކަނޑުލުގެ ވައް ފަލަ ބާވަތް (2) ފަލަކޮށް ހުންނަ ކަނޑޫމުޑި
ބޮޑުކަފަ
ނ ކަފަގަހުގެ ބާވަތެއް މިގަހުގެ ފަތް ހުންނާނީ ވަރުކަނދު ގަހުގެ ފަތްހެންނެވެ މިއީ ވަރަށް ބިޔަކޮށް ހެދޭ ގަހެކެވެ
ބޮޑުކާށި
ނ (1) ބާގަޔަކަށްވުރެ ބޮޑެތިކާށި (2) މާލިއްޔާއަށް ކާށިން ވަރުވާ ބަލައިގަތް ދުވަސްވަރު ބައިލާއްސަށްވުރެ ބޮޑެތިކޮށް ހުންނަ ކާށި
ބޮޑުކިބާދާރީ
އިހުގައި ބޯވަޅު އެޅި ލިބާސްލައި އުޅުނު އޮފުގަދަ ފޮއްޗެއް. މިއީ ފަށުތްވާއި ސުތުލިން ވިޔެފައި ހުންނަ ރޮނގުދެމި ފޮއްޗެކެވެ. ރޮނގުބައި ހުންނާނީ ފުޅާކޮށެވެ. ރޮނގުބައި އެކުލެވިފައި ހުންނަނީ ދޮން ކުލަޔާއި ފެހިކުލަޔާއި ނޫކުލައިންނެވެ. ޢާއްމުކޮށް ހުންނަނީ މީގެ ފެހި ފޮއްޗާއި ރަތް ފޮއްޗެވެ
ބޮޑުކެކުރި
ނ (1) ކެކުރީގެ ބާވަތެއް މިހުންނާނީ ފޯލިކޮށް ތޮރާހެން އެއަށްވުރެ ފަލަކޮށެވެ (2) ބޯވަޅުއެޅި ލިބާސް ކަނޑާ ފޮއްޗެއްގެ ނަން
ބޮޑުކެޔޮ
ނ ފަތްކޭލުގެ ބާވަތެއް މިއީ ދިގުކޮށް ސީދާކޮށް ވައްތައް ހުންނަ ފޮނިރަހަ މަޑުކޭލެކެވެ ވަކުގެ ތޮށިގަނޑު ހުންނާނީ އަރިއަރިއަށެވެ