radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ދޯނިނެގުން
މ (1) އަޅައިފައިހުންނަ ދޯނިފަހަރު އޮންނަތަން ނޫން އެހެން ތަނަކަށް ގެންދިއުން (2) އަރިކޮށްފައި އޮންނަ ދޯންޏެއް ތެދުކުރުން
ތަށިސެޓު
ނ (1) އެއްގޮތަކަށް ހުންނަ 21 ތަށި (2) އެއްކަމަކަށް ޚާއްޞަ ކޮށްފައި ހުންނަތަށިތައް މިހުންނާނީ އެއްކުލައެއްގައި އެއްކަހަލަކުރެހުން އަޅައިފައެވެ
ތަންމަތިބަނުން
މ (1) ދަތުރަށްދާމީހާގެ ތަންމަތި އޮޅައިލައި އައްސައިލުން (2) މަޖާޒު: އުޅޭ ތަންނޫން އެހެން ތަނަކަށް ދާން ތައްޔާރުވުން
ތަންމަތިބޮނޑި
ނ ނިދަން ބޭނުންކުރާ ބާލީހާއި ކުނާފަދަ ތަކެތި އެއްކޮށް އޮޅައި ބަނދެފައިވާ ބޮނޑި
ތަންޑިޔާބަނުން
މ ބޮޑެތި އުޅަނދު ފަހަރު އެހެލައި ބޭލުމުގައި އުޅަނދު ފަރާތަކަށް ވެއްޓުނަ ނުދިނުމަށް ދެފަރާތުގައި ހިފަހައްޓަން ވަކަރު އަޅައިގެން ފުރޭމެއް ހެދުން
ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ތަރައްޕަން
ނ އުޅަނދު ބާލާއިރު މޫދަށްލާ ކަނދުތައް މިކަނދުތައް ހުންނާނީ ވަކިވަކިވެގެން ނުދާގޮތަށް ދެކޮޅުގައި ވަކަރު އަޅައި ބަނދެފައެވެ
ތަރަފާލު
ނ (1) ހާމަތަންތަނުގައި ހުންނަ އެއްޗެހިނިވާ ކުރުމަށް ފެންނުފޭދޭ ގޮތަށް ބޯފޮއްޗަކުން ހަދައިފައި ހުންނައެއްޗެއް (2) ތަޅުމުގައި އެޅުމަށްޓަކައި އެކިޑިޒައިނުގެ ކުރެހުން އަޅައިގެން ހަދައިފައި ހުންނައެއްޗެއް މިއީލިނޮކްސިން ކިޔާ އެއްޗަކުން ހަދައިފައި ހުންނަފެންނުފޭދޭ ކަހަލައެއްޗެކެވެ މިހުންނަނީ ފަތުރާލެވޭގޮތަށް ރޯލުރޯލަށެވެ (3) ރަބަރުފޮތި
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަބުލާ
ނ މިޔުޒިކުކުޅޭއިރު ބެރުޖަހާގޮތަށް ޖަހަން ގެންގުޅޭ އެއްޗެއް މިޖަހާއިރު ގެންގުޅެނީ މީގެދޭއްޗެވެ މިހުންނަނީ ބޮޑު އުނބެއްގެ ސިފައިގައެވެ މަތީގައި ހަންއަޅައިފައެވެ ތަބުލާޖޯޑުގެ ދޭތީގެ ސިފަ ތަފާތެވެ
ތަޅައިމެރުން
މ ތަޅައި އަނިޔާކުރުން
ތަޅުން
ނ ބިންގަނޑު ތަޅައި އެއްވަރު ކުރުމަށްފަހު ސިމެންތި ނުވަތަ އުވައަޅައިގެން އޮމާންކޮށް ހަރުކޮށްފައިވާތަން
ތަޅުންއެޅުން
މ (1) ބިންގަނޑު ތަޅައި އެއްވަރުކޮށްފައި ގަށައިފައިވާ ސިމެންތި ނުވަތަ އުވައަޅައިގެން މަތިއޮމާންކޮށް ތަޅުމެއް ހެދުން (2) ތަޅުންގަނޑު ހެދުން
ތަޅުމަޅުގަނޑު
ނ ކޮށާރުފަދަ ތަންތާގެ ދޮރުގައި އަޅައިފައިވާ މަޅުތަކުގެ ތެރެއިން އެމަޅުގަނޑެއް ނެގުމުން ފަހުން އަޅާ މަޅުގަނޑު ނެގޭގޮތަށް ހަދައިފައި ހުންނަ މަޅުގަނޑު މި ހަދައިފައި ހުންނަނީ އެލުވާތަޅެއް ހަރުކުރެވޭގޮތަށެވެ
ތަކަފިރޯށި
ނ ރޮދިއޮޅައިފައި އޮންނަފިރޯށި
ތައު
ނ މަސްދޯނިފަހަރުގެ ކުނބުންފެށިގެން ދިރުނބާކޮޅުގައި ހަފޮޅުގެ ތިރީކައިރިޔާ ހަމައަށް އަޅައިފައިވާ ހުރަސްތަކުގެމަތިން ދިގަށް އަޅައިފައި އޮންނަދެފަތް
ތައްކަށި
ނ ތައްޖަހަން ގެންގުޅޭ އެއްޗެއް މިއީ މުށްގަނޑެއްލައި ފިލިއަޅައިފައި އޮންނަ ދަގަނޑު ހޮޅިބުރިއެކެވެ
ތައްގަނޑަށްޖެހުން
މ އުޅާބައިގެ ފިތްތައް ފަދަ އެއްޗެހި ފުއްވުމަށް ތައްޔާރުކޮށްފައި އޮންނަ ތައްގަނޑަށް ރަންރިހިފަދަތަކެތި ތަޅައި ތުނިކޮށްފައި ޖެހުން
ތައްޓު
ނ ފުރާދުއްވާ އުޅަނދުފަހަރުގެ ވަތްތަކުގެ މަތީގައި އަޅައިފައި އޮންނަ ފަނގިފިލާ
ތައްޓުމަތި
ނ ފުރާދުއްވާ އުޅަނދުފަހަރުގެ ވަތްތަކުގެ މަތީގައި އަޅައިފައި އޮންނަ ފަންގިފިލާމަތި