radheef.info
ރަދީފު


ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ސޮހޮލު
ނ (1) ކަންތައް ނުދަންނަމީހާ (2) ތާކުންތާކު ނުޖެހޭ މީހާ (3) ދޯދިޔާމީހާ
ސޮހޮލުކަން
ނއނ (1) ކަންތައް ނުދަންނަކަން (2) ތާކުންތާކު ނުޖެހޭ ކަން (3) ދޯދިޔާކަން
ޑިއުޓީ
ނ (1) އަދާކުރަންޖެހޭ ވަޒީފާ (2) އެތެރެކުރާ މުދަލާއި ބޭރު ކުރާ މުދަލުގެ އަގުގެ ނިސްބަތުން ސަރުކާރަށް ނަގާބައި
ޑިޓެކުޓިވު ވާހަކަ
ނ (1) ސިއްރު މަޢުލޫމާތު އެއްކުރުމާއި އެފަދަ މަޢުލޫމާތުގެ އަލީގައި ކުށްކުރާ މީހުން އަތުލުމުގެ މަސައްކަތާ ބެހޭ ވާހަކަ (2) ޖާސޫސީ ވާހަކަ
ޑިޕްލޮމެޓިކު
ނއ ބައިނަލް އަޤްވާމީ ގުޅުންތަކާ ބެހޭ
ޑިޕްލޮމޭޓު
ނ (1) ބައިނަލް އަޤްވާމީ ގުޅުންތަކާ ބެހޭ މަސައްކަތުގައި އުޅޭ މީހާ. (2) ބޭރު ޤައުމަކަށް ނުވަތަ ބޭރު ޤައުމަކުން ހުށަހަޅައިފައިވާ ސަފީރު (3) ޑިޕްލޮމެޓިކް އިމްތިޔާޒު ލިބިފައިވާ މީހާ
ޑެމަރޭޖް
ނ ބޯޓަކުން ބާލާމުދާ ކަސްޓަމުގެ ސަރަހައްދުން ބޭރަށް ނުގެންގޮސް ވަކި މުއްދަތެއް ފާއިތުވުމުން އިތުރަށް ހުންނަ ދުވަސް ތަކަށް މުދަލުގެ ވެރިފަރާތުން ދޭންޖެހޭ ޖޫރިމަނާ
ޒަކާތްދިނުން
މ ޒަކާތަށްވާބައި ކަމާބެހޭ ފަރާތަށް ރައްދުކުރުން
ޒައްރާ
ނ (1) އެއްޗަކުން ވަކިކުރެވޭނެ އެންމެ ކުޑަ މިންވަރު (2) ވައިގެ ތެރޭގައި އުދުހޭ ކުދިކުދި އެތިއެތިކޮޅު (3) އެޓޮމް
ޒާތާބެހުން
މ މަޖާޒު: އެހެން މީހެއްގެ އަމިއްލަ ކަންތަކާމެދު އެމީހާ ނުރުހޭ ގޮތަށް ވާހަކަ ދެއްކުން
ޒިންމާ
ނ (1) އުފުލަންޖެހޭ މަސްއޫލިއްޔަތު (2) އަދާކުރަންޖެހޭވާޖިބު (3) ކަމެއް ބޮލުގައި އަޅާއެޅުން (4) ޙަވާލުވާ އަމާނަތް
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި
ޓައްޕު
ނ ތާނގީއެއްހެން ވަށްބުރަށް ޓިނުންހަދައި މަތިޖެހޭގޮތަށް ހުންނަ އެކި ވަރުވަރުގެ އެއްޗެހި
ޓަފުފުޅި
ނ (1) ފަނަރަ ސިކުންތަށް ހަދައިފައި ހުންނަ ވަގުތުފުޅި މިއީ ދެކޮޅަށް ފަލަކޮށް މެދަށް ހިމަކޮށް ދެކޮޅަށްވެސް ހިމުން ހިލަވެލި އޮހޭގޮތަށް ހަދައިފައިވާ އެއްޗެކެވެ (2) ޓަފުނަނު ދޫކުރާއިރު ވަގުތު ބަލާއެއްޗެއް
ޓިޕުސް
ނ ލިބޭ ޚިދުމަތަށް ދޭންޖެހޭ ފައިސާގެއިތުރަށް އެޚިދުމަތެއް ލިބުމުގައި މެދުވެރިވި ފަރާތަކަށް ހިތްހެޔޮކަމާއެކު ދޭ ފައިސާގެ މިންވަރެއް
ޓިޕުސްދިނުން
މ ލިބޭ ޚިދުމަތަކަށް ދޭންޖެހޭ ފައިސާގެ އިތުރަށް އެޚިދުމަތެއް ލިބުމުގައި މެދުވެރިވި ފަރާތަކަށް ހިތްހެޔޮކަމާއެކު ދޭ ފައިސާގެ މިންވަރެއް ދިނުން
ޓެކްނޮލޮޖީ
ނ (1) މަސައްކަތްތެރިކަމުގެ ފަންނުތަކާ ބެހޭ ޢިލްމު (2) މަސައްކަތްތެރިކަން ކުރިއެރުވުމާބެހޭ ގޮތުން ކުރެވޭ ދިރާސާ
ޓެލެކޮމިއުނިކޭޝަން
ނ (1) ކޭބަލާއި ރޭޑިއޯމެސެޖާއި ތެލިފޯނާއި ތެލެ ގްރާފާއި ޓެލެވިޒަނާއި ރޭޑިއޯފަދަ ވަސީލަތްތައް ބޭނުންކޮށްގެން ދުރުތިބީންނާ ކުރާ މުވާޞަލާތު (2) އެފަދަ މުވާޞަލާތާބެހޭ ޢިލްމު
ޓޭޕުރެކޯޑަރު
ނ ދަގަތްފާނުގެ ބާރު އެކުލެވިފައިވާ ފީތާއަކަށް އަޑުރެކޯޑު ކުރެވޭ ގޮތަށް ހަދައިފައި ހުންނަ އާލަތެއް މިއިން އަޑު އެހޭނެއެވެ
ޕަރުވާނާ
ނ ބައްތިޔާއި ހޮޅިބުރި ފަދައެއްޗެހީގެ އައްޔަށް ރޭގަނޑު އަންނަ ކުދި ކުދި އުދުހޭ އެއްޗެހި