radheef.info
ރަދީފު


ހައި
ނ (1) ކުނާވިޔަން ގެންގުޅޭހުއި (2) ވިޔުނު އެތިގަނޑުގެ ކޮޅުން ކަނޑާލާ އުއިގަނޑުގެ އުއި (3) ބަނޑު ހުސްވުމުގެ އުނދަގޫ (4) ނއ އަޑި (5) ހިނދި (6) ވަރުލައި މިސާލު: )ހ( މީހާގެ ހައިވެލާ ތަންކޮޅެއް ނެތެވެ )ށ( މިދޯނީގައި ހައިވެލާ ތަންކޮޅެއް ނެތެވެ )ނ( މިއީ ހައިނުކޮށް ރާޅުމުގުރާ ތަނެކެވެ އތ (7) މިންވަރު މިސާލު: ނާޅިއެއްހާ ހަނޑޫ (8) ކޮންމެ މިސާލު: ނެތްހައި އެއްޗެއް ހޯދަން އުޅެއެވެ
ގުޅިބޭނުން
މ (1) ބޮޑެތި ގަސްގަހުގެ ގަސްކަނދާއި ރުއްރުއް ކަނޑާއިރު ވާ ޖަހައިގެން ބުރިބުރިޔަށް ތިރިކުރުން (2) ރުއްކަނޑާއިރު ފަހަރަކު ގުޅިޔެއް ކުރުކޮށް ބުރިކޮށްފައި ވެއްޓުން
ގުޅުއްސުން
މ ރޮދި ނުވަތަ ނަނުފަދަ އެއްޗެއް އެއްބައި އަނެއްބަޔާ ގޮށްޖަހައި ގުޅުވުން
ގުއިދާލި
ނ ހައިވަކަރުހެން ހުންނަ ލަކުޑީގެ ބާވަތެއް މިއީ ގައިގައި ވެށުމަށްހަދާ ބޭހަށާއި ދުންއެޅުމަށް ބޭނުންކުރާ އެއްޗެކެވެ
ގުއްރާސް
ނ ފޮތްހަދާއިރު މެދުން ފަށްޖަހައިފައި އޮންނަ ގަނޑެއް ނުވަތަ އެއްކޮށް އޮންނަ ހަތަރު ޞަފްޙާ
ގުޑައިނުލުން
މ (1) އިންތަނަކުން ނުވަތަ ހުރި ތަނަކުން ދުރަށް ނުދިއުން (2) ތަނަކަށް ޖަހައިފައި ހުރި އެއްޗެއް ނެގޭ ގޮތްނުވުން (3) ހަލައިނުލުން މަޖާޒު: (4) ހުރިގޮތުގައި ހިފެހެއްޓުން (5) އުޞޫލު ދޫނުކުރުން
ގުޖަޑު
ނ (1) ގަޑުބަޑު (2) ހަމަނުޖެހުން (3) ހައިޖާނު
ގުޖަޑުހިލުން
މ (1) ގަޑުބަޑުއުފެދުން (2) ހަމަނުޖެހުންތައް ފެށުން (3) ހައިޖާނުވުން
ގުޖަޑުހެދުން
މ (1) ގަޑުބަޑު އުފެއްދުން (2) ހަމަނުޖެހުން އުފެއްދުން (3) ހައިޖާނު އުފެއްދުން
ގުޖަޑުއުފެއްދުން
މ (1) ގަޑުބަޑު އުފެއްދުން (2) ހަމަނުޖެހުން އުފެއްދުން (3) ހައިޖާނު އުފެއްދުން
ގުޖަޑުގަނޑު
ނ (1) ހަމަނުޖެހުން ގަނޑު (2) ހައިޖާނުގަނޑު (3) ގުޖަޑު
ގޫކެހެލާ
ނ )ގ.( މިއަރެމާ އެއްސިފައަކަށް އަނގަހުންނަ އަނގަބޮޑު ކަންފަތް ދިގު ދެނަރުވާ ހުންނަ މަހެއް މީގެ ބޮޑެތިމަސް ދޮޅުފޫޓެއްހައި ބޮޑެވެ
ގެ
ނ (1) ދިރިއުޅޭތަން (2) މަސައްކަތެއް ކުރުމަށް ހަދައިފައި ހުންނަތަން މިސާލު: ކަނބުރުގެ (3) ދެއެއްޗެއް ގުޅުވައިދިނުމަށް ބޭނުންކުރާ އަކުރެއް މިސާލު: ޅެންވެރިންގެ ގުލްޒާރު (4) ނަން މާތްކުރުމަށް ބޭނުންކުރާ އަކުރެއް މިސާލު: ކިސްރާ ރަސްގެ (5) ބައެއް ކުޅިވަރު ކުޅޭއިރު ކުރަހައިފައި ހުންނަގޮޅި
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްއެރުވުން
މ އަތުގެ މުލައްދަނޑީގައި ޖަހައިގެން މީދާމަސްގަނޑު އުފުއްލުން
ގޮށްމަޅި
ނ ހަތަރު ފަރާތަށް ހަތަރު ކަންގަނޑު ހުންނާނެހެން ޖަހާގޮށެއް. މި ގޮށްޖަހައި އުޅެނީ މަލާފަތްކޮޅު ތަށިކޮޅުފަދަ އެއްޗެހި ބަންނައިރުއެވެ
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮޅަހެރެ
ނ )ސ ( ރާވެރިން ރުކަށްގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް
ގޮޅާހެރާ
ނ )ގ ( ރާވެރިން ރުކަށް ގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް