radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ފިނދުވީދައިގެންކެއުން
މ (1) އެއްޗެއް ފިނދުދޮށަށްލައި ފޮރުވައިގެން އިދެ އެތިއެތި ކޮޅުން ކެއުން (2) މަޖާޒު: މީހަކަށް އުޖޫރައެއް ނެތި މަސައްކަތް ކޮށްދޭއިރު އަމިއްލަ އަތުން ޚަރަދުކޮށްގެން ކައިބޮއި ހެދުން
ފިނިހޫނުބެލުން
މ އެއްތަނެއްގައި ހޫނުކަން ނުވަތަ ފިނިކަން ހުރިވަރު ހޯދުން
ފިނިކަންދިނުން
މ (1) ފިނިވާނޭގޮތް ހެދުން (2) މަޖާޒު: ހިތްހަމަޖައްސައިދިނުން
ފިނޮޅުއެޅުން
މ ފިނޮޅު އުފެދުން
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިތުނަކުރުން
މ ފިތުނަ އުފެއްދުން
ފިތުނައުފެއްދުން
މ (1) ފަސާދަކުރުން (2) ބަޣާވަތްކުރުން (3) ދެކޮޅުވެރިކަން އުފެއްދުން
ފިތުނައުފެދުން
މ (1) ހަމަނުޖެހުން އުފެދުން (2) ދެކޮޅުވެރިކަން އުފެދުން
ފިތުނަފަސާދައުފެއްދުން
މ ފިތުނަ އުފެއްދުން
ފިތުރުމަލާފަތް
ނ އިހުގައި ގަނޑުވަރު ތެރޭގެ ބޭފުޅުންނާއި ބޮޑުބޭކަލުން ކަނބަލުންގެ ފިތުރު ރަދުން ދެއްވާއިރު އެބޭފުޅުން އަތްޕުޅު ލެއްވުމަށް ފޮނުއްވާ ހަނޑޫ އަޅައިފައި ހުންނަ މަލާފަތް
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލާސާފުކުރުން
މ ފިލާއެޅުމަށްފަހު ހިސާބު ހަދައި ނަތީޖާ ހޯދުން
ފިސްކުރުން
މ ފިސްވާނެގޮތް ހެދުން
ފިޔަވަޅުއެޅުން
މ މަޖާޒު (1) ކަމަކާއިމެދު ގޮތެއް ހޯދުން (2) ކަމަކާމެދު ކުރަންއޮތް ކަމެއް ކުރުން
ފިޔަފާޅިޖެހުން
މ ފިޔަފާޅިއެއް ހެދުން
ފީބޯމިޔަރު
ނ ފީމިޔަރު މިއީ އަތޮޅުން ބޭރު މާކަނޑުގައި ދިރިއުޅޭ މިޔަރެކެވެ މިއީ ވަރަށް ބޮޑު ވަރަށް ބަރުހެލި މިޔަރެކެވެ ވަރަށް މަދުން މެނުވީ އަތޮޅުތެރޭގެ ތިލަކަނޑު ތަކަކު މިމިޔަރެއް ނޫޅެއެވެ
ފީކަރުބެއްދުން
މ މިޔަރުފަދަ އެއްޗެހީގެ ކަންފަތްގަނޑުގެ ދަށުން ވާ ބެއްދުން
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފުށި
ނ (1) ކުދި ރަށްރަށް. (2) މާރަށްރަށް ފިޔަވާ އެހެނިހެން ރަށްރަށް. (3) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން. މިތަންތާނގައި ކުރެދި ހަލަވެލި ބޯށި މަގޫ ފަދަ ގަސް ހުރެދާނެއެވެ. (4) ގަސް ހެދުން. މަދު އާބާދުވުން ކުޑަ އާމްދަނީ ލިބުން މަދު ރަށްރަށް
ފުށިރަށް
ނ (1) ކުދިރަށް (2) ރުއްގަސް ހެދުން ދެރަ ރަށް