radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ބަލިވުން
މ (1) ޞިއްޙަތަށް ގެއްލުންލިބޭ ކަހަލަ ކަމެއްވުން (2) ދެރަވުން (3) ވަރުބަލިވުން
ބަލިފައިގައިހިފުން
މ (1) މީހަކު ދެރަކުރުމަށް އެމީހެއްގެ ފުށުން ވެފާއޮތް ދެރަކަމެއްގެ ވާހަކަ ގޮވައިލުން (2) މީހެއްގެ ކިބައިގައި އަށަގެންފައި ހުންނަ އެމީހަކު ލަދުގަންނަންޖެހޭ ސިފައެއްގެ ވާހަކަ ގޮވައިލުން
ބަގިޔާ
ނ ކުރެހުމަކަށް ފެންނާނޭގޮތަށް ޖަހާ ހަރުރޮއްޖެއް މި އެންމެ ގިނައިން ބޭނުން ކުރަނީ ދިވެހި ލިބާހުގައި ބޯވަޅު އަޅާއިރުގައެވެ ބޯވަޅުގައި ބަގިޔާ ޖަހާތާނގައި އަޅަންގަތާ އެއްޗިއްސަށްވެސް ކިޔަނީ މިހެންނެވެ
ބަގުޑިލުން
މ (1) ބަގުޑި ބެއްދުން. (2) މަޖާޒު: ދަހިވެތިކަމާއެކު ކަމެއްގައި ހިފަހައްޓައިގެން އުޅުން
ބަގެލަ
ނ މުސްކުޅިގޮތަށް ގެއްލާއިރު ދޭކަށް ކިޔާނަމެއް
ބަސަންދަނަ
މ އެންމެހައި މާތްކަން ލިބިގަތުން
ބަސަރާއަށް ކަދުރު ވިއްކުން
މ (1) އެއްޗެއް ނުހަނު ގިނައިން ހުރި ތަނަކަށް ހަމަ އެކަހަލަ އެއްޗިހި ވިއްކަން ގެންދިއުން (2) މަޖާޒު: ކަމެއްގެ މާހިރަކަށް އެކަމެއްގެ ގޮތް ކިޔައި ދިނުން
ބަސް
ނ (1) މީހެއްގެ ހިތުގައި އުފެދޭ ޝުއޫރެއް އަޑު ނުވަތަ އިޝާރާތް ބޭނުންކޮށްގެން ވަކި ހަމަތަކެއްގެ މަތިން ފާޅުކުރާ ފާޅުކުރުން. (2) ބަހުރުވަ. (3) ލަފުޒު. (4) ރައިވަރުގެ ކާފިޔާ. (5) ފަސިންޖަރުން އަރުވައިގެން ދުއްވާ ބޮޑު އެއްގަމު އުޅަނދެއް. (6) އިބާރާތެއް ދޭހަވާ ވަކިވަކި އިބާރާތް. މިސާލު: ހަރުބަސް މިސާލުބަސް (7) ބުނާ ބުނުން (8) ކަމަކާމެދު މީހަކު ކަނޑައަޅާ ބުނާގޮތް (9) ކަމަކާމެދު މީހަކު ދެކޭގޮތް މިސާލު: މިކަމާމެދު މުޙައްމަދުގެ ބަހެއްވެސް ހޯދާށެވެ
ބަސްފޮނި
ނއ (1) ތިމާގެ ނެތް މޮޅުކަމެއްގެ ބަހުން ދައްކާ (2) ބަސްމަގު ރީތި
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބަޑި
ނ (1) މެދުރީ ބޭކަބަލުން އަހަރަކު އެއްފަހަރު ފާރުން އަތިރީގައި ކުޅުއްވާ ކުޅިވަރެއް. (2) މަޖާޒު: ރުޅި އައިސްގެން ކުރާ އަންގަދަތަކެއް ނުވަތަ އުޅޭގޮތްތަކެއް
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިދަނޑިއެޅުން
މ (1) ބަޑިދަނޑީން އެއްޗެއް އޮބެހެއްޓުން (2) މަޖާޒު: މީހަކު ނުވަތަ ބަޔަކުލައްވާ ގަދަކަމުން ކަމެއް ކުރުވުން
ބަޑިލުން
މ (1) ފިހިގެން ފޮޅުނެގުން (2) ތެލުލާ އެއްޗެހީގައި ބޮކި އުފެދުން (3) ލޭފެން ނުބައިވެގެން ހަށިގަނޑުގެ ހަމާ މަހާދެމެދަށް ފެން ނުވަތަ ދޮސް ފަދައެއްޗެއް އަރައި ފުއްޕުމަކާއެކު ތަންތަން އުފުލުން
ބަޑެގިރި
ނ )ތ ( އެންމެ ޅަމެކުނަށްވުރެ ތަންކޮޅެއް ބޮޑެތިމެކުނު
ބަޓަރު
ނ ގެރިބަކަރިފަދަ ތަކެތީގެ ރޯކިރުން ވަކިކޮށްގެން ނަގާ ތެލުގެ ބައި ހިމެނޭ ކާއެއްޗެއް
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބަޔާން
ނ (1) ކަމެއް ހިނގި ގޮތާބެހޭ ގޮތުން ނުވަތަ ކަމަކާބެހޭގޮތުން ފާޅުކުރާ ބަސްތަކެއް (2) ގައިމުވާ ގައިމުވުން (3) ތަހުޤީގެއްގައި މީހެއްގެ ފަރާތުން ހޯދާބަހެއް