radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ހުދުފުށްވުން
މ (1) މަސްމަހާމެހި ބަލިވެ ވަރުދެރަވެގެން ނުވަތަ މަރުވެގެން ބަނޑުފުށް މައްޗަށްޖެހުން. (2) މަޖާޒު: އެމީހެއްގެ ދިރިއުޅުމުގައި ކުރާ މަސައްކަތް ނުވެވޭގޮތްވެ ގޮތް ހުސްވުން
ހުދުފޫއެނބުރި
ނ ފޫއެނބުރީގެ ތެރޭގައި ހުންނަ ހުދުކުލައިގެ ބާވަތް
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުދުލަފު
ނ (1) އިންސާނުންގެ ހަމުގައިނަގާ ހުދުކުލައިގެ ބައްޔެއް (2) ބައެއް ޖަނަވާރުގައި ހުންނަ ހުދުކުލައިގެ ތަންތަން
ހުދުސަންގުފަރީދު
ނ ސަންގުފަރީދުގެ އެންމެ ހުދުބާވަތް
ހުދެހިރާ
ނ )ގ ( ބޯވަޅުއެޅިލިބާހުގެ ރޮދިގަނޑުގެ މައްޗާއި ތިރީގައި އޮންނަހިރު
ހުދެން
ނ ހުދުއެން މިއީ މުގުރާމުގެ ބާވަތެކެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހުތް
ނ (1) ލުނބޯއާއި ބިލަމަގު ފަދަތަކެތީގެ ދިޔަ (2) ލުނބޯ އާއި ނާރިނގާއި ބަނބުޅަބޮސް ފަދަ ތަކެތީގެ ތެރޭގައި ހުންނަ ފިތްނުވަތަ ބައި (3) ރުކުރާ މޭބިސްކަދުރު ދިޔަ ފަދަ ތަކެއްޗަށް ވަކި މުއްދަތެއްވުމަށްފަހު ކިޔާނަން (4) ލުނބޯ އާއި ބިލަމަގު ފަދަތަކެތީގައި ހުންނަރަހަ މިބަސްނަން އިތުރެއްގެ ގޮތުންވެސް ބޭނުންކުރެއެވެ މިސާލު: )ހ ( ހުތް އަންނާރު )ށ ( ހުތް ކުންނާރު (5) )އ ( މޫދުތެރޭގަލުގައި ހިއްޕައިގެން އިންނަ އެއްޗެއް (6) މަޖާޒު: ނުބައި ކަމަކަށް ދޭނަސޭހަތް
ހުތްބުއި
ނ އެމުގެ ބާވަތެއް މިއީ ނިލަމެހި ފާޑަށް ރަތްކޮށް ފަތިކޮށް ހުންނަ އެމެކެވެ
ހުތްބޭސް
ނ ހަމުގެ ބައެއް ބަލިބަލީގެ ބޭހަށް ގެންގުލޭ ބާވަތެއްގެ އަލިފާން އާތްވެއް
ހުތްކިރު
ނ ދަހީއާ ފެނާ އެއްކޮށްގެން ހަދާ ބުއިމެއް
ހުތްވަސް
ނ (1) ހުތްވެފައި ހުންނަ އެއްޗެހިން ދުވާ ވަސް (2) ދާވެފައި ހުންނަ ފޭރާމާއި ހަޑިކޮށް ހުންނަ މީހާގެ ގައިން ދުވާ ވަސް
ހުތްވުން
މ ކައްކައިފައި ހުންނަ ރިހަޔާއި ބަތްފަދަ އެއްޗެހި ގިނައިރުވުމުން ނުބައިވުން
ހުތްމަސްކާށި
ނ ލައިގެން ކާއެއްޗެއް. މިހަދަނީ ކިހައް ހިކިމަސް ކާށި ފިޔާ ހުތް މިރުސް ލޮނު މިތަކެތި ލައިގެންނެވެ
ހުތްފޮނި
ނއ ހުތްރަހަޔާއި ފޮނިރަހަ އެކުލެވިގެންވާ
ހުތްޖަޑާ
ނ )ޏ ( ނާރިނގު ވައްތަރުގެ ބޮޑުހުތް ލުނބޮއެއް
ހުލި
ނ (1) ގަސްގަހުގައިއަޅާ އާދައާއި ޚިލާފަށްކުދިވެ ބޭނުންނުހިފޭގޮތްވެފައި ހުންނަވައް. (2) މަދުނުހުންނައޮށް. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށްލިބޭންވީ ސިފަ އުނިވެފައިވާ ބާވަތް. (4) އެނދުމުގެ ސަބަބުން ނެތިގެންދާ ދިއުން. (5) ހުދުކާފޫރާއި ކަރުބޮލަކު ފަދަތަކެތި އާތްވަށްވެގެންދާ ދިއުން. (6) ލޮނުމެދު ކާފޫރުތޮޅި ފަދަތަކެތި ހިކެމުން ކުޑަވަމުންދާ ދިއުން. (7) މަޖާޒު: ވިޔަފާރީގައި ގެއްލުންވަމުންދާ ދިއުން. (8) ނއ. ހިމަ ކަމީނާ ކުޑަ މިބަސްބޭނުންކުރަނީ ފުރާނަހުރި ތަކެއްޗާ މެދުގައެވެ
ހުލިހުލިކަކުނި
ނ މޫދުގެ ގާތަކުގެ ތެރޭގައިއުޅޭ ކުރެހުންއެޅި ދުލިބާލާ ކަކުންޏެއް
ހުލިވުން
މ (1) ގަސްގަހުގައިއަޅާ މޭވާ ފަދަ ތަކެތި އާދަޔާ ޚިލާފަށް ކުދިވެ ބޭނުން ހިފޭގޮތް ނުވުން. (2) މަދުހުންނަ އޮށުގައި މަދުނެތުން. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށް ލިބޭންވީ ސިފަ އުނިވެފައިވުން. (4) އެނދުމުގެ ސަބަބުން ނެތިގެން ދިއުން. (5) ހުދުކާފޫރާއި ކަރުބޮލަކުފަދަ ތަކެތި އާތްވަށް ވެގެން ދިއުން. (6) ލޮނުމެދު ކާފޫރުތޮޅިފަދަ ތަކެތި ކުޑަވަމުން ދިއުން. މަޖާޒު: (7) ވިޔަފާރީގައި ގެއްލުންވަމުން ދިއުން. (8) ނއ. ހިމަ ކަމީނާ ކުޑަ މިބަސްބޭނުން ކުރަނީ ފުރާނަހުރި ތަކެއްޗާ މެދުގައެވެ