radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިރުތަވެރިން
ނ (1) މައިފުށުގެ ގާތްމީހާ (2) އިރުތައިން މުދައުވާ މީހުން
އިބްރާހީމު
ނ (1) އިބްރާހީމް މުސްލިމު ފިރިހެނުންނަށްކިޔާނަމެއް މިނަންޢީސާއިންނަށް ކިޔަނީ "އަބްރަހަމް" މިހެންނެވެ (2) ރަނުގެސިއްކެއް
އިވުން
މ ކަންފަތުގެ ޒަރީޢާއިން އަޑު އިޙްސާސްވުން
އިމު
ނ (1) ވާންވީގޮތް (2) އަޞްލު (3) އިން
އިފްތިރާޝަށްއިނުން
މ މެދުއައްތަޙިއްޔާތަށް އިންނަގޮތަށް އިނުން
އިލާ
ނ ރުކުގެ ބޮންތީގެ ބުޑުދޮށުގައި އޮޅިފައި ހުންނަ ދޯހަޅިއެއްޗެއް ކާށިކިރުފެލާން މިވަރަށް ގިނައިން ގެންގުޅެއެވެ
އިލި
ނ ދެއެއްޗެއް ހަރުކުރާއިރު މޮހޮރުގެ ބަދަލުގައި ޖަހާން ލަކުޑީން ފޯލިކޮށް އެއްކޮޅަށް ހިމަކޮށް ހަދާ އެއްޗެއް އޮޑިދޯނިފަހަރު ބަންނައިރު ގިނައިންޖަހައި އުޅެނީވެސް މިއެވެ
އިލިޖެހުން
މ (1) ދޭއްޗެއް ހަރުކުރުން (2) ތޮރުފައިފައި އިއްޔެއް ހެރުން (3) ދޯނިފަހަރު ދެބައިން ބާވެގެން ބައުއިލިތައް ދުއްވައިފައި އައު އިލިޖެހުން
އިލޮށިޖެހިކެޔޮ
ނ (1) ބަނބުކެޔޮ މަޑުކުރާ އިރު މަޑުވެއްޖެތޯ ބަލާން އިލޮށި ހަރާފައި ނަގައި ކާލާ ކެޔޮކޮޅު (2) މަޖާޒު: ކޮންމެވެސް ބޭނުމަކަށް ތައްޔާރުކުރާ އެއްޗެހީގެ ތެރެއިން އެގޮތް މިގޮތަށް ނެގޭ ތަކެތި
އިލްހާމު
ނ (1) ރަސޫލު ބޭކަލުންނާއި ނަބީބޭކަލުން )ޞަލަވާޠުﷲ ޢަލައެހިމް އަޖްމަޢީން( އަށް ވަޙީ އާ ޚިލާފު ގޮތަކަށް މާތްރަސްކަލާނގެ އަންގަވާ އެންގެވުން (2) އިންސާނުންގެ ހިތަށް ޤުދުރަތީގޮތުން އެނގޭ ތެދުއެނގުން (3) ކަމަކާމެދު ފިކުރުކުރީމާ އެނގޭ ރަނގަޅު އެގުން
އިސާނަމާދު
ނ ފަރުޟު ފަސްނަމާދުގެ ތެރެއިން މަޣުރިބު ނަމާދާ ފަތިސް ނަމާދާ ދެމެދުގައިކުރާ ނަމާދު
އިސްވަރު
ނ އިހުގައި އޮންނަ "ހަވަރު" ގެ ތެރެއިން އެންމެ އިސްބައި
އިސްފަރޫފަ
ނ އަންގާގެ ނަކަތްތެރިކަމުގައި ދުވަސް ބަހައިފައިވާ ބައިތަކުގެ ތެރެއިން ބައެއް
އިސްދަން
ނ އަވަށް އަވަށުގައި ދަން ބަހައިފައި އޮންނައިރު އޭގެ ތެރެއިން އެންމެ ކުރިއަށް އޮންނަ ދަން
އިސްދަރިވަރު
ނ ކަމެއްކުރާ ނުވަތަ ކަމެއް ދަސްކުރާ ބައެއްގެ ތެރެއިން އެކަމަށް މޮޅުވުމުގެ ސަބަބުން އެކަމުގައި އެންމެ ކުރިއަށް ތިބޭ މީހުންގެ ތެރޭގައި ހިމެނޭ މީހާ
އިސްތިންވަރު
ނ "ހަވަރު" ގެތެރެއިން ކުރިޔަށް އޮންނަ ތިންބައި
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އިސްޓޭޝަން
ނ (1) ދަތުރުވެރިން ދަތުރުކުރުމުގައި އާދަވެގެން މަޑުކުރުމަށް ހަމަޖެހިފައިވާ ތަންތަނާއި އެތަންތަނުގައި ހުންނަ އެކަމާގުޅޭ ޢިމާރާތް (2) ސައިންސްގެ ޚާއްޞަ ކިޔެވުމަކަށް ނުވަތަ ކަނޑައެޅިފައިވާ ކަންތައް ތަކެއް މުޠާލިޢާ ކުރުމަށް ހުންނަތަން (3) ޢާއްމުންނަށް ޚިދުމަތްކޮށް ދިނުމަށް ހަމަޖެހިފައިވާ ބައެއް ތަންތަން މިސާލު: )ހ( ފުލުސް އިސްޓޭޝަން )ށ( ފައަރ އިސްޓޭޝަން )ނ( ރޭޑިއޯ ނުވަތަ ތެލްވިޒަން ޓްރާންސްމިޓް ކުރުމާއި ރިސީވް ކުރުމަށް ކަނޑައެޅި ރޭވި އެއާބެހޭ އެއްޗެހި ބަހައްޓައިފައި ހުންނަ ތަން