radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
މަސްފުޅު
ނ (1) ގަނޑުވަރު ތެރެއަށް ގެންދާ ދަނޑިމަސް (2) ތަބްރޭޒުގެ ފާނާއި އިސްކަންދަރު ރަސްގެފާނާ ދެބޭފުޅުންގެ ފާތިޙާ ފަރީއްކޮޅަށް ގަނޑުވަރުތެރެއަށް ގެންދާމަސް
މަސްތުރަވުން
މ ކުއްޖާ ދުނިޔެއަށް އަންނައިރު ކުއްޖާގެ ފޫޅުދަނޑިއާ ގުޅިފައިވާބައި މައިމީހާގެ ބަނޑުން ބޭރުވުން
މަޑުފޮޅި
ނ ފެންފޮޅިއަށްވުރެ ތަންކޮޅެއް ބޯކޮށް ފިހާފޮޅިއެއް
މަޔާހޮކި
ނ އަމަޔާ ޒިނޭކުރިމީހާ މިއީ މީހުނާ ދިމާއަށް ރުޅި އައިސްގެންބުނާ ހުތުރު ބަސްތަކުގެ ތެރޭން އެންމެ ނުބައި އެއްބަހެވެ )މިބަސް ސަމާސާއަށްވެސް ޖެއްސުމަށްވެސް ބުނެއުޅެއެވެ
މަޖޫރީ
ނ (1) އުޖޫރައަށް ކުރާވަގުތީ މަސައްކަތް (2) އުފުލާ މަސައްކަތުމީހުން
މަޖޫރީކުރުން
މ (1) އުޖޫރައަށް ވަގުތީ މަސައްކަތް ކުރުން (2) އުފުލާ މަސައްކަތްކުރުން
މަޖްނޫނު
ނ (1) މޮޔަމީހާ (2) ޤައިސްޢާމިރީއަށް ދެވިފައިވާ ނަމެއް މީނާއަކީ ލައިލާގެ ލޯބިވެރިޔާއެވެ
މަޝްރޫޢު
ނ ކުރިއަށް ރާވައިގެން ތަރައްޤީއަށް ހިންގޭ މަސައްކަތެއް ގިނަފަހަރަށް މިއީ ދިގު މުއްދަތަށް ރާވައިފައި އޮންނަ ކަމެކެވެ
މަޝްޣޫލުވުން
މ (1) މަސައްކަތުގައި އަވަދިނެތި އުޅުން (2) ކަމެއްގެ ތެރެއަށް ގެނބިފައި އިނުން
މާހެފުން
ނ ރޯދައަށް ކުރިމަތިކޮށް އެމަސްފެށުމުގެ ކުރިން އެމަހުގެ ފުރަތަމަ ދުވަހާއި ގާތްދުވަހެއްގައި ޖަމާޢަތް ހަދައިގެން މާހެފުމުގެ ނަމުގައި ކާ ކެއުން )އިހުޒަމާނުގައި މިކަންކޮށް އުޅެނީ ޝަޢުބާންމަހު 92 ވަނަދުވަހުއެވެ
މާނަކަތްގެންމަޑުވުން
މ (1) މާނަކަތުގެ ކޮޅިގަނޑު ޖެހި އެއަށްފަހު މަޑުވުން މަޖާޒު: (2) ވަރުގަދަ ކަންތައްގަނޑެއް ހިނގުމަށްފަހު މައިތިރިވެ ހަމަޖެހުން (3) މާއަޑުގަދަވެފައި އޮތުމަށްފަހު ހިމޭންވުން
މާރުކޭޓު
ނ (1) ވިއްކާ އެއްޗެތި ހާމައަށް ބަހައްޓައިގެން ވިއްކާ ތަންތަން (2) މުދަލެއް ވިއްކުމަށް ލިބިފައިވާ ފުރުޞަތު ނުވަތަ އަގު (3) އެކިވައްތަރުގެ ތަކެތި ވިއްކަން ހާމައަށް އޮންނަ ތަން (4) އެތައް ބައެއްގެ ތަކެތި ބަހައްޓައިގެން ވިއްކާތަން
މާބަދިގެއަށް ކާޅުވަނުން
މަޖާޒު: އަންހެނަކު އިށީނދެ އިންނައިރު ދަށު ކަންގަނޑު ވެއްޓިފައި އޮވެއްޖެނަމަ ބުނެއުޅޭ ބަހެއް )ބޮޑު ބަދިގެއަށް ކާޅުވަނުން
މާޅިކަ
ނ ބަގީޗާ )ޢާއްމުކޮށް މިބަސްބޭނުންކުރަނީ ސުވަރުގޭގެ ބަގީޗާއަށް ނިސްބަތްވާ ގޮތުންނެވެ
މާކަނާބިސް
ނ (1) މާކަނާއަޅާ ބިސް (2) މަޖާޒު: ގޮނޑުދޮށަށްލައްގާ ރާޅުބިސް ފާޑުގެ އެއަށްވުރެ ބޮޑު އެއްޗެއް މިހުންނަނީ އުންތަކެއް ފަޅާފައެވެ
މާކަންނެތާފޮޑަރު
ނ (1) އިހުޒަމާނުގައި އުޅުނުކަމަށްބުނާ މާބޮޑަށް ކަންނެތް މީހެއް (2) އިންތިހާ ދަރަޖައަށް ކަންނެތް މީހުންނާ ދިމާއަށް ބުނާ އެއްޗެއް
މާއަލަ
ނ ފުރައްދެއަލަ މިއީ އަޑިއަށް ފައިބާ އަލައެއްނޫނެވެ މިއީ ފަތްތައް ބޮޑެތިކޮށް ހުންނަ އުސްކޮށް ހެދޭ އަލައެކެވެ މިއަލަގަނޑަކީ ގަސްގަޑެވެ
މާވިހަ
ނ ހަށިގަނޑުގެ ތަންތަން ދުޅަވާ ބައްޔެއް މިބަލި ފުރަތަމަ ފެށޭނީ ބޮލުންނެވެ ވިހަ ތިރިއަށް ފޭބިވަރަކަށް ގައިގެ ތަންތަނުން ބޮޑެތިފިތްގަނޑު ގަނޑުހެން ދުޅަވަމުން ދާނެއެވެ
މާމަރުކުންދޮންފަނެއް
)މިސާލުބަހެއް( ކުޑަކުދިން އަމިއްލައަށް ވެއްޓުނީމާ އެއީ އެއްވެސް ކަމެއްނޫންކަމަށް ހަދާލުމަށް ބުނެއުޅޭބަހެއް
މާމަކުނު
ނ ތަންމަކުނު ފާޑަށް އެއަށްވުރެ މާބޮޑުކޮށްތިބޭ ވަރަށް ބާރަށް ދައިގަންނަ ވިހަގަދައެއްޗެއް މީގައި ފިޔަ ހުންނާނެއެވެ