radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ކަށިގަނޑު
ނ (1) ކަށީގެ ބައެއް ނުވަތަ ބުރިވަރެއް. (2) އެކިއެކި ބޭނުމަށްޓަކައި އަންގައިލުމަށް ފުމެން ގެންގުޅޭ އެއްޗެހި. މިސާލު: )ހ( ސިފައިންގެ ކަށިގަނޑު. )ށ( ބޯޅަކުޅޭއިރު ފުމޭ ކަށިގަނޑު. )ނ( އާގުބޯޓު ފަހަރުގައި ފުމޭން ގެންގުޅޭ ކަށިގަނޑު. (3) ތަތްފަތާއި ސިނަފަތް ބޯން ގެންގުޅޭ އެއްޗެއް. (4) ދިރޭ ތަކެތީގެ މަސްފިލާފައި އޮންނަ އޮނިގަނޑު. (5) ގުންބާ އުނދުނާއި ބިގަރުފަދަ ތަކެތީގައިޖެހޭ ކުނި ނައްޓާން ހަރާ ނަރުކޮޅު (6) ބިންވަޅު ނަގާ ކުރަހަން ގެންގުޅޭ ތޫނު އާލަތެއް: (7) އިސްކުރު އަނބުރަން ގެންގުޅޭ އާލަތެއް (8) ތުނޑު ދެފަޅިއަށް ހުރެފައި ދެފަށް ދޭތެރެއަށް ދެލިއަޅައިގެން ރޮނގުދަމާންގެންގުޅޭ އާލަތެއް (9) ހަމުގެ ދަރަޖަބަލާން ގެންގުޅޭ އާލަތެއް :)01( ޑަކްތަރުން ބަލިބަލާން ގެންގުޅޭ އާލަތެއް: (11) ވިއްސާރައިގެ އެކިއެކިގޮތްގޮތް ބަލާން ހަދައިފައި ހުންނަ އާލަތް: (21) ކާންގެންގުޅޭ އޫ
ކަށިގޯނބިލި
ނ ބޭހަށް ބޭނުންކުރާ ކުޑައޮށެއް މީގައި ހުންނަނީ ކަށިތަކެއް ފަޅައިފައެވެ މިއީ ވެލެއްގައި އަޅާ އެއްޗެކެވެ މިވެލުގައި އަޅާ މާ ހުންނަނީ ރީނދޫ ކުލައިގައެވެ
ކަނބައިދިކިލެގެ
ނ ކަބައިދިކިލެގެ ކަމަށް ކޮލިލައްވާފައިވާ އަންހެނާ. މިއީ ރާއްޖޭގެ އިހުގެ އާދަކާދައިގެ ކަންކަމުގައްޔާއި ރަސްކަމުގެ ޢިއްޒަތުގެ ކަންތަކުގައި ލަފާހޯއްދަވައި އަދި ޢިއްޒަތުގެ ބައެއް ކަންކަމުގައި ބޭނުން ހިއްޕަވާ އަންހެން ތިންކިލެގެއިން ތެރެއިން އެއް ކިލެގެއެވެ
ކަނބާ
ނ (1) އަންހެނުންގެ މަތީ ދަރަޖައިގެ ނަމެއް އިހުގައި މިނަން ކިޔައި އުޅުނީ ގަނޑުވަރު ތެރޭގެ ބޭފުޅުންނަށެވެ (2) ޅެމުގައި އަންހެނުންނަށް ލޯބީން ކިޔާނަމެއް
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނދޮޅު
ނ ފަތް ހިމަދިގު ކޮށްހެދޭ ފަސޭހައިން މަރުނުވާ ކުޑަވަރެއްގެ ގަހެއް މީގެ ކިތައްމެބާވަތެއްހުރެއެވެ މިގަހުގެ ބަނޑުފަތުން ދުލި ނަގައިގެން ބޭސްވެރިކަމަށާއި އެހެނިހެން ބޭނުމަށް ގެންގުޅެއެވެ
ކަނދޮޅުދުލިފަށުވި
ނ ވަރަށްތުނި ފަށުވި ފޭރާމެއް މިއީ އިހުގައި ރާއްޖެއިން ބޭރުން ގެނެސް އުޅުނު ފޭރާމެކެވެ
ކަނޑަށްނުކުތުން
މ (1) އެތެރެވަރީގެ ބޭރުން ކަނޑަށް ނުކުތުން (2) ފަޅުތެރޭން ގޮސް ކަނޑުތެރެއަށް އެޅުން
ކަނޑި މިޔަރު
ނ ނިގޫފަތުގެ މަތީބައި ކަނޑިޔެއްހެން ހުންނަ މިޔަރެއް. ނިގޫފަތުގެ މިބައިގެ ދިގުމިން މުޅިމިޔަރުގެ ހަށިގަނޑުގެ ދިގުމިންވަރުވެއެވެ އާއްމުކޮަށް މިއުޅެނީ އަތޮޅުން ބޭރުގައެވެ މިއީވަރަށް ބާރަށް ދަތުރުކުރާ ވަރުގަދަ މިޔަރެކެވެ
ކަނޑިބުރި
ނ ތިލަ އިތިކޮށް ކޮޅުކައްޗަށް ބުރިކޮށްލައިފައި ހުންނަ ވަޅިއެއް މި ވަޅި ބޭނުންކުރަނީ ކަތިވަޅިން ކުރާ ކަންތައްތަކަށެވެ
ކަނޑިފާރުބޭސް
ނ ތޫނުއެއްޗިހިން ކެނޑޭ ތަންތަނަށް ކުރާ ދިވެހިބޭސް
ކަނޑީރަސްގެއެއްކަހަލަ
)މިސާލުބަހެއް( މާރުޅިގަދަ ގޮތްދޫނުކުރާ މީހުންނާ މެދު ބޭނުންކޮށްއުޅޭ މިސާލުބަހެއް
ކަނޑު
ނ (1) ފުންކަމުން އަޑި ނޭނގޭ ލޮނުގަނޑު ނުވަތަ ފެންގަނޑު. (2) ބޭރުކަނޑުން އެތެރެވަރިއަށް ވަންނާން އޮންނަ ކަނޑުއޮޅި. (3) ބައެއް ކުޅިވަރުގައި ޖަހާފޯލި ކަމުދިޔުމުގެ މިންވަރު ބަލާން އަޅާރޮނގު
ކަނޑު އޮޅި
ނ (1) އެތެރެވަރީން ބޭރުކަނޑަށް ނުކުންނަން ހުންނަ ހަނިކަނޑު (2) ކަނޑޯޅި
ކަނޑުހެޔަށްބޭއްވުން
މ ކަނޑުގަދަވީމާ އޮޑިދޯނިފަހަރު އޮޔާވަޔާ އެއްކޮޅަށް ބޭއްވުން
ކަނޑުބޭރުފުޅުކުރެއްވުން
މ ގަނޑުވަރުތެރޭގެ ބޭފުޅަކު އަލަށް ކަނޑުމައްޗަށް އަރައިވަޑައިގަތުމާއި އެކަމާގުޅޭ ރަސްމީ ކަންތައްތައްކުރުން
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ