radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ކަނޑުކޮއްޓި
ނ ކަނޑުމަތީދޫންޏެއް މިއީ ކަޅުކުލައިގެ ކުޑަވަރަކު ދޫންޏެކެވެ މި އުދުހޭނީ ތިރިތިރިން ކަނޑުގައިޖެހޭ ހިސާބުންނެވެ މަޑުއިރަށް ކަނޑަށް ފީނައިވެސް އުޅެއެވެ
ކަނޑުއޮޅި ދަތުރު
ނ މީހަކު ނުވަތަ ސިޓީއެއް ފަދައެއްޗެއް ގެންގޮސްލާން އެއްރަށުން އަނެއްރަށަށް ކުރާ ބަންޑާރަ ދަތުރު މިދަތުރުގައި ގެންދަންވީ އެއްޗެއް އެންމެ ކައިރީގައި އޮންނަ ރަށަށް ފުރާތަކުރުމުން އެ ބައެއްގެ ކިބައިން ނިމުނީއެވެ
ކަނޑުލަނޑާ
ނ )އ ( ކަޅުނޫކުލައެއް ބުރިކަށީގައިހުންނަ ބަނޑުދޮށް ހުދުލަނޑައެއް މިލަނޑާ ގިނައިން އުޅެނީ ފުއްޓަރުގެ ރާޅު ބިންދާ ތާނގައެވެ
ކަނޑުގައި އަޅާރޮނގެކޭ އެއްފަދަ
)މިސާލުބަހެއް( ބުނެދޭ އެއްޗެއް ނުވަތަ ދަސްކުރާ އެއްޗެއް އަވަހަށް ހަނދާން ނެތުނީމާ ދީއުޅޭ މިސާލެއް
ކަނޑުގުރުވަ
ނ ގުރުވައިގެ ބާވަތެއް. މިއީ ކުދިކުދި ހުޅުނބުތަކެއް ހުންނަ ހަންގަނޑުބޯ ރީތި މަހެކެވެ. މަހުގެ ދިގަށް ކަޅު ނުވަތަ ގަދަމުށި ކުލައިގެ ފުޅާ ރޮނގުތަކެއް ހުރެއެވެ. ތުނބާއި ކޮތަރިތަކާއި މަހުގެ މަތީބައި ހުންނަނީ ދޮންރީނދޫ ކުލައިގައެވެ. ކޮތަރިތަކާއި ނިގޫފަތުގައި ކަޅުކުލައިގެ ލައްތަކެއް ހުރެއެވެ މަހުގެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނޑޫވަޅި
ނ ކަނޑޫކަހާން ހަދައިފައިހުންނަ ޚާއްސަވަޅި މިވަޅި ހުންނާނީ ހަނުލައިފައި މިޔައިގެ އެއްފަރާތަށް ދާރައަޅާފައެވެ
ކަނޑޮހޮޅި
ނ މާކަނާ ތަޅުދަނޑިފާޑުގެ އެއަށްވުރެ ފަލަ ހުދުކުލައެއްގައި ހުންނަ ހޮޅިއެއް މީގެ ބައެއް އެއްޗެހީގެ ބޭރު ކަޅުކުލައެއްގައިވެސް ހުރެއެވެ މިހުންނަނީ މޫދުގައި ހުންނަ ގައުކޮޅުކޮޅުގައި ތަތްވެފައެވެ މިއީ ބޭހަށް ބޭނުންކުރާ އެއްޗެކެވެ
ކަނަހަނދުން
ނ ބޭހަށް ބޭނުން ކުރަން ގެންގުޅޭ ލަކުޑިއެއް މި އެންމެ ވައްތަރުވާނީ ރަތްބަބުރު ކެލައާއެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނިއެޅުން
މ (1) ކަނިކުރަދީގައި ކަނީވާގަނޑު ހަރުކުރުން (2) ދައްސޫރައިގެ ކޮޅުގައި މޯރާއެއްސުން
ކަނިވާ
ނ ކަނީވާގަނޑު
ކަނުފަލި
ނ ދޯނީގެ އެންމެ ކޮޅުފަސްކޮޅަށް ހުންނަ ދެފަލި
ކަނެއިއްލާ
ނ )ގ ( ރިޔަލު ދޯނީގެ ދިރުނބާކޮޅު ކަނިއެޅުމަށް މައްޔަލުގެ ފުއްބުރުގައި ޖަހައިފައި ހުންނައިލި
ކަނޮޅި
ނ މިޔަރުގެ ބާވަތެއް. މިއީ ބޯވަށްކޮށް ހުންނަ އުރަހަ ގިނަ ކަޅުކުލައިގެ މިޔަރެކެވެ ލޯހުންނާނީ ބޮލުގެ ދެއަރިމަތީގައެވެ
ކަންހިފާކުޅުން
މ އޮށްވަޅު ގޮނޑީގައި ކުޅޭކުޅިވަރެއް. މިކުޅިވަރު ކުޅެނީ ވަޅަކަށް ހަތަރު ފުއްލައިގެން ފިހާރަޔަށް ނުލައެވެ. މިކުޅިވަރުގައި ފިހާރައަކީ ހަތަރުކަނުގައި ހުންނަ ހަތަރުވަޅެވެ
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންނެޔޮ
ނ ބޯއަޅަން ނުވަތަ ތަންމަތީގައި ބަހައްޓަން ގެންގުޅޭ ފޯލިކޮށް ހުންނަ އެއްޗެއް. މިގިނައިން ހުންނަނީ ފޮތިންފަހައި އެތެރެޔަށް ކަފަ ނުވަތަ އެހެން ކޮންމެވެސް އެއްެޗެއް ލައިފައެވެ
ކަންނެޔޮބަލިކަން
ނ ލޭނުބައިވުމުގެ ސަބަބުން ހަށިގަނޑުގެ ބައެއްތަންތަނުގައި ނަގާ މުލިހި ފާޑުގެ ގަނޑެއް ގިނައިން މިގަނޑު ނަގަނީ އަތްފަޔާއި އުކުޅުވަޅު ފަދަ ތަންތާނގައެވެ