radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ގިތެޔޮ
ނ (1) ގެރިބަކަރި ފަދަ ޖަނަވާރުގެ ކިރުންނާއި ތަރުކާރީގެ ބާވަތްތަކުން އުފައްދައި ގަނޑުކޮށްފައި ހުންނަތެލެއް (2) ބަކަރީގެ ފިރިހެން އެތި (3) މަޖާޒު: ޖިންސީ އެދުން ޙައްދު ފަހަނަޅައިފައިވާ ފިރިހެނުންނަށް ކިޔާނަމެއް
ގިތެޔޮބޯކިބާ
ނ ގިތެލުގައި ފިޔާރަތްކޮށްގެން ފޮނިތޮށި ކާފޫރުތޮޅި ކަނަމަދު އަޅައިގެން ހަނޑުލުފުށުގައި އަޅާ ބޯކިބަލެއް
ގިތެޔޮމިރުސް
ނ މިރުހުގެ ބާވަތެއް މިއީ ރަހަ ވަރަށްމީރު ކުޅިރަހަ ގަދަ މިރުހެކެވެ މި މިރުސް ހުންނަނީ ތިންއަރިޔަށް ވާކަހަލަ ގޮތަކަށް ކުރުފަލަކޮށެވެ ތޮށިގަނޑުގައި އަޑިއަޑިކޮޅު ހުރެއެވެ މީގެ ތަފާތު ވައްތަރުތައް ހުރެއެވެ މިސާލު: )ހ( ފިއްތިގިތިޔޮ މިރުސް )ށ( ފަގުޑި މިރުސް
ގިތްގަޅުވައިލުން
މ (1) ދެކޮޅުވެރި ކަމެއްގެ ތެރޭގައި އަނެކަކު ކޮއްޕައި ވަކިގޮތަކަށް އިނދަ ޖައްސައިލުން (2) މަޖާޒު: އަނެކަކު މާބޮޑަށް ދެރަކޮށްލުން
ގިތްގެޅުން
މ (1) އިނދަޖެހި ހިރިނުލެވޭ ވަރުވުން (2) މަޖާޒު: މާބޮޑަށް ދެރަވުން
ގިތްގޮވުން
މ ބައެއްކަހަލަ ދިރޭ އެއްޗެހި އުސްތަނަކުން ބާރަށްވެއްޓުމުން ނުވަތަ އެފަދަ އެއްޗެއްގައި ޖެހުމުން ކުއްލިޔަކަށް ނުކުންނަ އަޑެއް
ގިލަ
ނ (1) މަސްދޯނި ފަހަރުގެ ދިރުނބާ ކޮޅު މައްޔަލުގެ މައްޗަށް ޖަހާ ލަކުޑީގެ ބައެއް (2) )ބދ ( ކަނދުރާ
ގިލައެޅުން
މ އޮޑިދޯނިފަހަރުގެ ގިލަޔަށް ވާބައި ހިމުންކުރުން
ގިލަފަތި
ނ ކުޑަކުދިންގެ ކަރުގައި އަޅުވާ ގަހަނާއެއް މިއީ ރިހިން ނުވަތަ ރަނުން ހަދައި ތަނޑުޖަހައި ފައިވާ ފޮތިތަކެއް އަމުނައިފައިވާ ރޮއްޖެކެވެ
ގިލިސްރީނު އުނގުރި
ނ ބަނޑުހިކިގެން ބޮޑުކަމު ނުދެވުން ފަދަ ކަންތައް ދިމާވެގެން އެކަމުގެ ފަރުވާއަށް ފުރަގަސް ފަރާތަށް ޖަހަން ތައްޔާރު ކޮށްފައި ހުންނަ އުނގުރިއެއް
ގިލޭފައްޓަރު
ނ ކުޑަކުދިން ކަރުގައި އަޅަން ރަން ނުވަތަ ރިހިން ހަދައިފައި ހުންނަ މުދިލީ އެއްފަށް ފައްޓަރު
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި
ގިސް
ނ (1) ހިތްދަތިވުމުން ނުވަތަ ރޮވުމުން ނޭވާލުމަށް ދަތިވެގެން ވާގޮތަކުން އިވޭ އަޑު މިސާލު: އެކޮއި ގިސްލަގިސްލައިފައި އެހެރަ ރޮނީއެވެ (2) )ސ ( ގަސް
ގިސްކެޑެވުން
މ )ބ ( އުކުނޑިކޮށްޓުން
ގިސްލައިރުއިން
މ ކަމަކާ މާބޮޑަށް ދެރަވެގެން ރޯއިރު ކުރުކޮށް ނޭވާލެވި ކުކުރާގޮތަށް އަޑުގޮއްވާ ރޯރުއިން
ގިސްލުން
ނ މާބޮޑަށް ހިތްދަތިވުމުން ނުވަތަ މާ ބޮޑަށް ރޮވުމުން ނޭވާ ލުމަށްދަތިވެގެން ވާގޮތަކުން ކުރުކޮށް ނޭވާލެވޭއިރު ގޮއްވޭ އަޑުއިއްވުން
ގިޑިގެ
ނ އެކިއެކި މުނާސަބަތާ ގުޅިގެން މަގުމަތި ޒީނަތްތެރި ކުރުމަށް މަގުމަތީގައި ހަދާ ބޮޑު ދޮރާއްޓެއް ކަހަލަ ތަނެއް
ގިޓާ
ނ މިޔުޒިކު ކުޅެން ގެންގުޅޭ ނަރުފުރައިފައި ހުންނަ އާލަތެއް މީގައި ނަރުފުރައިފައި ހުންނަނީ މައިގަނޑުން ބޭރަށް ހުންނަ ދަނޑިއެއްގައެވެ ކަރަންޓުން ބޭނުންކުރާ ގިޓާއާއި އާދައިގެ ގިޓާހުރެއެވެ
ގިޔަރުކަނޑައިލުން
މ ގިޔަރު ބޭނުންކޮށްގެން އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅުން ކަނޑައިލުން
ގިޔުޅިލާށިގަސް
ނ ދިގުތަނޑެއްގައި ވަށް ބޯޅައެއްހެން ހުންނަ ރީނދޫ މަލެއްފޮލޭ ކަށިގިނަ ގަހެއް މިގަހުގެ ކިރަކީ ބޭހަށާއި ތެރަސްހެދުމަށް ބޭނުންކުރާ އެއްޗެކެވެ