radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ކަނޑުމުޅަދެވި
ނ ބުނެވޭގޮތުގައި ޚިޔާލީ ދެތްވެއް މިއީ މީހުނަށް ބަލިޖައްސާ ދެތްވެކެވެ
ކަނޑުދެވި
ނ ފަންޑިތަވެރިންގެ ޚިޔާލީ ދެތްވެއް މިއީ މަސްވެރިކަމާގުޅޭ ދެތްވެއްކަމަށް ބުނެއުޅެއެވެ
ކަނޑުލަބަރި
ނ ޚިޔާލީ ފުރޭތައެއް މިފުރޭތައަކީ މީހަކު ބުނާހައި އެއްޗެއް ފަހަތުން ބުނާ އެއްޗެއް ކަމަށް ބުނެވެއެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނިކަނިލުން
މ (1) އެންމެ ހިމަފޮދު ވާރޭވެހުން (2) މާދުރުން ކިރިޔާ އެއްޗެއް ފެނުން
ކަނިކަން
ނއނ (1) މާމުޔާއި ހަކުރުފަދަ ތަކެއްޗަށް ހިސާބަކަށް ލިބޭ ނުބައިކަން (2) ދިއްލައިފައި ހުންނަ ހުޅުގަނޑަށް ލިބޭ އުނިކަން
ކަނިކުރުން
މ (1) ބައްތިފަދަ ތަކެތީގެ ހުޅުގަނޑު ކުޑަކުރުން. (2) ބޮކިފަދަތަކެތީގެ އަލިމަޑުކުރުން. (3) މާމުޔާއި ހަކުރުފަދަ ތަކެތި ބަހަށްޓައިގެން ނުބައި ކުރުން
ކަނިފަށް
ނ ވިލާތުބުޅިޔާއި ކަންއިލި ފަދަތަކެތީގެ ތުނޑުގެ ކައިރީން ފޭކޮށްފައި ކައްވާދަކަށް ހުންނަތަންކޮޅު
ކަނުލައި އެހުން
މ (1) ކިޔާ އެއްޗެއް ނުވަތަ އިވޭއަޑެއް ފަރުވާ ބަހައްޓައިގެން އެހުން (2) ކަންދީ އެހުން
ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަންނެޔޮބަލިކަން
ނ ލޭނުބައިވުމުގެ ސަބަބުން ހަށިގަނޑުގެ ބައެއްތަންތަނުގައި ނަގާ މުލިހި ފާޑުގެ ގަނޑެއް ގިނައިން މިގަނޑު ނަގަނީ އަތްފަޔާއި އުކުޅުވަޅު ފަދަ ތަންތާނގައެވެ
ކަންބަހަ
ނ )ގ ( މީހަކަށް ނުވަތަ ބަޔަކަށް ލިބިފައިވާ ތަނަވަސްކަމާއި ތިޔާގިކަމަށް ނިސްބަތްކޮށް ބުނެއުޅޭބަހެއް
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަންފަތް ބާގަ
ނ ޤިޔާމަތް ކައިރީވީމާ ފާޅުވާނެ ކަމަށް ބުނާ ކަންފަތް ބޮޑުބައެއް
ކަންޏާކަގަ
ނ ދިވެހިންކިޔާ ޚިޔާލީ ވާހަކައެއްގައި ބުނާގޮތުން ކެކޭނެގޮތަކަށް ކެކެން ދޫކޮށްލައިފައި ހުރެގެން ހިނދިފައި ހުންނަ ބަތްތަވާގެ މެދުފަށަލައިގައި ހުންނަ ބަޔަށް ކިޔާނަމެއް
ކަންޒޫރި
ނ (1) ކަނޑުމައްޗާބެހޭ އެކިއެކި ކަންކަމުގައި ވަލީވެރިންގެ ޒިޔާރަތާއި މަޤާމަށް ފާތިޙާ ފަރިއްކޮޅުގެ ނަމުގައި ދީއުލުނު ތަކެތި (2) ކަންޒޫރީގެ ނަމުގައި ކިޔަވައި އުޅުނު ފާތިޙާ
ކަންޒޫރިކިޔެވުން
މ ކަނޑުމައްޗާ ބެހޭގޮތުން ޒިޔާރަތަށާއި މަޤާމަށް ފާތިޙާ ކިޔެވުން
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ