radheef.info
ރަދީފު


ސާލު
ނ ކެހެރި ފޮތި ނުވަތަ މަޚްމާ ފާޑުގެ ފޮތިން ތައްޔާރު ކޮށްފައި އޮންނަ ފޮތިގަނޑެއް މީގައި ފަށުވިން މާޖަހައި ވަށައިގެން ކުރެހުންތައް އަޅައިފައި ހުރެއެވެ
ގެރުން
މ )ޏ ސ ( (1) ގިރުން (2) ވެހުން މިސާލު: ވާރޭގެރުން )ވާރޭވެހުން
ގެވަޅު
ނ (1) ގެއަޅަންއޮތް ބިންކޮޅު ނުވަތަ ބިމުގެބައި (2) ގޯތި (3) ގޮޅި މިސާލު: ސޯޅަގެވަޅުއަކަ
ގެވެހިކަންވާރު
ނ ގޭގައި ހިފައިގެންއުޅޭ ބޮޑެތި އެއްޗެހި. މިސާލު: އެނދު އަށި އަލަމާރި ފަދަ ތަކެތި
ގޮށި
ނ (1) އެތެރެއަށް އެއްޗެހި އެޅޭގޮތަށް ނުވަތަ އެއްޗެހީގެ މަތިންޖެހޭ ގޮތަށް ފުލަށް ހިމަކޮށް ތޫރިކޮށް ހަދައިފައި ހުންނަ އެއްޗެއް މިތަފާތު އެއްޗިހިން ވަރުވަރަށް ހަދައިފައި ހުރެއެވެ މިސާލު: )ހ( ކަރުދާހުގޮށި )ށ( ބިޑިއަނބުރާގޮށި (2) މުކައްބަ
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްފިލުން
މ ގޮށްެނެތުން މިސާލު: މިހާރު އޭނާގެ ބޮލުގެ އިސްތަށިގަނޑުން ގޮށްފިލައިފިއެވެ
ގޮނޑި
ނ (1) އިށީނުމަށް ހަދައިފައި ހުންނަ އެއްޗެއް މި ތަފާތު އެއްޗެހިން ތަފާތު ވައްތަރު ވައްތަރަށް ހަދައިފައި ހުރެއެވެ (2) ބިއްސާއި އޮށާޅަ އާއި މުލިހި ފަދަ އެއްޗެހީގެ އަޑީގައި އުފެދިފައި ހުންނަ ހަރުބައި (3) ބައެއްކަހަލަ ގަސްގަހާގެހީގެ މައިމުލާ ގުޅުވައިގެން ބިމުގެ ތެރެޔަށް ފައިބާ ބައި މިސާލު: )ހ( މުރަނގަ ގޮނޑި )ށ( ފަޅޯ ގޮނޑި )ނ( މުޅާ ގޮނޑި (4) ބަނޑުއަޅައި ވިހާ ތަކެތީގެ އުރަމަތީގައި އުފެދިފައި ހުންނަ ހަރުބައި
ގޮނޑިހުސްވުން
މ ތަނަކަށް އައްޔަން ކޮށްފައިވާ ނުވަތަ އިންތިޚާބު ކޮށްފައިވާ މީހަކު އެކަމުން ވަކިވުން މިސާލު: ރައްޔިތުންގެ މަޖިލިސްގެ އަތޮޅެއްގެ ގޮނޑި ހުސްވުން
ގޮނޑިފޭބުން
މ ބައެއް ގަސްގަހުގެ މުލަށް ފުށްއެރުން މިސާލު: )ހ( ވިހަލަގޮނޑި އުފެދުން )ށ( ދަނޑި އަލުއިގަހުގެ މޫ ފަލަވެ ފުށްއެރުން )ނ( ބުރަނދަގޮނޑިގަހުގެ މޫފަލަވުން )ރ( ގޮށް ކުޅަނދުރު ގަހުގެ މުލުގައި ގޮށް އުފެދުން
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮރުޖެހުނުމަސްމުޅި
ގބ )މިސާލުބަހެއް( ބޭނުންހިފަން ކަމުނުގޮސްގެން ބަހައްޓައިފައި ހުރިއެއްޗެއް އެހެން އެއްޗެއް ނެތުމުގެ ސަބަބުން ބޭނުންކުރެވޭގޮތްވުމުން ބުނެއުޅޭބަހެއް
ގޮބު
ނ (1) މިދިލިގަހުގައި އަޅާވައް (2) ބައެއް އެއްޗެހީގެ ކޮޅުގައި ހަރުކޮށްފައި ހުންނަ ތަން މިސާލު: ދިދަދަނޑީގެ ކުރީގައި ހަރުކޮށްފައި ހުންނަ ގޮބު (3) ތަޅުފަދަ އެއްޗެހީގައި ހިފަން ހުންނަ ބައި (4) އަލަމާރި ވަތްގަނޑު ފަދަ އެއްޗެހި ހުޅުވާއިރު ހިފުމަށް ވަށްކޮށް ހަދައިފައި ހުންނަ ބައި
ގޮއިބެއޮޑީގައި ހަކުރުދަމައިފައި އޮތްހެން
)މިސާލުބަހެއް( ފުރާދުއްވާ އެއްޗެއްގެ އެތަން މިތަނަށް އެއްބާވަތެއްގެ މުދަލެއް ލީމާ ބުނާބަހެއް ތަނެއްގައި ތަރުތީބެއްނެތި އެއްޗެހިތަކެއް އުކައިލެވިފައި ހުރުމުންވެސް މިހެން ބުނެއުޅެއެވެ
ގޮއްވައިލުން
މ (1) އަނގައިން ފުމުމުން ނުވަތަ އެހެންވެސް ވަސީލަތަކުން އަޑުއުފެދޭ އެއްޗަކުން އަޑެއްނެރުން މިސާލު: ކަށިގަނޑު ގޮއްވައިލުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަންތަނާއި އެއްޗެހި ފުނޑު ފުނޑު ކޮށްލުން (4) )ޏ ( ރޮއްވައިލުން
ގޮއްވުން
މ (1) ފުމެގެން ނުވަތަ ވައިހިންގައިގެން އަޑުނެރޭ އެއްޗަކުން އަޑު ނެރުން މިސާލު: ބަރުގޮނު ގޮއްވުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަނެއް ނުވަތަ އެއްޗެއް ފުނޑު ފުނޑުކޮށްލުން (4) މަޖާޒު: މަލާމާތް ކުރުން (5) )ޏ ( ރޮއްވުން
ގޮވާން
ނ ކުރާ އަންނަ ގަސްގަހުގައި އަންނަ ތަކެތި. މިސާލު: ބިންބި ކުދިބަތް ޒުވާރި ހަނޑޫ ގޮދަން ފަދަ ތަކެތި
ގޮވުން
މ (1) އަނެކަކަށް އިއްވަން އަނގައިން އަޑުނެރުން (2) ދިރޭއެއްޗެހީގެ އަނގައިން އަޑުނެރުން (3) ބަޑީގެ ވަޒަންނުކުތުން (4) ބަޑިބޭސް ނުވަތަ ޑައިނަމައިޓްގެ ސަބަބުން ތަނެއް ނުވަތަ އެއްޗެއް ފުނޑު ފުނޑުވުން (5) ފުނޑުފުނޑުވެގެން ބުރަބުރައިގެން ދިއުން (6) ޚަބަރެއް އިއްވުން މިސާލު: ޚަބަރުގޮވުން (7) )ޏ ( ރުއިން (8) މަޖާޒު: ކަމަކަށް އިލްތިމާސެއްކުރުން
ގޮލާ
ނ (1) ފިރިހެނުންނަށް އިޝާރާތްކޮށް ކިޔާ ނަމެއް މިސާލު: އެގޮލާ ވަރަށް ލާނެތެވެ (2) ޖަނަވާރަށް އިޝާރާތްކޮށް ކިޔާ ނަމެއް މިސާލު: އެގޮލާ ފުންމައިގެން އައިސް ބަކަރި ފަޅައިލައިފިއެވެ (3) ގޮޅާ (4) )ހ ( މަޖާޒު: ފިރިހެންހަށި
ޏާ
އ (1) ނަމަވުމުގެ އަކުރެއް (2) އަންނާން އޮތް ޒަމާން ދައްކަން ބޭނުންކޮށް އުޅޭ ބަހެއް މިސާލު: މަސައްކަތް ކުރަންޏާ މޮޅުވާނެ
ސަހަލު
ނއ (1) ދޭސީ (2) އާދައިގެ މިސާލު: ތިޔައީ ސަހަލު ކަމެއް ނޫނެވެ