radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
މުލަވެދި
ނ )ސ.( މިޔަރު ބާނަންގޮސް ވަތަށް ދޫކުރާގާ ނުވަތަ އަކިރި ގޯނި
މުލަވެދިހިނދުވުން
މ )ސ ( ވާންގާ ކަނޑައިލުން
މުލާ
ނ އިހުގައި ބައެއް އަންހެނުން ބޭރަށްދާއިރު ބޮޑު ބުރުގާހެން ބޭނުންކުރާ ފޮތިގަނޑެއް
މުލެވިއްދާ
ނ )ގ ( ވާންގާ
މުލެވެދި
ނ )ސ ( ވާންގާ
މުގުރުގަނޑު
ނ މުގުރުބުރި )ކުރެދިން ނުވަތަ އެހެން ބާވަތެއްގެ ލަކުޑިއަކުން މުށްވަޅެއްލައިފައި ހަދާފައިއޮންނަ ހިމަދިގު އެއްޗެއް ގާތްގަނޑަކަށް މީގެ ދިގުމިން މާމުށެއް ނުވަތަ ކުރުމުށެއް ވަރުވާނެއެވެ
މުގުބަތް
ނ ހަނޑުލާ މުގާ އެއްކޮށްގެން ވަކިގޮތަކަށް ކައްކާ ބަތެއް
މުގުތޮޅި
ނ ގަހެއްގާ އަޅާ ތޮޅީގެ ބާވަތެއް
މުގޯލި
ނ ފައިގެ ފުންނާބު ބިންމަތީގައި ޖައްސައިގެންހުރެ ފުންނާބު މެދަށްލައި ބޮޑުވައި އިނގިލިން ނުވަތަ ފައިތިލައިން ވައްރޮނގެއް އެޅުމުން ފާހަގަކުރެވޭތަން. މުގޯލި ބޭނުންކުރަނީ ތިންމުގޯލި ރަމަންރަމަން ފޯލި އަދި ހަތްއައްތަވާޅީން ގާނެގުން ފަދަ ކުޅިވަރުތަކުގައެވެ
މުޑަން
ނ (1) މަސްދޯނި ފަހަރުގައި މަސްބާނަން ގެންގުޅޭ އެންމެ ކުރުދޮށި (2) ތަނުގައި ހިނގާ ހުރިހާ ދެރަކަމެއް މަތިކުރާ މީހާއަށް ނިސްބަތްކޮށް ބުނެއުޅޭ ބަހެއް މިސާލު: މަތިވާނީމުޑަނާއެވެ (3) ގޭގެ ވެރިޔަކަށް އިންނަ އަންހެންމީހާ
(2) މުޑުގެ އެއްވަނަ މާނަބަލާ! މުޑުގާ
ނ (1) ގަލުގެ ތެރޭގައި ހިމެނޭ ތަޅަން އެންމެ އުނދަގޫ ހަރުވައްތަރުގެ ގާ މިގާވަރަށް ބަރުވެސް ވާނެއެވެ
މުޢާމަލާތު
ނ (1) ދުނިޔަވީ ކަންތައްތަކުގައި ދެފަރާތެއްގެ ދެމެދުގައި ހިންގާ ގުޅުން މިސާލު: ގަނެވިއްކުން (2) އެކަކު އަނެކަކަށް ކަންތައް ކުރާގޮތް
މޫނަށްބެލުން
މ މަޖާޒު: ތިމާގެ ގާތް މީހަކަށް ނުވަތަ ހެޔޮއެދޭ މީހަކަށް ވީތީ އެމީހަކާމެދު ވަކިގޮތަކަށް ކަންތައްކުރުން
މޫނު ދުށުން
މ މައްޔިތާ ކަފުންކޮށް މޫނު އެޅުމުގެ ކުރިން އެމީހެއްގެ ގާތަށް ގޮސް އެމީހަކު ދުށުން
މޫނުބުރުގާ
ނ އަންހެނުންގެ ބުރުގާގައި މޫނު ނިވާކުރަން އޮންނަ ފޮތިކޮޅު
މޫނުކެނޑުން
މ މަޖާޒު: ގާތްކަން ކެނޑި ރުޅިވުން
މޫނުއަލި
ނއ (1) މޫނު ސާފު (2) މޫނު އުޖާލާ (3) މޫނުމަތިން ފެންނަ ރުހުމުގެ އަސަރު (4) މަޖާޒު: ހިތްހެޔޮ (5) އޯގާވެރި
މޫނުއެޅުން
މ (1) ކަފުންކޮށް ނިމިގެން މައްޔިތާގެ މޫނުމަތީގައި ބޭއްވުމަށް ޚާއްޞަ ކުރެވިފައިވާ ކަފަގަނޑު މޫނުމަތީގައި ބޭއްވުން ނުވަތަ ކަފަގަނޑުން މޫނު ނިވާކުރުން (2) މަޖާޒު: ހިނގަހިނގާހުރި ކަމެއް ހުއްޓުން
މޫނުމަތި
ނ (1) މޫނަށްވީ ހިސާބު. (2) މޫނުގެ ސިފަ ބަދަލުކުރުމަށްޓަކައި އަލަށް ހަދައިފައި ހުންނަ އެއްޗެހި (3) ފީނާއިރު ލޯރައްކާތެރި ކުރުމުގެ ގޮތުންނާއި ފަސޭހައިން ތަންތަން ބެލުމަށްޓަކައި މޫނުގައި އަޅަން ހަދައިފައި ހުންނަ އެއްޗެހި (4) ގަޑިއާއި ސަމުގާ ފަދަ އެއްޗެހީގެ އަކުރުތައް ޖަހައިފައި ހުންނަފަރާތް (5) ކުރިމަތި
މޫނުދެކެންދިއުން
މ މައްޔިތާ ކަފުންކޮށް މޫނު އެޅުމުގެ ކުރިން އެމީހެއްގެ ގާތަށް ދިއުން