radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ފިލިއެޅުން
މ ވަޅި ފުރޯ ފަދަ އެއްޗެހީގެ ތިލަ ހިފެހެއްޓުމަށާއި މުށްގަނޑު ނުވަތަ ދަނޑިފެޅުނަ ނުދިނުމަށްޓަކައި މަޢުދަނަކުން ހަދައިފައިވާ ބަންދެއް އެޅުން
ފިލިފޮތް
ނ ކުޑަކުދިންނަށް ޢަރަބި އަކުރު ދަސްކޮށްދޭން ހަދައިފައި ހުންނަ ފޮތް
ފިސްތޯލަ
ނ ކުޑަބަޑިއެއް މިއީ އެއްތަނުން އަމާޒުކޮށް ގޮއްވާލެވޭ ގޮތަށް ހަދައިފައި ހުންނަ ހަތިޔާރެކެވެ
ފިޔަން
ނ ތެލި ފުފޭ ފަދަ ތަކެތީގެ މަތިން ޖަހަން ލަކުޑިން ހަދައިފައި އޮންނަ އެއްޗެއް
ފިޔަރި
ނ ވާއަޅާއިރު އުޅިތައް ލައްވަން ހަދައި ލައްވައިފައި ހުންނަ ފިލާގަނޑު ނުވަތަ ލަކުޑިގަނޑު
ފިޔަލީހިނި
ނ ހިނީގެ ފިޔަލީ ވައްތަރު މިހިނި ތިބޭނީ އާދައިގެ ހިންޏައްވުރެ ބޮޑެތި ކޮށެވެ
ފިޔާދާ
ނ (1) ފިޔާ ދާގަނޑު (2) ކަރުދާހުން ކަފައިގެން ފިޔާދާގަނޑާއި އެއްގޮތަށް ހަދައިގެން އެލުވައި އުޅޭ އެއްޗެއް (3) ބިންމަތީގައި ހަނގުރާމަ ކުރާމީހާ
ފީރު
ނ އެއްޗެހި ގާނައި އޮމާންކުރުމަށާއި ހުނިގޮނޑި ތިލަ ކީސް ފަދަ ތަކެތި ތޫނު ކުރުމަށްޓަކައި އެކަތައިން ހަދައިފައި ހުންނަ ހަތިޔާރެއް. މީގެ ދެތިން ހަތަރު ވައްތަރެއް ހުރެއެވެ. މިސާލު: ތިންއަރިފީރު އޮނުފަޅިފީރު ފަތިފީރު ގަސްގާނާފީރު
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފީތާފަށް
ނ ތުނިކޮށް ހަނިދިގުކޮށް އުއި ނުވަތަ ނައިލޯނު ފަދަ އެއްޗަކުން ހަދައިފައިވާ ފޮތިފަށެއް
ފުށްހިލުން
މ ހުންޏާ ހަކުރުގެ ތެރެއަށް ކުޑަފެންފޮދެއް އަޅައިގެން އަލިފާން މައްޗަށް އުދައި ރަނގަޅަށް ހަލަމުން ފުށް އަޅައި އެއްކުރަމުންގޮސް ރޯފިލުވުން
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ފުށްކަށި
ނ ދަގަނޑު ކެނޑުމަށް އެކަތައިން ހަދައިފައިވާ އާލާތެއް މިހަދައިފާއި ހުންނަނީ އެއްކޮޅުގައި މިއަ އަޅާފައެވެ
)ހިކިކިރު( ފުށްކިރު
ނ (1) ހަކުރާ ކިރާ އަޅައިގެން ފުށުގައި ކައްކާ ފޮނިކާއެއްޗެއް (2) ފުށްގޮތަށް ހަދައިފައި ހުންނަ ކިރު
ފުށްޑަން
ނ ބަދިގޭގައި ދަރުޖަހައިގެން ކެއްކުމަށްޓަކައި ޖަހައިފައި ނުވަތަ ހަދައިފައި ހުންނަ އުނދުނުގެ ބިއްދޮށް
ފުނޑުން
މ އެއްޗެއް ދައިމައްޗަށް އަޅައި ފެން ނުވަތަ އެނޫންވެސް ބޭނުންވާ ދިޔާ އެއްޗެއް ޖަހައި ފޮއި ހިންގައިގެން ހިމުން ކުރުން
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުނާ
ނ ބޮލުގެ އިސްތަށިގަނޑު އޮމާންކުރުމަށް ބޭނުންކުރޭ ދަތްބަރިއެއްލައިފައި ހުންނަ އެއްޗެއް. މިހަދައިފައި ހުންނަނީ ކަހަނބުފަތް ޕްލާސްޓިކް ފަދަ އެއްޗެހިންނެވެ
ފުންކުރުން
މ (1) ތަނެއް ނުވަތަ އެއްޗެއް ކޮނެގެން ނުވަތަ ތޮރުފައިގެން ނުވަތަ މިނޫންވެސް ގޮތަކުން ހުރިވަރަށްވުރެ ބޮޑަށް އަޑިކުރުން. (2) އޮޑިދޯނިފަހަރު ބީހިފައި ހުއްޓައި ނުބީހޭ ވަރުގެ ދިޔަވަރު އޮތް ތާކަށް ގެންދިއުން. (3) ވާހަކަ ދައްކާ އާދައިގެ ބަހަށްވުރެ މާނަވީ ބަހުރުވައަށް ދައްކާ ވާހަކަ ބަދަލުކުރުން
ފުންމާއޮނު
ނ ރާގުތައް ފުމެވޭގޮތަށް ހަދައިފައި ހުންނަ އޮނު