radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ކަންފަތި
ނ (1) ރާވެރީން އެތް މަންނާން ގެންގުޅޭ ވަޅި (2) އެއްޗެއް ކޭއްތިގެން ނުވަތަ ގޭނިގެން އުނިވާ އުނިވުން
ކަންފަތިވުން
މ އެއްޗެއް ކޭއްތިގެން ނުވަތަ ގޭނިގެން އުނިވުން
ކަންޒަށްލުން
މ ހަނގުބޭކަލުންނާއި އަވަށުމީހުންފަދަ މީހުންކުރެ މަސައްކަތަށް ކުށް ކުރާ މީހުނަށާއި މަސައްކަތަށް ނުނުކުންނަ މީހުންނަށް އަދަބު ދިނުމުގެ ގޮތުން ކޮންމެވެސް ގަނބާ ކިސަޑު ގަނޑަކަށް އެރުވުން ގަނޑުވަރުތެރެ ވަށާ މިކަންޒު އޮތް ޒަމާނުގައި އެފަދަ މީހުން އަރުވަނީ އެކަންޒަށެވެ
ކަންޒުހެދުން
މ (1) ތަނަކަށް ފެންއެޅި ކިސަޑުހެދިގެން ގަނބާގޮތްވުން (2) ޢަދާވާތްތެރިންނަށް ހުރަސްކޮށްފައި ނައުދެވޭގޮތަށް ކޯރުކެނޑުން
ކަންޒޫރިކިޔެވުން
މ ކަނޑުމައްޗާ ބެހޭގޮތުން ޒިޔާރަތަށާއި މަޤާމަށް ފާތިޙާ ކިޔެވުން
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރުފައި އަޅާވަރިވުން
މ މަޖާޒު: ފިރިމީހާގެ ގާތުން ގަދަކަމުން ވަރިވުން
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަރުގައި އަޅައިގަތުން
މ ދިރުވައިލި އެއްޗެއް ކަރުތެރޭގައި ތާށިވުން
ކަރުގައިއެޅުން
މ (1) ދިރުވާލި އެއްޗެއް ކަރުތެރޭގައި ތާށިވުން (2) ކަނދުރާގައި އެއްޗެއް އެލުވުން (3) މަޖާޒު: ނުރުހެވޭ ކަމަކާ ހަވާލުވާން ޖެހުމުން ބުނެއުޅޭގޮތް
ކަބަރުވުން
މ ކަބަރުވުން
ކަޅުވުން
މ (1) ކަޅުކުލަޖެހުން (2) ކުލަ އަނދިރިވުން
ކައިރިވުން
މ ގާތްވުން
ކައިދާ އެޅުވުން
މ (1) ލަގަން ހަރުކުރާން އަނގަޔަށް ދަގަނޑު ގަނޑެއްލެއްވުން (2) މަޖާޒު: ކިޔަމަން ކުރުން (3) ކިޔަމަންވާނެ ގޮތް ހެދުން (4) ކޮންމެ ގޮތެއްވިޔަސް އެއްޗެއް ބުނަން ނުކެރޭނެގޮތް ހެދުން
ކައްތިރިވުން
މ ކަތިކޮށް ބުރަފަތިވުން
ކައްޗާއެޅުން
މ (1) އެއްލައިފައި އޮންނަ ގުޑިއާއި މަޑިފަދަ ތަކެތި ކައްޗާދުވާން އަރިވުން (2) މަޖާޒު: މީހާ ހުންނަގޮތަށް ނުހުރެ އެކި އަތްއަތަށް ދިއުން
ކައްޗާވުން
މ (1) ކަންތަކަށް ދެރަވުން (2) ހުޝިޔާރުކަންކުޑަވުން (3) ބަސްސީދާނުވުން
ކަވާސާވުން
މ އެކުވެރިކަން ބޮޑުވުން
ކަމަށްއިސްވުން
މ (1) ކަމެއްގެ ވެރިކަން ލިބުން (2) ކަމަކަށް ވެރިވުން
ކަމަރީވުން
މ (1) އަންހެނުންގެ ޒުވާންކަން ދިއުން (2) ބައެއްތަކެތި ބާވުން (3) މަޖާޒު: މީހަކުހުރި މަޤާމުން ދަށަށް ދިއުން