radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވައްޖިދުވާތާރަ
ނ ވައްޖިދުވާއިރު ޖަހާ ތާރަ. މިއީ ރާއްޖޭގައި މީހުން ނަދުރު ބުނެގެންނާއި އެހެނިހެން ގޮތްގޮތުން ކުރާކަމެކެވެ އަދި އާދަކާދައިގެ ކުޅިވަރެއްގެ ގޮތުގައި ކުރާ ކަމެކެވެ
ވަލުފިނިފެންމާ
ނ ފިނިފެންމަލުގެ ވައްތަރެއް. މިއީ ގޮފިތައް ވާކޮށް ހުރުމާއެކު ހެދޭ އަދި މަލާއި ފަތްކުދި މަލުގާ ވަސްނުހުންނަ ވައްތަރެކެވެ މާހުންނާނީ ރަތްކޮށެވެ
ވަލުފުޅަލި
ނ ގޭގެ އަންހެނުން އުޅޭ ފަރާތަށް ވަންނަން ހުންނަ ފުޅަލި. މިއީ ޚާއްޞަކޮށް އަންހެނުން ވަދެނިކުމެ އުޅުމަށާއި މަސް ދަރު ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާއުޅޭ ފުޅައްޔެކެވެ
ވަލުދޮރޯށި
ނ ގޭގެ އަންހެނުން އުޅޭ ފަރާތަށް ވަދެވެން ހުންނަ ދޮރޯށި. މިއީ ޚާއްޞަކޮށް އަންހެނުން ވަދެ ނިކުމެ އުޅުމަށާ މަހާއި ދަރާއި ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާ އުޅޭ ދޮރޯއްޓެކެވެ
ވަގުހަން
ނ މިނިކާވަގުގެ ހަން މިއީ ބޭސް ފަންޑިތައަށް ބޭނުންކުރާ އެއްޗެކެވެ
ވަގުވަކި
ނ މިނިކާވަގުގެ ނިޔަފަތި މިއީ ދިވެހިބޭހާއި ފަންޑިތައާއި ކަރުގިލައަށް ބޭނުންކުރާ އެއްޗެކެވެ
ވަގުފިނދަށް ބަދުރުވަ ލައިގަތުން
މ )މިސާލުބަހެއް( ބިރުދެއްކުމުގެ ގޮތުން ސިފަދައްކައިގެން ބުހުތާނެއްގެ ގޮތުގައި ދައްކާ ހުއްޖަތް މިއީ މިނިކާވަގާބެހޭ ގޮތުން ކުޑަކުދިންނަށް ކިޔައިދޭ ފުލޯކުވާހަކައަކުން ނެގިފައިވާ މިސާލުބަހެކެވެ
ވަގުލޮލަށްމަސްބެހުން
މ )މިސާލުބަހެއް( އެއްޗެއް ބަހާއިރު އެތަނެއްގައިވާ އެންމެ އިސްމީހާއަށް އެންމެ ރަނގަޅު އަދި އެންމެ ފައިދާ ހުރިތަކެތި އެންމެ ގިނައިން ލިބޭގޮތަށް ބެހުން މިއީ ކުޑަކުދިންނަށް ކިޔައިދޭ މުސްކުޅި ވާހަކަ އަކުންނަގައިފައިވާ މިސާލެކެވެ
ވަޑާންކަށިތާނަ
ނ މިއީ ކަންހަމަކޮށް ލިޔާތާނަ އަކުރަށް ކިޔާފައިވާ ނަމެކެވެ މި އަކުރު ހުންނަނީ )ހ ށ ނ ރ( މިގޮތަށެވެ މިއަށް އަތިރީގޭ ތާނަވެސް ކިޔައެވެ
ވަޑިހަނގު
ނ ގަނޑުވަރުތެރޭގެ ވަޑިއެއްގެ ގޮތުގައި މަސައްކަތް ކުރަން ހުންނަ މީހާ މިއީ މިކަމަށް ބަނޑު ހަޑޫ ދެއްވައިފައިވާ މީހެކެވެ
ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ވާރުއޮޑީދަތުރު
ނ ވާރަށް ނެގޭ ތަކެތި ހިފައިގެން ކުރަންޖެހޭ ދަތުރު. އެއީ އަހަރަކު ފަސް ދަތުރެވެ. އެމީހުންގެ ކޮއްތު އޮންނާނީ މާލޭފަޅަށް ވަންނާންދެން ވާރުގެއިން މާލޭ ފަޅަށްވަނީއްސުރެ ރަށަށް ދާންދެން ބޮޑު ބަނޑޭރި ގެއިންނެވެ
ވާރުވެރިޔާ
ނ ވާރާއި ޙަވާލުވެގެންވާ މީހާ ވާރުނެގި ޒަމާނުގައި އެއީ އަތޮޅުވެރިންނެވެ
ވާރުފަތްކޮޅު
ނ ވާރުނެގި ޒަމާނުގައި އެއަތޮޅެއްގެ ހުރިހައި ރަށްރަށަކުން ވާރުނަގާންވީ ގަވާއިދު ވަކިވަކީން ލިޔެފައިވާ ފަތްކޮޅު މިއީ ވާރުވެރިންނަށް ވާރުވެރިކަމުގެ ފަތްކޮޅާއި ވަކިން ދެއްވާ ފަތްކޮޅެކެވެ
ވާކަން
ނ (1) ޒަމާނެއްގެ ނަން (2) ހިނގާކަން (3) ބެހޭކަން މިސާލު: ތިޔައީ އަހަންނާ ވާކަމެއްނޫނެވެ (4) ހަށިގަނޑުގެ ގުނަން ގުނަނުގެ ބާރު މުޅިން ނެތިފައިވާކަން (5) ތިމާއަށް ކަމެއް ކުރެވޭކަން މިސާލު: މީ އަހަންނަށް ވާކަން ދައްކައިލަން ކުރިކަމެއް (6) ވައުކަން
ވާމަޓެ
ނ )ގ ( )ރަނޑޫ( މިއީ ކަނޑޫ ޢާއިލާގެ ގަހެކެވެ
ވާތޮޅި
ނ (1) ނަނުގަނޑު ތޮޅި. (2) ވާކަތޮޅި. މިއީ ދެތުންގަނޑު އެއްވަރު އެހެން ތޮޅިއަށްވުރެ ހިމަ ބުރިކަށިމަތީގައި ތަންކޮޅެއް ކޮތަރި ގިނަ ތޮޅިއެކެވެ
ވިހަދަނޑި
ނ ގިނަފަހަރަށް ކަކުލުހުޅާ ތަނބިކައްޓާ ދެމެދުގައި ނަގާބައްޔެއް. މިބަލިނަގައިފިނަމަ އެހިސާބު ރަތްވެފައި އަދި ދުޅަވާނެއެވެ މީގެ ބޯކޮޅު ހުންނަނީ ތިރިއަށްކަމަށް ބުނެއުޅެއެވެ މިއީ ފައިފަލަބަލީގެ ދެވަނަ ދަރަޖައެވެ
ވިހަލަގޮނޑި
ނ (1) ފަތްޕިލާވެލީގެ ތެރޭ ހިމެނޭ ވެލެއްގެ ގޮނޑިއެއް )ވިހަނުފިލުވައި މިކައިފިނަމަ ވިހަވާނެއެވެ ( (2) ފަތްޕިލާވެލީގެ ތެރޭގައި ހިމެނޭ ވެލެއް )މިވެލުގެ ފަތް ހުންނާނީ ފަހަތުކޮޅަށް ފުޅާކޮށް ކުރީކޮޅަށް ހިމަކޮށެވެ މާ ހުންނާނީ އޯކިޑުގެ ބައެއްވައްތަރުގެ މާ ހުންނަހެން ފިޔަ ކަފިވެފައެވެ މި މާ ފަރިވީމާ ރަތްކުލައަށް ބަދަލުވެއެވެ މިއީ ގޮނޑި ފައިބާ އެއްޗެކެވެ