radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ޒިޔާރަތްކުރުން
މ (1) ބައްދަލުކުރުން. (2) ތަނަކަށް ނުވަތަ ރަށަކަށް ނުވަތަ ގެއަކަށް ދިއުން
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ޒީލަކުރުން
މ އަޑުގަދަކޮށް ތޫލިކަން ގަދަކުރުން
ޒުވާބުކުރުން
މ (1) ޖަދަލު ކުރުން (2) ދެމީހަކު ނުވަތަ ގިނަބަޔަކު އަރާރުންވުން
ޓައިޕުކުރުން
މ ޓައިޕްރައިޓަރަކުން ލިޔުމެއް ލިޔުން
ޓޭޕުކުރުން
މ (1) ޓޭޕްރެކޯޑަރެއް ބޭނުންކޮށްގެން އަޑުއެޅުން (2) ވީޑިއޯ ކެމެރާއެއް ބޭނުންކޮށްގެން މަންޒަރެއް ނެގުން
ޓޮސްކުރުން
މ (1) ކަމެއް ފަށަންވީ މީހަކު ނުވަތަ ބަޔަކު ބެލުމަށްޓަކައި ފައިސާ ފޮއްޗެއް މައްޗަށް އެއްލައިގެން ބެލުން (2) ގުރުއަތުލުން
ޕާރުސަލްކުރުން
މ އެއްޗެއް ނުވަތަ އެއްޗެހި ތަކެއް އެއްބޮނޑިޔަކަށް ކަރުދާހުގައި ބަންދުކުރުން
ޕާކުކުރުން
މ އެއްގަމުގައި ދުއްވާ ތަކެތި ތަނެއްގައި ހުސްކޮށް ބޭއްވުން
ޕޯސްޓުކުރުން
މ ޕޯސްޓްމެދުވެރިކޮށް ފޮނުވުމަށް ބޭނުންވާ ތަކެތި ޕޯސްޓަށް ލުން ނުވަތަ ޕޯސްޓް އޮފީހާ ހަވާލުކުރުން
ޖަރީކުރުން
މ (1) ވިދާ އެއްޗެހިތަކުން ކުރެހުން އެޅުން ނުވަތަ ޒީނަތްތެރި ކުރުން (2) ކަސީދާކުރުން
ޖަލްސާކުރުން
މ (1) މަޖްލިސްކުރުން (2) މަޖާޒު: ޖަމާޢަތެއްގެ ތެރޭގައި ތިބޭ ދެމީހަކު އެހެން މީހުންނަށް ނޭނގޭގޮތަށް އަމިއްލަ ވާހަކައެއް ދެއްކުން
ޖިހާދުކުރުން
މ ދީނާއި ޤައުމު ހިމާޔަތް ކުރުމަށްޓަކައި ހަނގުރާމަކުރުން
ޖުރިމަނާކުރުން
މ ޖޫރިމަނާ ދޭން ކަނޑައެޅުން
ޖެއްސުންކުރުން
މ (1) އުނދަގޫ ކުރުން (2) ނުރުހިހުރެ ފަރުވާ ކުޑަކޮށް ކަންތައްކުރުން
ޗާޓަރުކުރުން
މ މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއްނުވަތަ ކަނޑު ދަތުރުކުރާ އުޅަނދެއް ވަގުތީ ގޮތުން ކުއްޔަށް ހިފުން
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗިސްކުރުން
މ (1) ފިސްކުރުން (2) ތަތްކަމެއް ނުވަތަ ތެތްކަމެއް ހުރި އެއްޗެއް ކުދިކުދި ކުރުން
ޙައްދުޤާއިމުކުރުން
މ (1) ދީނުގައި ވާގޮތަށް ޙުކުމުތައް ހިންގުން (2) ޙައްދު ޖެހުން
ޙައްލުކުރުން
މ ކަމެއް ހަމަޖެއްސުން