radheef.info
ރަދީފު


ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން
ކޮނޑުހުރިއަތް ނޭގޭހާބޯކޮށް
)މިސާލުބަހެއް( ވާރޭވެހޭލެއް ބޯކަން އަންގައިދިނުން ބުނެއުޅޭބަހެއް
ކޮނޑުހުޅު
ނ އަތާއި ހަށިގަނޑާއި ގުޅޭހުޅު
ކޮނެކެއުން
މ މަޖާޒު: (1) މަސައްކަތެއް ނުކޮށް އެކިމީހުން އަތުން އެކިދުވަހު ކެއުން (2) ދިރިއުޅޭނެ ޚާއްސަގޮތެއްނެތި އެގޮތް މިގޮތުން ކައި އުޅުން
ކޮންކޮން
ނ (1) ބެރުގެ ހަންބާރުކުރަން ވޮށީގައި ތަޅަންގެންގުޅޭ މުގުރު. މިއީ ދެކޮޅަށް ހިމަ ފޯލިކޮށް އޮންނަ ގުދު އެއްޗެކެވެ. (2) " ކޮން" ބަލާ!
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮރުކޮކާ
ނ ކަޅުމުށިކުލައިގެ ވަރަށް ކުޑަކޮކާލެއް މީގެ ފިޔައިގައި ހަށިގަނޑާގުޅޭ ހިސާބު ހުންނާނީ ގަދަ ދަނބުކުލައެއްގައެވެ ފިޔައިގެ ވަރަށް ފަނޑުހުދު ތިކިތަކެއް ހުރެއެވެ
ކޮރުވުން
މ (1) އެއްފައި ކުރުވުން (2) ހިނގުމުގައި އެއްފައި ހަމައަށް ނޭޅޭ ގޮތްވުން (3) މަޖާޒު: ބައެއް ތަކެއްޗާއި ކަންތައް ހަމައިން ނައްޓައިލުން
ކޮރުޖިންނި
ނ ޖިންނީންތެރޭ އުޅޭ އެއްފައިކޮރު ނުބައި އެއްޗެއްކަމަށް ބުނެއުޅޭ ޖިންނިއެއް
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޅުއޮއްސުން
މ ދިވެހިރުއް ދުވަސްވެގެން ފަންނުފޮޅޭ ގޮތްވުން
ކޮކަޑި
ނ މީދާ މަރަން ގެންގުޅޭ ވަރަށް ވަރުގަދަ ވިހައެއް މިހުންނާނީ ހުދުކުލައިގެ ހިމުން ފުށެއްހެނެވެ
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް
ކޮއިލޮއްސި
ނ ޅަކުދިންރޯތީ އަތަށްދޭން ގެންގުޅޭ ކުޅޭ އެއްޗެހި
ކޮއްކޮ
ނ (1) ތިމާގެ މީހުންގެތެރެއިން ހަގުމީހާ (2) ތިމާއަށްވުރެ ހަގުކުދީންނަށް އޯގާވެރިކަމުގެ ގޮތުން ކިޔާ އުޅޭ ނަމެއް ބައެއް ފަހަރަށް ވަނަމަކަށްވެސް ބައެއްމީހުނަށް މިހެން ކިޔައެވެ
ކޮއްތަށް ދީފައި ބަނޑަށްދޭ ވަރަށް ހުރުން
(މިސާލުބަހެއް) އެއްޗެއް މާގިނައިން ހުރީމާ ދީއުޅޭ މިސާލެއް މިސާލު: އެގޭގައި ކޮއްތަށް ދީފައި ބަނޑަށްދޭވަރަށް ހިކަނދިފަތް ހުރެއެވެ
ކޮއްތަކާއިހެދުމަކާލިބުން
)ގބ ( މަޖާޒު: (1) ދެރަމީހަކަށް ގެދޮރުހުރި މުއްސަނދި އަންހެނަކާ އިނދެވިގެން ބުނެ އުޅޭ ބަހެއް (2) އެއްކަމަކުން ދެބޭނުމެއް ފުދޭގޮތަށް ދިމާވާ ކަންތަކާ ބެހޭގޮތުން ބުނެއުޅޭ ބަހެއް
ކޮއްތުގުޑުގުޑާ
ނ ގޭގައިއުޅޭ ނޯކަރުން ދުންބޯން ބޭނުންކުރި ގުޑުގުޑާ ގިނައިން މިކަމަށް ގެންގުޅޭނީ ކަނާ ނޮޅިއެވެ
ކޮއްޓުން
މ (1) މީހެއްގެ ގައިގައި ނުވަތަ އެއްޗެއްގައި އިނގިލިން ނުވަތަ އެއްޗަކުން ކުއްލި ޙަރަކާތަކާއެކު ޖައްސައިލުމަށްފަހު ނައްޓައިލުން (2) ބިއްސާއި މުލިއްސާއި ފޮޅުފަދަ އެއްޗެހީގެ ތުން ތުއްވުން (3) އުކުނޑި ކޮއްޓުން (4) ފުޓުބޯޅައާއި ހޮކީފަދަ ކުޅިވަރު ކުޅޭއިރު ދުރަށް ބޯޅަ ފޮނުވައިނުލައި ގާތުގައި ބާއްވައިގެން މަޑުމަޑުން ޖަހަމުން ޖަހަމުން ގެންދިއުން (5) )ޏ ސ ( ކޮރުން (6) މަޖާޒު: މީހެއްގެ ހަވާލުގައި އޮތްކަމެއް އަވަސް ކުރުމަށް އުޅުން