radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
މަދުބެއްދުން
މ ވާއަޅާއިރު އުޅިތައް އެއްވަރަށް ހުންނާނެހެން ބެހެއްޓުމަށްޓަކައި މަދުފަށް ދުއްވައި އެފަށުގައި އުޅިތައް ޖައްސައި ބާރުކުރުން
މަދުބެދުން
މ (1) ވަކިވަރަކަށް ހަރުނުވާއިރު ހޮއި އޮންނަމޭވާ ހޮއިބެދޭ ވަރަށް ހަރުވުން މިސާލު: ކެޔޮގަނޑު ބެދޭ ވަރަށް ހަރުވުން (2) އޮށުގެ ޖާގަ ފުރޭވަރަށް މޭވާ ހަރުވުން
މަދޮޅުފަތް
ނ އެކި ފާޑުގެ ތަށިތަށީގެ މަތީ ކައިރިން ވަށައިގެން ބޭރަށް ނުކުމެފައި ހުންނަބައި މިބައި ހުންނާނީ ދާރައެއްނެތި ވަށްކޮށްނެވެ
މަތަރެސްމާ
ނ އިރަށް އެނބުރޭ މަލާ ވަރަށް އެއްވައްތަރު ސިފައެއްގައި އެއަށްވުރެ ފިޔަތައް ބޯކޮށްހުންނަމަލެއް މިމަލުގެ ބައެއް ވައްތަރުގައި އެއްބަރިއަށްވުރެ ގިނަ ބަރިޔަށްވެސް ފިޔަހުރެއެވެ
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިބިތްހިފުން
މ ރިޔަލު ދަތުރުކޮށްފައި ދާއިރު ވައިމަތީގައި ހުންނަ ރަށްރަށް އަތުވާ ހިސާބަށް ދަތުރުކޮށް އެރުން
މަތިކުރުން
މ (1) ކަމެއް ޙަވާލުކުރުން. (2) ކުރާނޭ މަސައްކަތެއް ނުވަތަ ދާނޭ ތަނެއް ނުވަތަ ދައްކާނޭ ވާހަކައެއް ހޯދައި އެކަމުގެ ވަގުތުޖެހެންވާއިރަށް ތައްޔާރު ކުރުން (3) މީހެއްގެ ބޮލުގައި އެމީހާ ނުކުރާކަމެއްގެ ތުހުމަތު އެޅުވުން
މަތިއަރައިގެންއުޅުން
މ ތިމާގެ ފެންވަރަށްވުރެ ހިތްމައްޗަށް ގޮސްގެން އުޅުން
މަތީފަނުގައިހިފަންއުޅުން
މަޖާޒު: ތިމާގެ ފެންވަރަށްވުރެ މައްޗަށް ހިތްފޯރުވުން
މަތުފުސް
ނ ލޮލުގައި ހެދޭ ފުހެއް މިފުސް އަރާފައި ގިނަދުވަސް ވެއްޖެނަމަ ލޯހަލާކުވެއެވެ ރަނގަޅަށް ފަރުވާ ނުކުރެވިއްޖެނަމަ ބައެއް ފަހަރަށް ލޯ އަނދިރިވާގޮތްވެސް މެދުވެރިވެއެވެ
މަލަނެގުން
މ ގަސްކަރަ އެކުލަވާލާވަރަށް މަލަފެނުން
މަލަގަސް
ނ ބައެއް ރަށްރަށުގެ މަލަފެންނައިރު އެންމެ އުސްކޮށް ފެންނަގަސް
މަލިކުޓަކި
ނ އަތުގެ މޮށްތަކުގައި ވެލިލާފައި ބޮޑުވައި އިނގިލި ފުއްކިބާގައި ޖައްސައި އަތް އަނބުރާލާ ގޮތަކުން ބޮޑުވައި އިނގިލި ނައްޓައިގެން ގޮސް މޮއްތަށް ބާރަށް ބޮލުގާ ޖެހޭގޮތަށް އަޅާ ޓަތްކެއް
މަގޫ
ނ ދަރާއި ދަނޑިއަށް ބޭނުންކުރެވޭ ބިޔަނޫންގަހެއް. މިއީ ފަތްތައް ވަރަށް ބޯކޮށް ހުންނަ ގަދައަށްހެދޭ ގަހެކެވެ މަގޫގަސް އެންމެ ގިނައިން ހުންނަނީ ހޭޅީގައެވެ
މަސާލަނަރު
ނ ވަރަށް ހިމަކޮށް އަދިއެހާމެ މަޑުކޮށް ހުންނަ ދަގަނޑު ނަރެއް
މަސްހިބަރު
ނ ކަނޑުގައި އުޅޭ ހިބަރުގެ ބާވަތެއް މިބާވަތުގެ ހިބަރު ފަންގަނޑު ހިބަރަށްވުރެ ކުރުފަލަވާނެއެވެ
މަސްރޯކުރުން
މ (1) ލޮލުގެ ތެރެއިން މަސްނުކުތުން (2) ފާރުގަނޑުގަނޑުގައި ހުންނަންވާ ވަރަށްވުރެ އިތުރަށް މަސްނުކުތުން
މަސްކަތުހަލުވާ
ނ ހަލުވާގެ ބާވަތެއް. )މިހަލުވާއަށް މަސްކަތުހަލުވާއޭ ކިޔަނީ އޮމާނުގެ ވެރިރަށް މަސްކަތުގައި މިހަލުވާ ހަދާލެއް ގިނަކަމުންނެވެ
މަސްކުރޮޅި
ނ ހިކިމަހައި ކާއްޓާއި މިރުހާ މިފަދަ އެއްޗެހި އެއްކޮށް މުޅިން ހިމުން ނުވާ ވަރަށް ތަޅައިގެން ހަދާ ކާއެއްޗެއް
މަސްކެއްވުން
މ މަސްއައިނުގެ ތެރެއަށް އެން އުކައިގެން މަސްގަނޑު ދުރަށްދިޔަނުދީ ހިފެހެއްޓުން